ಈ ಬಾರಿಯ ಐಸಿಸಿ ಚಾಂಪಿಯನ್ಸ್ ಟ್ರೋಫಿಗಾಗಿ (Champions Trophy) ಫೆಬ್ರವರಿ 15ರಂದು ದುಬೈಗೆ ತೆರಳಲಿರುವ ಭಾರತೀಯ ಕ್ರಿಕೆಟ್ ಆಟಗಾರರೊಂದಿಗೆ ಅವರ ಕುಟುಂಬಸ್ಥರು ಹೋಗಲು ಅವಕಾಶವಿರುವುದಿಲ್ಲ. ಬಿಸಿಸಿಐನ ಈ ಹೊಸ ನಿಯಮ ಇದೇ ಮೊದಲ ಬಾರಿ ಜಾರಿಗೆ ಬರಲಿದೆ.
ಭಾರತದ ಪಂದ್ಯಗಳ ವೇಳಾಪಟ್ಟಿ
- ಫೆ. 20: ಬಾಂಗ್ಲಾದೇಶ ವಿರುದ್ಧ, ದುಬೈ
- ಫೆ. 23: ಪಾಕಿಸ್ತಾನ ವಿರುದ್ಧ, ದುಬೈ
- ಮಾ. 2: ನ್ಯೂಜಿಲೆಂಡ್ ವಿರುದ್ಧ, ದುಬೈ
- ಫೈನಲ್: ಮಾ. 9 (ಪಾಕಿಸ್ತಾನ)
ಹೊಸ ನಿಯಮದ ವಿವರಗಳು
- ಪ್ರವಾಸದ ಅವಧಿ ಮೂರು ವಾರಗಳಷ್ಟೇ ಇರುವುದರಿಂದ ಕುಟುಂಬ ಸದಸ್ಯರಿಗೆ ಅನುಮತಿ ಇಲ್ಲ.
- 45 ದಿನಗಳಿಗಿಂತ ಹೆಚ್ಚು ಇರುವ ಪ್ರವಾಸಗಳಲ್ಲಿ ಮಾತ್ರ ಕುಟುಂಬ ಸದಸ್ಯರು ಗರಿಷ್ಠ ಎರಡು ವಾರಗಳ ಕಾಲ ಆಟಗಾರರೊಂದಿಗೆ ಇರಬಹುದು.
- ವಿನಾಯಿತಿ ಬೇಕಾದರೆ ಕೋಚ್, ನಾಯಕ ಮತ್ತು ಆಪರೇಶನ್ಸ್ ಜಿಎಂ ಅನುಮತಿ ಅಗತ್ಯ.
- ವಿದೇಶಿ ಪ್ರವಾಸದಲ್ಲಿ ಹೆಚ್ಚುವರಿ ವೆಚ್ಚವನ್ನು ಆಟಗಾರರೇ ಭರಿಸಬೇಕಾಗುತ್ತದೆ.
- ಇಂಗ್ಲೆಂಡ್ ನಲ್ಲಿ ಜೂನ್-ಜುಲೈ-ಆಗಸ್ಟ್ ನಲ್ಲಿ ನಡೆಯುವ ಐದು ಟೆಸ್ಟ್ ಪಂದ್ಯಗಳ ಸಮಯದಲ್ಲಿ ಕುಟುಂಬ ಸದಸ್ಯರಿಗೆ ಅನುಮತಿ ನೀಡಲಾಗುವುದು.
ಬಿಸಿಸಿಐನ ಈ ಹೊಸ ನಿಯಮ ಆಟಗಾರರ ತಯಾರಿಗೆ ಏನಾದರೂ ಪರಿಣಾಮ ಬೀರುತ್ತದೆಯೇ ಎನ್ನುವುದನ್ನು ನೋಡಬೇಕಾಗಿದೆ.
