ಭಾರತದಲ್ಲಿ ಟಾಟಾ ಮೋಟಾರ್ಸ್ (Tata Motors) ಪ್ರಖ್ಯಾತ ವಾಹನ ತಯಾರಕವಾಗಿದ್ದು, ಅದರ ಕಾರುಗಳು ಹೆಚ್ಚು ಸುರಕ್ಷಿತವಾಗಿವೆ. ಇತ್ತೀಚೆಗೆ, ನವದೆಹಲಿಯಲ್ಲಿ ನಡೆದ ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್ಪೋದಲ್ಲಿ ಟಾಟಾ ಮೋಟಾರ್ಸ್ ಹ್ಯಾರಿಯರ್ (Tata Harrier) ಮತ್ತು ಸಫಾರಿ ಎಸ್ಯುವಿಗಳ ‘ಸ್ಟೆಲ್ತ್ ಎಡಿಷನ್’ನ್ನು (Safari Stealth) ಅನಾವರಣಗೊಳಿಸಿದೆ. ಈಗ, ಈ ಕಾರುಗಳು ಮಾರಾಟಕ್ಕೆ ಲಭ್ಯವಿವೆ.
ಟಾಟಾ ಹ್ಯಾರಿಯರ್ ಸ್ಟೆಲ್ತ್ ಎಡಿಷನ್: ಈ ಕಾರು ಸಾಮಾನ್ಯ ಹ್ಯಾರಿಯರ್ ಕಾರಿನ ಫಿಯರ್ಲೆಸ್ ಪ್ಲಸ್ ರೂಪಾಂತರವನ್ನು ಆಧರಿಸಿದೆ ಮತ್ತು ರೂ.24.85 ಲಕ್ಷ ಎಕ್ಸ್-ಶೋರೂಂ ಬೆಲೆಯನ್ನು ಹೊಂದಿದೆ. 5 ಜನರು ಇದರಲ್ಲಿ ಸುಲಭವಾಗಿ ಪ್ರಯಾಣಿಸಬಹುದು.
ಟಾಟಾ ಸಫಾರಿ ಸ್ಟೆಲ್ತ್ ಎಡಿಷನ್: ಈ ಕಾರು ಸಫಾರಿ SUVಯ ಅಕಂಪ್ಲಿಶ್ಡ್ ಪ್ಲಸ್ ರೂಪಾಂತರದ ತದ್ರೂಪವಾಗಿದೆ ಮತ್ತು ರೂ.25.30 ಲಕ್ಷ ಎಕ್ಸ್-ಶೋರೂಂ ಬೆಲೆಯನ್ನು ಹೊಂದಿದೆ. 7 ಆಸನ ವ್ಯವಸ್ಥೆ ಹೊಂದಿದ್ದು, ಪ್ರಯಾಣಿಕರು ಸುಲಭವಾಗಿ ಪ್ರಯಾಣಿಸಬಹುದು.
ಪವರ್ಟ್ರೇನ್ ಮತ್ತು ವೈಶಿಷ್ಟ್ಯಗಳು: ಈ ಟಾಟಾ ಹ್ಯಾರಿಯರ್ ಮತ್ತು ಸಫಾರಿ ಸ್ಟೆಲ್ತ್ ಎಡಿಷನ್ ಕಾರುಗಳು 2.0-ಡೀಸೆಲ್ ಎಂಜಿನ್ ಹೊಂದಿದ್ದು, 168 ಬಿಹೆಚ್ಪಿ ಶಕ್ತಿಯೊಂದಿಗೆ 350 ಎನ್ಎಂ ಪೀಕ್ ಟಾರ್ಕ್ ಉತ್ಪತ್ತಿಯಾಗುತ್ತದೆ. 6-ಸ್ಪೀಡ್ ಮ್ಯೂನುವಲ್/ಆಟೋಮೆಟಿಕ್ ಗೇರ್ಬಾಕ್ಸ್ ಸಹಿತ ಈ ಕಾರುಗಳು ನಿರೀಕ್ಷಿತ ಪೆರ್ಫಾರ್ಮೆನ್ಸ್ ಅನ್ನು ನೀಡುತ್ತವೆ.
ವಿನ್ಯಾಸ ಮತ್ತು ಇಂಟೀರಿಯರ್: ಈ ಕಾರುಗಳು ‘ಸ್ಟೆಲ್ತ್’ ಬ್ಯಾಡ್ಜಿಂಗ್, ಮ್ಯಾಟ್ ಬ್ಲ್ಯಾಕ್ ಪೇಂಟ್ ಸ್ಕೀಮ್, ಫುಲ್ ಬ್ಲ್ಯಾಕ್ ಲೆದರೆಟ್ ಇಂಟೀರಿಯರ್ ಗಳೊಂದಿಗೆ ಇಂದಿರಾಗಿವೆ. 12.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, JBL ಸೌಂಡ್ ಸಿಸ್ಟಮ್ ಮತ್ತು ಇನ್ನಷ್ಟು ವೈಶಿಷ್ಟ್ಯಗಳನ್ನು ಒಳಗೊಂಡಿವೆ.
ಸುರಕ್ಷತೆ: 7 ಏರ್‌ಬ್ಯಾಗ್‌ಗಳು, ಎಡಿಎಎಸ್ (ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್), ಇಎಸ್ಸಿ (ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್), ಟಿಪಿಎಂಎಸ್ (ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್) ಮತ್ತು 360-ಡಿಗ್ರಿ ಕ್ಯಾಮೆರಾ ಸಿಸ್ಟಮ್ ಕಾರುಗಳಲ್ಲಿದೆ.
