ಮೆಸ್ಸಿ ಬಳಿಕ Cristiano Ronaldo ಭಾರತ ಪ್ರವಾಸಕ್ಕೆ ಸಜ್ಜು

August 16, 2025

ಈ ವರ್ಷ ಫುಟ್ಬಾಲ್ ಅಭಿಮಾನಿಗಳಿಗೆ ನಿಜಕ್ಕೂ ಹಬ್ಬದ ವಾತಾವರಣ. ಮೊದಲು ಲಿಯೋನೆಲ್ ಮೆಸ್ಸಿ ಭಾರತಕ್ಕೆ ಬರಲು ನಿರ್ಧರಿಸಿದ್ದು ಈಗಾಗಲೇ ಸುದ್ದಿಯಾಗಿದೆ. ಮೆಸ್ಸಿ ಭಾರತ ಪ್ರವಾಸದ ವೇಳೆ ಹಲವು ಕಾರ್ಯಕ್ರಮಗಳಲ್ಲಿ ಭಾಗವಹಿಸಲಿದ್ದು, ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಸಹ ಭೇಟಿ ಮಾಡುವ ಸಾಧ್ಯತೆ ಇದೆ.

ಇದಾದ ಬಳಿಕ ಮತ್ತೊಂದು ಸಂತಸದ ಸುದ್ದಿ – ಕ್ರಿಸ್ಟಿಯಾನೊ ರೊನಾಲ್ಡೊ (Cristiano Ronaldo) ಕೂಡ ಭಾರತಕ್ಕೆ ಬರುವ ಸಾಧ್ಯತೆ ಇದೆ.

ಎಎಫ್ಸಿ ಚಾಂಪಿಯನ್ಸ್ ಲೀಗ್ 2025-26ರಲ್ಲಿ ಎಫ್ಸಿ ಗೋವಾ ಹಾಗೂ ರೊನಾಲ್ಡೊ ಆಡುವ ಅಲ್-ನಾಸರ್ ತಂಡ ಒಂದೇ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಈ ಹಿನ್ನೆಲೆಯಲ್ಲಿ ಅಲ್-ನಾಸರ್ ಭಾರತಕ್ಕೆ ಬಂದು ಪಂದ್ಯ ಆಡುವುದು ಖಚಿತವಾಗಿದೆ. ಮೋಹನ್ ಬಗಾನ್ ಕೂಡ ಲೀಗ್‌ನಲ್ಲಿ ಸ್ಥಾನ ಪಡೆದಿರುವ ಇನ್ನೊಂದು ಭಾರತೀಯ ತಂಡ.