ಹೋಂಡಾ ಆಕ್ಟಿವಾ, (Honda Activa) ಭಾರತದ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಜನಪ್ರಿಯತೆಯ ಸ್ಕೂಟರ್ ಆಗಿದ್ದು, ಇದೀಗ ಎಲೆಕ್ಟ್ರಿಕ್ ಆವೃತ್ತಿಯು ಆಕ್ಟಿವಾ ಇವಿ ರೂಪದಲ್ಲಿ ಅನಾವರಣಗೊಳ್ಳಲಿದೆ. ನವೆಂಬರ್ 27 ರಂದು ಈ ನೂತನ ಎಲೆಕ್ಟ್ರಿಕ್ ಸ್ಕೂಟರ್ (electric scooter) ಬಿಡುಗಡೆಯಾಗಲಿದೆ ಎಂದು ಕಂಪನಿಯು ಅಧಿಕೃತ ಘೋಷಣೆ ನೀಡಿದೆ.
ಹೋಂಡಾ ತನ್ನ ಹೊಸ ಆಕ್ಟಿವಾ ಇವಿ ಸ್ಕೂಟರ್ನ ಟೀಸರ್ ಅನ್ನು 13 ಸೆಕೆಂಡುಗಳ ವಿಡಿಯೋ ಮೂಲಕ ಬಿಡುಗಡೆ ಮಾಡಿದ್ದು, ಅಲ್ಲಿ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ TFT ಅಥವಾ LCD ಸ್ಕ್ರೀನ್ ಹೊಂದಿರುವುದನ್ನು ತೋರಿಸಲಾಗಿದೆ. ಈ ಮಾದರಿಯನ್ನು ಎರಡು ರೂಪಾಂತರಗಳಲ್ಲಿ (Variants) ಲಭ್ಯ ಮಾಡಿಕೊಡಬಹುದು ಎನ್ನಲಾಗಿದೆ.
ತಾಂತ್ರಿಕ ವೈಶಿಷ್ಟ್ಯಗಳು
- ಮೈಲೇಜ್: 104 ಕಿಮೀ (ಸ್ಟ್ಯಾಂಡರ್ಡ್ ಮೋಡ್), 80-85 ಕಿಮೀ (ಸ್ಪೋರ್ಟ್ ಮೋಡ್).
- ಗತಿ: ಗರಿಷ್ಠ 80 ಕೆಎಂಪಿಹೆಚ್.
- ಚಾರ್ಜಿಂಗ್: 0%-75% ಚಾರ್ಜ್ ಮಾಡಲು 3 ಗಂಟೆಗಳ ಕಾಲ.
- ಸುರಕ್ಷತೆ: ಡಿಸ್ಕ್ ಮತ್ತು ಡ್ರಮ್ ಬ್ರೇಕ್ಗಳ ಸೌಲಭ್ಯ.
- ಬ್ಯಾಟರಿ: 1.3 ಕೆಡಬ್ಲ್ಯೂಹೆಚ್ ಡುಯಲ್-ಬ್ಯಾಟರಿ ಪ್ಯಾಕ್.
ಡಿಸೈನ್ ಮತ್ತು ಬಣ್ಣ ಆಯ್ಕೆಗಳು, ಹೊಸ ಆಕ್ಟಿವಾ ಇವಿ ಸ್ಕೂಟರ್ ಆಕರ್ಷಕ ವಿನ್ಯಾಸ, ಎಲ್ಇಡಿ ಹೆಡ್ಲೈಟ್, ಫ್ಲಾಟ್ ಸೀಟ್, ಹಾಗೂ ವಿವಿಧ ಬಣ್ಣಗಳ ಆಯ್ಕೆ ಹೊಂದಿರುತ್ತದೆ.
ರೂ. 1 ಲಕ್ಷದಿಂದ ರೂ. 1.20 ಲಕ್ಷ (ಎಕ್ಸ್ ಶೋರೂಂ) ಬೆಲೆಯಲ್ಲಿ ಲಭ್ಯವಿರುವ ಈ ಸ್ಕೂಟರ್, ಹೀರೋ ವಿಡಾ, ಟಿವಿಎಸ್ ಐಕ್ಯೂಬ್, ಬಜಾಜ್ ಚೇತಕ್, ಓಲಾ ಎಸ್1, ಹಾಗೂ ಎಥರ್ 450 ಜೊತೆಗೆ ತೀವ್ರ ಪೈಪೋಟಿ ನೀಡಲಿದೆ.
ಹೊಸದಾಗಿ ಬಿಡುಗಡೆಗೊಳ್ಳುತ್ತಿರುವ ಹೋಂಡಾ ಆಕ್ಟಿವಾ ಇವಿ ಎಲೆಕ್ಟ್ರಿಕ್ ಸ್ಕೂಟರ್, ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಮಾರುಕಟ್ಟೆಯನ್ನು ಮತ್ತಷ್ಟು ಉತ್ಸಾಹಭರಿತವಾಗಿ ಬೆಳೆಯುವಲ್ಲಿ ಸಹಾಯ ಮಾಡಲಿದೆ.
