Islamabad: ಪಾಕಿಸ್ತಾನ ಆಕ್ರಮಿತ ಗಿಲ್ಗಿಟ್-ಬಾಲ್ಟಿಸ್ತಾನ್ (PoGB) ಪ್ರದೇಶದಲ್ಲಿ ಸಂಭವಿಸಿದ ಭಾರಿ ಪ್ರವಾಹದಿಂದಾಗಿ (Heavy floods in Gilgit-Baltistan) ಸಾವಿಗೀಡಾದವರ ಸಂಖ್ಯೆ 10ಕ್ಕೆ ಏರಿದೆ. ಪ್ರವಾಹದಿಂದ ಸಿಲುಕಿಕೊಂಡಿದ್ದ ಪ್ರವಾಸಿಗರನ್ನು ರಕ್ಷಣೆಗಾಗಿ ಸ್ಥಳಾಂತರಿಸುವ ಕಾರ್ಯ ಮುಂದುವರಿದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಇತ್ತೀಚಿನ ಹವಾಮಾನ ಬದಲಾವಣೆ, ಗ್ಲೇಶಿಯರ್ ಕರಗುವಿಕೆ, ಮೇಘ ಸ್ಫೋಟ ಮತ್ತು ಹೆಚ್ಚಿದ ತಾಪಮಾನದಿಂದ ಈ ಪ್ರವಾಹ ಉಂಟಾಗಿದೆ. ಕಳೆದ ವಾರ ಆರಂಭವಾದ ಮಳೆಯ ಪರಿಣಾಮ ಭೂಕುಸಿತಗಳು ಸಂಭವಿಸಿವೆ. 500ಕ್ಕೂ ಹೆಚ್ಚು ಮನೆಗಳು, ರಸ್ತೆ ಮತ್ತು ಮೂಲಭೂತ ಸೌಲಭ್ಯಗಳು ಹಾನಿಗೊಳಗಾಗಿವೆ.
ಪ್ರವಾಹದ ಪರಿಣಾಮವಾಗಿ ಬಾಬುಸರ್ ಕಣಿವೆಯಲ್ಲಿ 7, ಡೈಮರ್ ಥೋರ್ ಕಣಿವೆಯಲ್ಲಿ 2 ಮತ್ತು ಆಸ್ಟೋರ್ ಜಿಲ್ಲೆಯಲ್ಲಿ 1 ಮೃತದೂರು ವರದಿಯಾಗಿದೆ. ಚಿಲಾಸ್ನ ಸಿಂಧೂ ನದಿಯಿಂದ ಮಹಿಳೆಯ ಶವ ಪತ್ತೆಯಾಗಿದ್ದು, ಪ್ರವಾಸಿಗರಲ್ಲಿ ಆಕೆ ಒಬ್ಬಳಾಗಿರಬಹುದು ಎಂದು ಶಂಕಿಸಲಾಗಿದೆ.
ಅಧಿಕಾರಿಗಳು ಮಾಹಿತಿ ನೀಡಿದಂತೆ, ಇನ್ನೂ 10 ರಿಂದ 12 ಪ್ರವಾಸಿಗರು ಕಾಣೆಯಾಗಿದ್ದಾರೆ. ಪಾಕಿಸ್ತಾನ ಸೇನೆ ಮತ್ತು ವಿವಿಧ ಅಧಿಕಾರಿಗಳ ತಂಡ ಶೋಧ ಕಾರ್ಯಾಚರಣೆ ನಡೆಸುತ್ತಿದೆ. ಫೇರಿ ಮೆಡೋಸ್‌ನಲ್ಲಿದ್ದ ಹೆಚ್ಚಿನ ಪ್ರವಾಸಿಗರನ್ನು ಸುರಕ್ಷಿತವಾಗಿ ಸ್ಥಳಾಂತರಿಸಲಾಗಿದೆ.
ಒಟ್ಟು ಹಾನಿಯನ್ನು ಸುಮಾರು 20 ಬಿಲಿಯನ್ ಪಾಕಿಸ್ತಾನ ರೂಪಾಯಿಯಾಗಿ ಅಂದಾಜಿಸಲಾಗಿದೆ. ಪ್ರದೇಶದ ಮುಖ್ಯಮಂತ್ರಿ ಹಾಜಿ ಗುಲ್ಬರ್ ಖಾನ್ ಅವರು ಫೆಡರಲ್ ಸರ್ಕಾರವನ್ನು 7 ಬಿಲಿಯನ್ ಪಿಕೆಆರ್ ತುರ್ತು ನೆರವಿಗೆ ಮನವಿ ಮಾಡಿದ್ದಾರೆ. ಇದು ಅಂಕಿ-ಅಂಶಗಳ ಮೂಲಕ ಈ ಭಾಗದಲ್ಲಿ ಪ್ರವಾಹಗಳು ಸಾಮಾನ್ಯ ಘಟನೆಗಳಾಗಿ ಪರಿಣಮಿಸುತ್ತಿವೆ ಎಂಬ ಆತಂಕವನ್ನು ತೋರಿಸುತ್ತದೆ.
