ಪಂಜಾಬ್‌ನ (Punjab) ಫಿರೋಜ್‌ಪುರ್ ಜಿಲ್ಲೆಯ ಡಿಎವಿ ಶಾಲಾ ಮೈದಾನದಲ್ಲಿ ನಡೆಯುತ್ತಿದ್ದ ಕ್ರಿಕೆಟ್ ಪಂದ್ಯಾವಳಿಯೊಂದರಲ್ಲಿ ಹೃದಯವಿದ್ರಾವಕ ಘಟನೆ (heartbreaking incident) ನಡೆದಿದೆ. ಕ್ರಿಕೆಟ್ ಆಡುತ್ತಿದ್ದ ಯುವಕನೊಬ್ಬ, ಸಿಕ್ಸರ್ ಬಾರಿಸಿದ ಮರುಕ್ಷಣವೇ ಹೃದಯಾಘಾತಕ್ಕೀಡಾಗಿ ಪಿಚ್ ಮೇಲೆಯೇ ಕುಸಿದು ಬಿದ್ದು ಪ್ರಾಣ ಕಳೆದುಕೊಂಡಿದ್ದಾನೆ.
ಹರ್ಜೀತ್ ಸಿಂಗ್ ಎಂಬ ಯುವ ಕ್ರಿಕೆಟರ್ ಸಿಕ್ಸರ್ ಬಾರಿಸಿದ ನಂತರ, ಎದುರಿನ ಕೊನೆಗೆ ನಿಂತಿದ್ದ ಆಟಗಾರನತ್ತ ಓಡುತ್ತಿದ್ದ ವೇಳೆ ದಿಢೀರ್ ಆಯಾಸಗೊಂಡು ಪಿಚ್ ಮೇಲೆ ಕುಳಿತರು. ಕ್ಷಣಾರ್ಧದಲ್ಲಿ ಅಚಾನಕರಾಗಿ ಕುಸಿದು ಬಿದ್ದ ಅವರು ಪ್ರಜ್ಞಾಹೀನ ಸ್ಥಿತಿಗೆ ತಲುಪಿದರು. ಪಕ್ಕದಲ್ಲಿದ್ದ ಆಟಗಾರರು ತಕ್ಷಣ ಸಹಾಯಕ್ಕೆ ಧಾವಿಸಿ ಸಿಪಿಆರ್ ಕೊಡಲು ಯತ್ನಿಸಿದರೂ ಅವರು ಜೀವಿತಸ್ಥರಾಗಿರಲಿಲ್ಲ.
ಆದ್ರೆ ವೈದ್ಯಕೀಯ ಪರೀಕ್ಷೆಯಲ್ಲಿ ಹರ್ಜೀತ್ ಸಿಂಗ್ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ ಎಂಬುದು ದೃಢಪಟ್ಟಿದೆ. ಈ ಭಯಾನಕ ದೃಶ್ಯ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ.
ಈ ರೀತಿಯ ಘಟನೆಗಳು ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಿವೆ. 2024ರ ಜೂನ್‌ನಲ್ಲಿ ಮುಂಬೈನಲ್ಲಿ 42 ವರ್ಷದ ವ್ಯಕ್ತಿಯೊಬ್ಬರು ಕೂಡ ಸಿಕ್ಸರ್ ಬಾರಿಸಿದ ತಕ್ಷಣವೇ ಕುಸಿದು ಮೃತಪಟ್ಟಿದ್ದರು. ನಿನ್ನೆ ಮಾತ್ರ, ನಟಿ ಶೆಫಾಲಿ ಜರಿವಾಲಾ ಅವರು 42ನೇ ವಯಸ್ಸಿನಲ್ಲಿ ಹಠಾತ್ ಹೃದಯಾಘಾತದಿಂದ ನಿಧನರಾದರು.
ಈ ಘಟನೆಗಳು ಯುವಜನರಲ್ಲಿ ಸಹ ಹೃದಯದ ಸಮಸ್ಯೆಗಳು ಏರಿಕೆಯಾಗುತ್ತಿರುವುದನ್ನು ತೋರಿಸುತ್ತಿದ್ದು, ಸಮಯಕ್ಕೆ ಸರಿಯಾದ ತಪಾಸಣೆ, ಆರೋಗ್ಯಕರ ಜೀವನಶೈಲಿ ಪಾಲನೆ ಮತ್ತು ವ್ಯಾಯಾಮಕ್ಕೆ ಪ್ರಾಮುಖ್ಯತೆ ನೀಡುವುದು ಅಗತ್ಯವಾಗಿದೆ.
