ಮಳೆಗಾಲದಲ್ಲಿ ದೇಹದ ರೋಗನಿರೋಧಕ ಶಕ್ತಿ ಕುಗ್ಗುತ್ತದೆ. ಇದರಿಂದ ಕೆಮ್ಮು, ಶೀತ, ಜ್ವರ ಮುಂತಾದ ಕಾಯಿಲೆಗಳು ಹೆಚ್ಚಾಗಿ ಬರುತ್ತವೆ. ಆಹಾರ ಪದ್ಧತಿ ಮತ್ತು ಜೀವನಶೈಲಿಯ ಬದಲಾವಣೆಗಳು ಕೂಡ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ.
ಹೀರೆಕಾಯಿ ತಿನ್ನುವ ಪ್ರಯೋಜನ: ಹೀರೆಕಾಯಿಯನ್ನು (Ridge Gourd) ನಿಯಮಿತವಾಗಿ ತಿನ್ನುವುದರಿಂದ ದೇಹವನ್ನು ರೋಗಗಳಿಂದ ರಕ್ಷಿಸಬಹುದು. ಇದರಲ್ಲಿ ಇರುವ ಪೋಷಕಾಂಶಗಳು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ.
ಹೀರೆಕಾಯಿಯ ಪೋಷಕಾಂಶಗಳು
- ವಿಟಮಿನ್ C
- ವಿಟಮಿನ್ A
- ಪೊಟ್ಯಾಸಿಯಂ
- ಫೋಲೇಟ್
- ಹೆಚ್ಚಿನ ನೀರಿನ ಅಂಶ
- ಕಡಿಮೆ ಕ್ಯಾಲೊರಿಗಳು
ಇವು ದೇಹವನ್ನು ಹಗುರವಾಗಿಡುತ್ತವೆ ಮತ್ತು ಜೀರ್ಣಕ್ರಿಯೆ ಸುಧಾರಿಸುತ್ತವೆ.
ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ: ಹೀರೆಕಾಯಿಯಲ್ಲಿ ಇರುವ ವಿಟಮಿನ್ C ಮತ್ತು ಆಂಟಿ-ಆಕ್ಸಿಡೆಂಟ್ಗಳು ದೇಹದ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತವೆ. ಇದರಿಂದ ಬ್ಯಾಕ್ಟೀರಿಯಾ ಮತ್ತು ವೈರಸ್ಗಳಿಂದ ರಕ್ಷಣೆ ಸಿಗುತ್ತದೆ.
ಜೀರ್ಣಕ್ರಿಯೆಗೆ ಒಳ್ಳೆಯದು: ಹೀರೆಕಾಯಿಯಲ್ಲಿ ಇರುವ ನಾರು (ಫೈಬರ್) ಮಲಬದ್ಧತೆ, ಗ್ಯಾಸ್ ಮತ್ತು ಹೊಟ್ಟೆ ತುಂಬಿದ ಅನುಭವವನ್ನು ಕಡಿಮೆ ಮಾಡುತ್ತದೆ.
ತೂಕ ಇಳಿಸಲು ಸಹಕಾರಿ: ಹೀರೆಕಾಯಿ ಕಡಿಮೆ ಕ್ಯಾಲೊರಿಯುಳ್ಳ ತರಕಾರಿ. ಇದು ಹೊಟ್ಟೆ ತುಂಬಿದಂತೆ ತೋರಿಸಿ ಅತಿಯಾಗಿ ತಿನ್ನುವ ಅಭ್ಯಾಸವನ್ನು ತಡೆದು ತೂಕ ಇಳಿಸಲು ಸಹಾಯ ಮಾಡುತ್ತದೆ.
ಮಧುಮೇಹಿಗಳಿಗೆ ಒಳ್ಳೆಯದು: ಹೀರೆಕಾಯಿ ಕಡಿಮೆ ಗ್ಲೈಸೆಮಿಕ್ ಸೂಚ್ಯಂಕ (low glycemic index) ಹೊಂದಿದೆ. ಇದನ್ನು ತಿನ್ನುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಣದಲ್ಲಿರುತ್ತದೆ.
ಲಿವರ್ ಡಿಟಾಕ್ಸ್: ಹೀರೆಕಾಯಿ ಯಕೃತ್ತಿಗೆ (ಲಿವರ್) ಒಳ್ಳೆಯದು. ಇದು ಯಕೃತ್ತನ್ನು ಸ್ವಚ್ಛಗೊಳಿಸಿ ದೇಹದಲ್ಲಿನ ವಿಷಕಾರಕ ತ್ಯಾಜ್ಯಗಳನ್ನು ತೆಗೆದುಹಾಕುತ್ತದೆ.
ಹೀಗಾಗಿ ವಾರಕ್ಕೆ ಕನಿಷ್ಠ ಒಮ್ಮೆ ಹೀರೆಕಾಯಿ ತಿನ್ನುವುದರಿಂದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ, ಜೀರ್ಣಕ್ರಿಯೆ ಸುಧಾರಿಸುತ್ತದೆ ಮತ್ತು ಲಿವರ್ ಆರೋಗ್ಯ ಕಾಪಾಡಬಹುದು.
