ಟೀಮ್ ಇಂಡಿಯಾದ ಪ್ರಮುಖ ಆಟಗಾರ್ತಿ ಸ್ಮೃತಿ ಮಂಧಾನ (Smriti Mandhana) ಐಸಿಸಿ ಏಕದಿನ (ODI) ಬ್ಯಾಟರ್ಗಳ ರ್ಯಾಂಕಿಂಗ್‌ನಲ್ಲಿ 6 ವರ್ಷಗಳ ಬಳಿಕ ಮತ್ತೆ ಮೊದಲ ಸ್ಥಾನಕ್ಕೇರಿದ್ದಾರೆ. ಈ ಬಾರಿ 727 ಅಂಕಗಳನ್ನು ಗಳಿಸಿ ಟಾಪ್ ರ್ಯಾಂಕಿಂಗ್ ಪಡೆದುಕೊಂಡಿದ್ದಾರೆ.
ಈ ಹಿಂದೆ 2019ರಲ್ಲಿ ಸ್ಮೃತಿಗೆ ಮೊದಲ ಸ್ಥಾನ ಸಿಕ್ಕಿತ್ತು. ಆದರೆ ನಂತರ ಅಗ್ರಸ್ಥಾನ ಪಡೆಯಲಾಗಿರಲಿಲ್ಲ. ಇತ್ತೀಚೆಗೆ ನಡೆದ ಸೌತ್ ಆಫ್ರಿಕಾ ಮತ್ತು ಶ್ರೀಲಂಕಾ ತಂಡಗಳ ವಿರುದ್ಧದ ತ್ರಿಕೋಣ ಸರಣಿಯಲ್ಲಿ ಸ್ಮೃತಿಯ ಉತ್ತಮ ಬ್ಯಾಟಿಂಗ್ ನೆರವಿನಿಂದ ಈ ಸಾಧನೆ ಸಾಧ್ಯವಾಗಿದೆ.
ಟಾಪ್ 10 ರ್ಯಾಂಕಿಂಗ್‌ನಲ್ಲಿ ಭಾರತದ ಏಕೈಕ ಆಟಗಾರ್ತಿ: ಸ್ಮೃತಿಯನ್ನು ಹೊರತುಪಡಿಸಿ ಇತರ ಯಾವುದೇ ಭಾರತೀಯರು ಟಾಪ್-10 ರ್ಯಾಂಕಿಂಗ್‌ನಲ್ಲಿ ಇಲ್ಲ. ಇಂಗ್ಲೆಂಡಿನ ನಟಾಲಿ ಸ್ಕಿವರ್-ಬ್ರಂಟ್ (719 ಅಂಕ) ದ್ವಿತೀಯ ಸ್ಥಾನದಲ್ಲಿದ್ದರೆ, ಸೌತ್ ಆಫ್ರಿಕಾದ ಲಾರಾ ವೋಲ್ವಾರ್ಡ್ ಮೂರನೇ ಸ್ಥಾನದಲ್ಲಿದ್ದಾರೆ.
ಬಾಕಿ ಆಟಗಾರ್ತಿಯರ ಸ್ಥಾನ
- ಆಮಿ ಜೋನ್ಸ್ (ಇಂಗ್ಲೆಂಡ್) – 682 ಅಂಕ – 4ನೇ ಸ್ಥಾನ
- ಎಲ್ಲಿಸ್ ಪೆರ್ರಿ (ಆಸ್ಟ್ರೇಲಿಯಾ) – 684 ಅಂಕ – 5ನೇ ಸ್ಥಾನ
- ಹೇಲಿ ಮ್ಯಾಥ್ಯೂಸ್ (ವೆಸ್ಟ್ ಇಂಡೀಸ್) – 682 ಅಂಕ – 6ನೇ ಸ್ಥಾನ
- ಅಲೀಸಾ ಹೀಲಿ (ಆಸ್ಟ್ರೇಲಿಯಾ) – 679 ಅಂಕ – 7ನೇ ಸ್ಥಾನ
- ಚಾಮರಿ ಅಥಾಪತ್ತು (ಶ್ರೀಲಂಕಾ) – 655 ಅಂಕ – 8ನೇ ಸ್ಥಾನ
- ಬೆತ್ ಮೂನಿ (ಆಸ್ಟ್ರೇಲಿಯಾ) – 655 ಅಂಕ – 9ನೇ ಸ್ಥಾನ
- ಆಶ್ ಗಾರ್ಡ್ನರ್ (ಆಸ್ಟ್ರೇಲಿಯಾ) – 650 ಅಂಕ – 10ನೇ ಸ್ಥಾನ
ಸ್ಮೃತಿ ಮಂಧಾನ ಟಿ20 ಬ್ಯಾಟರ್ಗಳ ರ್ಯಾಂಕಿಂಗ್‌ನಲ್ಲಿ ಕೂಡ 4ನೇ ಸ್ಥಾನದಲ್ಲಿದ್ದಾರೆ. ಟಾಪ್-10ರಲ್ಲಿ ಸ್ಥಾನ ಪಡೆದ ಏಕೈಕ ಭಾರತೀಯ ಆಟಗಾರ್ತಿ ಅಂದರೆ ಅವರು.
ಟಿ20 ರ್ಯಾಂಕಿಂಗ್ ಟಾಪ್ 5
- ಬೆತ್ ಮೂನಿ (ಆಸ್ಟ್ರೇಲಿಯಾ) – 794 ಅಂಕ
- ಹೇಲಿ ಮ್ಯಾಥ್ಯೂಸ್ (ವೆಸ್ಟ್ ಇಂಡೀಸ್) – 765 ಅಂಕ
- ತಾಹ್ಲಿಯಾ ಮೆಕ್ಗ್ರಾಥ್ (ಆಸ್ಟ್ರೇಲಿಯಾ) – 757 ಅಂಕ
- ಸ್ಮೃತಿ ಮಂಧಾನ (ಭಾರತ) – 753 ಅಂಕ
- ಲಾರಾ ವೋಲ್ವಾರ್ಡ್ (ಸೌತ್ ಆಫ್ರಿಕಾ) – 737 ಅಂಕ
ಸ್ಮೃತಿ ಮಂಧಾನ ತಮ್ಮ ನಿರಂತರ ಶ್ರಮದಿಂದ ಇಡೀ ಭಾರತೀಯ ಮಹಿಳಾ ಕ್ರಿಕೆಟ್‌ಗೆ ಗೌರವ ತಂದಿದ್ದಾರೆ. ODI ಮತ್ತು T20 ರ‍್ಯಾಂಕಿಂಗ್‌ಗಳಲ್ಲಿ ಟಾಪ್‌ಪ್ಲೇಯರ್ ಆಗಿ ಮೂಡಿಬರುತ್ತಿರುವ ಸ್ಮೃತಿ ಭವಿಷ್ಯದಲ್ಲಿಯೂ ಬೃಹತ್ ಸಾಧನೆಗಳತ್ತ ದೌಡಾಯಿಸುತ್ತಿರುವುದು ಸ್ಪಷ್ಟ.
