ಛತ್ತೀಸ್ ಗಢದ ಬಿಜಾಪುರ ಜಿಲ್ಲೆಯಲ್ಲಿ ನಕ್ಸಲ್ ವಿರೋಧಿ ಕಾರ್ಯಾಚರಣೆ ವೇಳೆ ನಕ್ಸಲರು ಇಟ್ಟಿದ್ದ ಐಇಡಿ ಬಾಂಬ್ ಸ್ಫೋಟಗೊಂಡು DRG ಯೋಧ ದಿನೇಶ್ ನಾಗ್ ಹುತಾತ್ಮರಾಗಿದ್ದಾರೆ. ಈ ದಾಳಿಯಲ್ಲಿ ಮೂವರು ಯೋಧರು ಗಾಯಗೊಂಡಿದ್ದಾರೆ.
ಆಗಸ್ಟ್ 17ರಂದು ರಾಷ್ಟ್ರೀಯ ಉದ್ಯಾನ ಪ್ರದೇಶದಲ್ಲಿ DRG ಪಡೆ ಶೋಧ ನಡೆಸುತ್ತಿದ್ದಾಗ ನಕ್ಸಲರು ನೆಲದಡಿ ಇಟ್ಟಿದ್ದ ಐಇಡಿ ಸ್ಫೋಟಗೊಂಡಿತು. ಈ ಸ್ಫೋಟ ಒತ್ತಡದಿಂದ ನಡೆದಿತ್ತೆ ಅಥವಾ ಕಮಾಂಡ್ ಸ್ವಿಚ್ ಮೂಲಕವೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.
ಮೂವರು ಯೋಧರು ಗಾಯಗೊಂಡಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ. ಅವರಿಗೆ ಸೂಕ್ತ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಎಎಸ್ಪಿ ಚಂದ್ರಕಾಂತ್ ಗೋವರ್ಣ ತಿಳಿಸಿದ್ದಾರೆ.
ಚಿಲ್ಲಾ ಮಾರ್ಕಾ ಗ್ರಾಮದ ಬಳಿ ನಕ್ಸಲರು ಬಾಂಬ್ ಅಡಗಿಸಿದ್ದರು. ಈ ಘಟನೆ ಉಲ್ಲೂರ್ ಕಣಿವೆಯ ರಾಷ್ಟ್ರೀಯ ಉದ್ಯಾನ ಪ್ರದೇಶದಲ್ಲಿ ನಡೆದಿದೆ ಎಂದು ಬಿಜಾಪುರ ಎಸ್ಪಿ ಬಿಜೇತಂದ್ರ ಯಾದವ್ ದೃಢಪಡಿಸಿದ್ದಾರೆ.
ಆಗಸ್ಟ್ 15ರ ಮೊದಲು ಬಿಜಾಪುರದ ಭೈರಾಮ್ ಗಢ ಬ್ಲಾಕ್ ನಲ್ಲೂ ಐಇಡಿ ಸ್ಫೋಟ ಸಂಭವಿಸಿ ಒಬ್ಬ ಯೋಧ ಗಾಯಗೊಂಡಿದ್ದರು.
