IPL 2025ರ 23ನೇ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ವಿರುದ್ಧ ಆಟವಾಡಿದ ರಾಜಸ್ಥಾನ್ ರಾಯಲ್ಸ್ (Rajasthan Royals) ತಂಡ ಸಮಯ ಮೀರಿದ ಕಾರಣ ಬಿಸಿಸಿಐ ದಂಡ ವಿಧಿಸಿದೆ. ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ, ರಾಜಸ್ಥಾನ್ ತಂಡವು ನಿಗದಿತ 1 ಗಂಟೆ 30 ನಿಮಿಷಗಳ ಒಳಗೆ 20 ಓವರ್ಗಳನ್ನು ಪೂರ್ಣಗೊಳಿಸಿಲ್ಲ.
ಈ ಕಾರಣದಿಂದ, ತಂಡದ ನಾಯಕ ಸಂಜು ಸ್ಯಾಮ್ಸನ್ರಿಗೆ ₹24 ಲಕ್ಷ ದಂಡ ವಿಧಿಸಲಾಗಿದೆ. ಇದೇ ನಿಯಮದ ಅಡಿಯಲ್ಲಿ, ಈ ತಪ್ಪನ್ನು 2ನೇ ಬಾರಿಗೆ ಮಾಡಿದ ಕಾರಣ ಈ ಗರಿಷ್ಠ ದಂಡ ವಿಧಿಸಲಾಗಿದೆ.
ಸಾಮಾನ್ಯ ನಿಯಮಗಳು ಹೀಗಿವೆ
- ಪ್ರತಿ ತಂಡವು 20 ಓವರ್ಗಳನ್ನು 1 ಗಂಟೆ 30 ನಿಮಿಷಗಳಲ್ಲಿ ಮುಗಿಸಬೇಕು.
- ಸಮಯ ಮೀರೆದು ಆಟ ಆಡಿದರೆ, ಫೀಲ್ಡಿಂಗ್ ವೇಳೆ ಬೌಂಡರಿ ಬಳಿ ಇರುವ ಆಟಗಾರನನ್ನು 30-ಯಾರ್ಡ್ ಸರ್ಕಲ್ನ ಒಳಗೆ ಕರೆತರುವ ನಿಯಮ ಇದೆ.
- 1ನೇ ಬಾರಿ ತಪ್ಪಾದರೆ ನಾಯಕನಿಗೆ ₹12 ಲಕ್ಷ ದಂಡ.
- 2ನೇ ಬಾರಿ ತಪ್ಪಾದರೆ ₹24 ಲಕ್ಷ.
- 3ನೇ ಬಾರಿ ಮತ್ತೆ ತಪ್ಪಾದರೆ ₹30 ಲಕ್ಷ ಹಾಗೂ 10 ಆಟಗಾರರಿಗೆ ತಲಾ ₹12 ಲಕ್ಷ ಅಥವಾ ಪಂದ್ಯ ಶುಲ್ಕದ 50% ದಂಡ ವಿಧಿಸಲಾಗುತ್ತದೆ.
ಇತರ ಆಟಗಾರರಿಗೆ ದಂಡ: ಈ ವೇಳೆ ರಾಜಸ್ಥಾನ್ ರಾಯಲ್ಸ್ ಪರ ಆಟವಾಡಿದ 10 ಆಟಗಾರರಿಗೆ ತಲಾ ₹6 ಲಕ್ಷ ಅಥವಾ ಪಂದ್ಯ ಶುಲ್ಕದ 25% ದಂಡ ವಿಧಿಸಲಾಗಿದೆ ಎಂದು ಬಿಸಿಸಿಐ ತಿಳಿಸಿದೆ.
ಮುಂದಿನ ಬಾರಿ ಎಚ್ಚರ ಬೇಕು: ಇದೀಗ ಈ ದಂಡದ ಬಳಿಕ, ರಾಜಸ್ಥಾನ್ ರಾಯಲ್ಸ್ ಮುಂದಿನ ಪಂದ್ಯಗಳಲ್ಲಿ ನಿಗದಿತ ಅವಧಿಯಲ್ಲಿ ಓವರ್ಗಳನ್ನು ಮುಗಿಸಲು ಜಾಗೃತರಾಗಬೇಕಾಗಿದೆ. ಇಲ್ಲದಿದ್ದರೆ ಮೂರನೇ ಬಾರಿ ದಂಡ ಇನ್ನಷ್ಟು ಹೆಚ್ಚಾಗಲಿದೆ.
