New Delhi: ಅಮೆರಿಕದ ಒತ್ತಡಗಳ ನಡುವೆಯೂ ಭಾರತ ಮತ್ತು ಚೀನಾ ತಮ್ಮ ಭಿನ್ನಾಭಿಪ್ರಾಯಗಳನ್ನು ಬದಿಗೊತ್ತಿ ಹತ್ತಿರ ಬರುತ್ತಿವೆ. ಇತ್ತೀಚಿನ ಚೀನಾ ಭೇಟಿಯ ವೇಳೆ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರ ಮಾತುಕತೆ ಫಲಪ್ರದವಾಗಿದ್ದು, ಚೀನಾ ಭಾರತಕ್ಕೆ ಅಗತ್ಯ ವಸ್ತುಗಳನ್ನು ಕೊಡಲು ಒಪ್ಪಿದೆ.
- ಭಾರತಕ್ಕೆ ಸರಬರಾಜು ಆಗುವ ವಸ್ತುಗಳು
- ರಸಗೊಬ್ಬರ (ಯೂರಿಯಾ, NPK, DAP)
- ವಿರಳ ಭೂ ಖನಿಜಗಳು (Rare Earth Minerals)
- ಟನಲ್ ಬೋರಿಂಗ್ ಮೆಷಿನ್ ಗಳು
ಈ ಒಪ್ಪಂದದಿಂದ ಕೃಷಿ, ವಾಹನ ತಯಾರಿಕೆ ಮತ್ತು ರಸ್ತೆ ನಿರ್ಮಾಣ ಕ್ಷೇತ್ರಗಳಿಗೆ ದೊಡ್ಡ ಸಹಾಯವಾಗಲಿದೆ. ಚೀನಾ ಇತ್ತೀಚೆಗೆ ಈ ವಸ್ತುಗಳ ರಫ್ತಿಗೆ ನಿರ್ಬಂಧ ಹೇರಿದ್ದರೂ, ಇದೀಗ ಭಾರತಕ್ಕೆ ಸರಬರಾಜು ಮಾಡಲು ಒಪ್ಪಿದೆ.
ಜೈಶಂಕರ್ ಅವರು ಚೀನಾ ಭೇಟಿ ವೇಳೆ ಗಡಿ ಸಮಸ್ಯೆ ಬಗ್ಗೆ ಪ್ರಸ್ತಾಪಿಸಿರಲಿಲ್ಲ. ಈ ವಿಷಯವನ್ನು ಭದ್ರತಾ ಸಲಹೆಗಾರ ಅಜಿತ್ ದೋವಲ್ ಮತ್ತು ಪ್ರಧಾನಿ ನರೇಂದ್ರ ಮೋದಿ ಮುಂದಿನ ಮಾತುಕತೆಯಲ್ಲಿ ಎತ್ತಬಹುದು ಎಂದು ತಿಳಿದುಬಂದಿದೆ.
