Chennai: ತಮಿಳುನಾಡು ಮೂಲದ ಇಂಡಿಯಾ ಸಿಮೆಂಟ್ಸ್ (India Cements) ಸಂಸ್ಥೆಯ ಸಿಇಒ ಎನ್ ಶ್ರೀನಿವಾಸನ್ ಅವರು ರಾಜೀನಾಮೆ ನೀಡಿದ್ದಾರೆ. ಅಲ್ಪ್ರಾಟೆಕ್ ಕಂಪನಿಯು ಇಂಡಿಯಾ ಸಿಮೆಂಟ್ಸ್ ಅನ್ನು ಖರೀದಿಸಲು ಸಲ್ಲಿಸಿದ್ದ ಒಪ್ಪಂದಕ್ಕೆ ಭಾರತೀಯ ಸ್ಪರ್ಧಾ ಆಯೋಗ (ಸಿಸಿಐ) ಒಪ್ಪಿಗೆ ನೀಡಿದ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದ್ದು, ಕುಮಾರ ಮಂಗಳಂ ಬಿರ್ಲಾ ಅವರ ಅಲ್ಟ್ರಾಟೆಕ್ ಸಿಮೆಂಟ್ ಸಂಸ್ಥೆ, ಇಂಡಿಯಾ ಸಿಮೆಂಟ್ಸ್‌ನಲ್ಲಿ ಪ್ರಮುಖ ಪಾಲನ್ನು ಖರೀದಿಸಿದೆ. ಈ ಒಪ್ಪಂದದ ಮೊತ್ತ 7,000 ಕೋಟಿ ರೂ ಎಂದು ಹೇಳಲಾಗುತ್ತಿದೆ.
ಒಪ್ಪಂದ ಅಂತಿಮಗೊಳ್ಳುತ್ತಿದ್ದಂತೆಯೇ, ಇಂಡಿಯಾ ಸಿಮೆಂಟ್ಸ್‌ನ ಮಾಲೀಕರ ಅಧಿಕಾರ ತಲುಪಿತು. ರಾಜೀನಾಮೆ ನೀಡಿ, ಐಸಿಎಲ್ ಸಂಸ್ಥೆ ಈ ವಿಷಯವನ್ನು ಘೋಷಿಸಿದೆ. ಎನ್ ಶ್ರೀನಿವಾಸನ್ ಅವರು ಇಂಡಿಯಾ ಸಿಮೆಂಟ್ಸ್‌ನ ಮುಖ್ಯಸ್ಥರಾಗಿದ್ದು, ಅವರ ಪತ್ನಿ ಚಿತ್ರಾ ಶ್ರೀನಿವಾಸನ್, ಮಗಳು ರೂಪಾ ಗುರುನಾಥ್ ಮತ್ತು ವಿ.ಎಮ್. ಮೋಹನ್ ಅವರು ಮಾಲಿಕತ್ವದ ಎಲ್ಲ ಷೇರುಗಳನ್ನು ಬಿಟ್ಟುಕೊಟ್ಟಿದ್ದಾರೆ.
ಡಿಸೆಂಬರ್ 24 ರಂದು 7,000 ಕೋಟಿ ರೂ ಮೊತ್ತದ ಒಪ್ಪಂದದ ನಂತರ, ಅಲ್ಟ್ರಾಟೆಕ್ ಸಿಮೆಂಟ್ ಕಂಪನಿಗೆ ಇಂಡಿಯಾ ಸಿಮೆಂಟ್ಸ್ ಮೇಲೆ ಪೂರ್ಣ ಅಧಿಕಾರ ದೊರೆಯಿತು. ಇದಕ್ಕೂ ಮೊದಲು, ಈ ಕಂಪನಿಯ ಸ್ವತಂತ್ರ ನಿರ್ದೇಶಕರಾದ ಎಸ್ ಬಾಲಸುಬ್ರಮಣಿಯನ್, ಆದಿತ್ಯನ್, ಕೃಷ್ಣ ಶ್ರೀವಾಸ್ತವ, ಲಕ್ಷ್ಮಿ ಅಪರ್ಣಾ ಶ್ರೀಕುಮಾರ್ ಮತ್ತು ಸಂಧ್ಯಾ ರಾಜನ್ ಅವರು ರಾಜೀನಾಮೆ ನೀಡಿದ್ದಾರೆ.
ಇನ್ನು, ಕೆ.ಸಿ. ಝನ್ವರ್, ವಿವೇಕ್ ಅಗರ್ವಾಲ್, ಇ.ಆರ್. ರಾಜ್ ನಾರಾಯಣನ್, ಮತ್ತು ಅಶೋಕ್ ರಾಮಚಂದ್ರನ್ ಅವರಿಗೆ ಸ್ವತಂತ್ರ ನಿರ್ದೇಶಕರಾಗಿ ನೇಮಿಸಲಾಗಿದೆ.
