Bengaluru: ಜಾಗತಿಕ ಮಟ್ಟದಲ್ಲಿ ಬ್ಯಾಟರಿ ಬಿಡಿಭಾಗಗಳ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಎಪ್ಸಿಲಾನ್ ಗ್ರೂಪ್ (Epsilon Group) ಕರ್ನಾಟಕದಲ್ಲಿ ತನ್ನ ಹೂಡಿಕೆಯನ್ನು ಹೆಚ್ಚಿಸಲು ಮುಂದಾಗಿದೆ. ರಾಜ್ಯದಲ್ಲಿ ₹15,350 ಕೋಟಿ ಹೂಡಿಕೆ ಮಾಡಲಾಗುತ್ತಿದೆ. ಇದು ಇವಿ ಬ್ಯಾಟರಿ ತಯಾರಿಕೆ, ಸಂಶೋಧನೆ ಹಾಗೂ ಪರೀಕ್ಷಾ ಘಟಕಗಳ ಸ್ಥಾಪನೆಗೆ ಬಳಸಲಿದೆ.
ಇನ್ವೆಸ್ಟ್ ಕರ್ನಾಟಕ 2025 ಸಮಾವೇಶದಲ್ಲಿ, ಎಪ್ಸಿಲಾನ್ ಗ್ರೂಪ್ ಮತ್ತು ಕರ್ನಾಟಕ ಸರ್ಕಾರ ಹೂಡಿಕೆ ಸಂಬಂಧ ಎಂಒಯುಗೆ ಸಹಿ ಹಾಕಿವೆ. ಈ ಹೂಡಿಕೆಯು ಭಾರತದ ಇವಿ ಉದ್ಯಮಕ್ಕೆ ಹೆಚ್ಚಿನ ಉತ್ತೇಜನ ನೀಡಲಿದ್ದು, ಚೀನಾದ ಆಮದು ಅವಲಂಬನೆ ತಗ್ಗಿಸಲು ಸಹಾಯ ಮಾಡಲಿದೆ.
ಬ್ಯಾಟರಿ ತಯಾರಿಕೆಗೆ ಪ್ರಮುಖ ಹೂಡಿಕೆ
- ₹9,000 ಕೋಟಿ – ಗ್ರಾಫೈಟ್ ಆನೋಡ್ ತಯಾರಿಕೆಗೆ
- ₹6,000 ಕೋಟಿ – ಎಲ್ಎಫ್ಪಿ ಕ್ಯಾಥೋಡ್ ತಯಾರಿಕೆಗೆ
- ₹350 ಕೋಟಿ – ಆರ್‌ಅಂಡ್‌ಡಿ, ಟೆಸ್ಟಿಂಗ್ ಮತ್ತು ತರಬೇತಿ ಕೇಂದ್ರಗಳಿಗೆ
- ಎಪ್ಸಿಲಾನ್ ಗ್ರೂಪ್ನ ಪ್ರಮುಖ ಸಂಸ್ಥೆಗಳು
- ಎಪ್ಸಿಲಾನ್ ಅಡ್ವಾನ್ಸ್ಡ್ ಮೆಟೀರಿಯಲ್ಸ್ – ಗ್ರಾಫೈಟ್ ಆನೋಡ್ ತಯಾರಣೆ
- ಎಪ್ಸಿಲಾನ್ ಕ್ಯಾಮ್ ಪ್ರೈ ಲಿ – ಎಲ್ಎಫ್ಪಿ ಕ್ಯಾಥೋಡ್ ಉತ್ಪಾದನೆ
- ಇನ್ಸ್ಪೈರ್ ಎನರ್ಜಿ ರಿಸರ್ಚ್ ಸೆಂಟರ್ – ಸಂಶೋಧನೆ, ಪರೀಕ್ಷಾ ಕೇಂದ್ರ, ತರಬೇತಿ
ಈ ಹೂಡಿಕೆ ಭಾರತದ ಎಲೆಕ್ಟ್ರಿಕ್ ವಾಹನ ಕ್ಷೇತ್ರಕ್ಕೆ ದೊಡ್ಡ ಪ್ರೇರಣೆ ನೀಡಲಿದ್ದು, ಸ್ಥಳೀಯ ಉತ್ಪಾದನೆ ಹೆಚ್ಚಳದಿಂದ ಚೀನಾದ ನಿಲಂಬನೆಯಿಂದ ಮುಕ್ತಗೊಳ್ಳಲು ಸಹಾಯ ಮಾಡಲಿದೆ.ವಿಕ್ರಮ್ ಹಂಡಾ ನೇತೃತ್ವದ ಎಪ್ಸಿಲಾನ್ ಗ್ರೂಪ್, ಮುಂಬೈ ಮೂಲದ ಕಂಪನಿಯಾಗಿದ್ದು, ಈಗ ಕರ್ನಾಟಕದಲ್ಲಿ ತನ್ನ ಪ್ರಭಾವ ಹೆಚ್ಚಿಸಲಿದೆ. ಈ ಹೂಡಿಕೆ, ಕರ್ನಾಟಕದ ಆರ್ಥಿಕ ಬೆಳವಣಿಗೆಗೆ ಹಾಗೂ ಉದ್ಯೋಗ ಸೃಷ್ಟಿಗೆ ಸಹಕಾರಿಯಾಗಲಿದೆ.
