ಭಾರತವು ಸೌರಶಕ್ತಿ ಉತ್ಪಾದನೆಯಲ್ಲಿ ಜಪಾನ್ ದೇಶವನ್ನು ಮೀರಿದೆಯೆಂದು ಕೇಂದ್ರ ನವೀಕರಿಸಬಹುದಾದ ಇಂಧನ ಸಚಿವ ಪ್ರಲ್ಹಾದ್ ಜೋಶಿ ತಿಳಿಸಿದ್ದಾರೆ.
ಭಾರತದ ಸಾಧನೆ: ಜಪಾನ್ 96,459 GWh ವಿದ್ಯುತ್ ಉತ್ಪಾದನೆ ಮಾಡುತ್ತಿದ್ದರೆ, ಭಾರತ ಈಗ 1,08,494 GWh ವಿದ್ಯುತ್ ಉತ್ಪಾದಿಸಿ ಮೂರನೇ ಅತಿದೊಡ್ಡ ಸೌರಶಕ್ತಿ ಉತ್ಪಾದಕ ರಾಷ್ಟ್ರವಾಗಿದೆ. ಚೀನಾ ಮತ್ತು ಅಮೆರಿಕದ ನಂತರದ ಸ್ಥಾನದಲ್ಲಿ ಭಾರತ ಉನ್ನತ ಸ್ಥಾನದಲ್ಲಿದೆ.
ಈ ಸಾಧನೆಯ ಪಟದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ದೃಷ್ಟಿಕೋಣ, ಮಾರ್ಗದರ್ಶನ ಹಾಗೂ ಪ್ರೋತ್ಸಾಹ ಮಹತ್ವದ್ದಾಗಿದ್ದು, ಭಾರತದ ಶುದ್ಧ ಇಂಧನ ಕ್ರಾಂತಿಗೆ ಬಲ ನೀಡಿದೆ.
ವಿಶ್ವ ಮಟ್ಟದ ಅಂಕಿಅಂಶಗಳು
- ಅಂತಾರಾಷ್ಟ್ರೀಯ ಇಂಧನ ಸಂಸ್ಥೆಯ ಪ್ರಕಾರ,
- ಚೀನಾ 2023ರಲ್ಲಿ 260 GW ಸೌರಶಕ್ತಿ ಸ್ಥಾಪಿಸಿದೆ.
- ಅಮೆರಿಕ 2023ರಲ್ಲಿ 32 GW ಸಾಧಿಸಿ ಶೇ.70ರಷ್ಟು ಬೆಳವಣಿಗೆಯಾಗಿದೆ.
- ಭಾರತ 2023ರಲ್ಲಿ 12 GW ಸ್ಥಾಪಿಸಿದೆ, 2024ರಲ್ಲಿ ಈ ಸಂಖ್ಯೆ ಹೆಚ್ಚಾಗಲಿದೆ.
- ಬ್ರೆಜಿಲ್ 15 GW ಸ್ಥಾಪಿಸಿ ಶೇ.30ರಷ್ಟು ವೃದ್ಧಿಯಾಗಿದೆ.
ಭಾರತ ಪ್ಯಾರಿಸ್ ಒಪ್ಪಂದದ ಗುರಿಗಳನ್ನು ನಿಗದಿತ ಸಮಯಕ್ಕಿಂತ 5 ವರ್ಷ ಮುಂಚೆ ಸಾಧಿಸಿದ್ದು, ಈಗಾಗಲೇ ತನ್ನ ವಿದ್ಯುತ್ ಸಾಮರ್ಥ್ಯದ ಶೇ.50ರಷ್ಟು ಪಳೆಯುಳಿಕೆಯೇತರ ಮೂಲಗಳಿಂದ ಪಡೆಯುತ್ತಿದೆ.
ಭವಿಷ್ಯದ ಗುರಿಗಳು
- 2030ರ ವೇಳೆಗೆ 500 GW ಪಳೆಯುಳಿಕೆಯೇತರ ಇಂಧನ ಸಾಮರ್ಥ್ಯ.
- ಶೇ.50ರಷ್ಟು ವಿದ್ಯುತ್ ಅಗತ್ಯ ನವೀಕರಿಸಬಹುದಾದ ಮೂಲಗಳಿಂದ ಪೂರೈಕೆ.
- 1 ಶತಕೋಟಿ ಟನ್ ಇಂಗಾಲದ ಹೊರಸೂಸುವಿಕೆ ಕಡಿತ.
- 2030ರ ವೇಳೆಗೆ ಶೇ.45ರಷ್ಟು ಇಂಧನ ಉಳಿತಾಯ ಮತ್ತು 2070ರ ವೇಳೆಗೆ “ನಿವ್ವಳ ಶೂನ್ಯ” ಗುರಿ.
ಭಾರತ ಶುದ್ಧ ಇಂಧನದಲ್ಲಿ ಜಾಗತಿಕ ನಾಯಕತ್ವದತ್ತ ದಿಟ್ಟ ಹೆಜ್ಜೆ ಹಾಕುತ್ತಿದೆ.
