New Delhi : ಟರ್ಕಿ ಮೂಲದ Celebi Airport Services India ಕಂಪನಿಗೆ ಭಾರತ ಸರ್ಕಾರ ನೀಡಿದ್ದ ಭದ್ರತಾ ಅನುಮತಿ (security clearance) ನನ್ನು ತಕ್ಷಣದ ಪರಿಣಾಮದಿಂದ ರದ್ದು ಮಾಡಲಾಗಿದೆ. ಭಾರತ-ಪಾಕಿಸ್ತಾನ ನಡುವೆ ಸದ್ಯ ನಡೆಯುತ್ತಿರುವ ಉದ್ವಿಗ್ನತೆಗೆ ಟರ್ಕಿಯು ಪಾಕಿಸ್ತಾನದ ಬೆಂಬಲ ನೀಡಿರುವ ಹಿನ್ನೆಲೆ ಈ ನಿರ್ಧಾರಕ್ಕೆ ಕಾರಣವೆಂದು ತಿಳಿದುಬಂದಿದೆ.
ಸರ್ಕಾರದ ಈ ಕ್ರಮದ ವಿರುದ್ಧ Celebi ದೆಹಲಿ ಹೈಕೋರ್ಟ್‌ನ್ನು ಸಂಪರ್ಕಿಸಿದ್ದು, ಇದರಿಂದ 3,791 ಉದ್ಯೋಗಗಳು ಮತ್ತು ಹೂಡಿಕೆದಾರರ ವಿಶ್ವಾಸದ ಮೇಲೆ ಪರಿಣಾಮ ಬೀರುತ್ತದೆ ಎಂದು ತಮ್ಮ ಅರ್ಜಿಯಲ್ಲಿ ಉಲ್ಲೇಖಿಸಿದೆ.
“ರಾಷ್ಟ್ರೀಯ ಭದ್ರತೆ” ಎಂಬ ಸಾಮಾನ್ಯ ಕಾರಣವನ್ನಷ್ಟೇ ನೀಡಲಾಗಿದೆ. ನಿರ್ಧಾರಕ್ಕೆ ಸ್ಪಷ್ಟ ಕಾರಣ ನೀಡಿಲ್ಲ, ಇದು ಕಾನೂನಿಗೆ ಅನುಕೂಲವಲ್ಲ,” ಎಂದು Celebi ಹೈಕೋರ್ಟ್‌ನಲ್ಲಿ ಸ್ಪಷ್ಟಪಡಿಸಿದೆ.
Celebi ಪ್ರತಿಕ್ರಿಯೆ: ನಾವು ಟರ್ಕಿಯ ಕಂಪನಿಯಲ್ಲ
Celebi ಕಂಪನಿ ಹೇಳಿರುವಂತೆ, ಭಾರತದಲ್ಲಿನ ಅವರ ವಹಿವಾಟುಗಳು ಸಂಪೂರ್ಣವಾಗಿ ಭಾರತೀಯ ವೃತ್ತಿಪರರು ನಡೆಸುತ್ತಿದ್ದಾರೆ, ಹಾಗೂ ಕಂಪನಿಗೆ ಯಾವುದೇ ವಿದೇಶಿ ಸರ್ಕಾರ ಅಥವಾ ರಾಜಕೀಯ ಸಂಬಂಧವಿಲ್ಲ.
“ನಾವು ನಿಜವಾಗಿ ಭಾರತೀಯ ಕಂಪನಿ. ಪಾರದರ್ಶಕ ಆಡಳಿತ, ಜವಾಬ್ದಾರಿ ಮತ್ತು ರಾಜಕೀಯ ನಿಸ್ಸಂಗತೆಯ ತತ್ವದಂತೆ ಕಾರ್ಯನಿರ್ವಹಿಸುತ್ತಿದ್ದೇವೆ,” ಎಂದು ಕಂಪನಿ ತಿಳಿಸಿದೆ.
ಸರ್ಕಾರದ ಸ್ಪಷ್ಟನೆ: ರಾಷ್ಟ್ರೀಯ ಹಿತದ ದೃಷ್ಟಿಯಿಂದ ನಿರ್ಧಾರ
ಭಾರತದ ನಾಗರಿಕ ವಿಮಾನಯಾನ ರಾಜ್ಯ ಸಚಿವ ಮುರಳೀಧರ್ ಮೋಹಲ್ ಟ್ವೀಟ್ ಮೂಲಕ,
“Celebi ವಿರುದ್ಧ ದೇಶದ ವಿವಿಧ ಭಾಗಗಳಿಂದ ಮನವಿಗಳು ಬಂದಿದ್ದವು. ಈ ವಿಚಾರದ ಗಂಭೀರತೆಯನ್ನು ಮನಗಂಡು, ರಾಷ್ಟ್ರದ ಹಿತಕ್ಕಾಗಿ ಈ ನಿರ್ಧಾರ ತೆಗೆದುಕೊಂಡಿದ್ದೇವೆ,” ಎಂದು ಸ್ಪಷ್ಟಪಡಿಸಿದ್ದಾರೆ.
Celebi ಸೇವೆ ನೀಡುತ್ತಿದ್ದ ವಿಮಾನ ನಿಲ್ದಾಣಗಳು:
Celebi India ದೇಶದ ಪ್ರಮುಖ ವಿಮಾನ ನಿಲ್ದಾಣಗಳಾದ:
- ದೆಹಲಿ,
- ಬೆಂಗಳೂರು,
- ಹೈದರಾಬಾದ್,
- ಕೇರಳ, ಮತ್ತು
- ಗೋವಾ
ವಿಮಾನ ನಿಲ್ದಾಣಗಳಲ್ಲಿ ground handling ಮತ್ತು cargo ಸೇವೆಗಳನ್ನು ಒದಗಿಸುತ್ತಿತ್ತು.
Celebi ತನ್ನ ಸೇವೆ ಆರಂಭಿಸುವ ಮೊದಲು ಭಾರತೀಯ ಗುಪ್ತಚರ ಹಾಗೂ ಭದ್ರತಾ ಸಂಸ್ಥೆಗಳಿಂದ ನಿಖರ ಪರಿಶೀಲನೆಗೂ ಒಳಪಟ್ಟಿತ್ತು ಎಂದು ಅರ್ಜಿಯಲ್ಲಿ ಹೇಳಿದೆ.
