ನಾಸಾದ ಜೇಮ್ಸ್ ವೆಬ್ ಬಾಹ್ಯಾಕಾಶ ದೂರದರ್ಶಕವು ಬಾಹ್ಯಾಕಾಶದಲ್ಲಿ ಸಣ್ಣ, ಕೆಂಪು ಬಣ್ಣದ ಚುಕ್ಕೆಗಳನ್ನು ಗಮನಿಸಿದೆ. ಈ ಚುಕ್ಕೆಗಳು ವಿಜ್ಞಾನಿಗಳಿಗೆ ಇನ್ನೂ ನಿಖರವಾಗಿ ಅರ್ಥವಾಗುತ್ತಿಲ್ಲ. 2022ರಿಂದ ವಿಜ್ಞಾನಿಗಳು ಈ ಚುಕ್ಕೆಗಳ ರಹಸ್ಯವನ್ನು ಪತ್ತೆಹಚ್ಚಲು ಪ್ರಯತ್ನಿಸುತ್ತಿದ್ದಾರೆ. ಹೊಸ ಅಧ್ಯಯನದ ಪ್ರಕಾರ, ಈ ಚುಕ್ಕೆಗಳು ಬ್ಲ್ಯಾಕ್ ಹೋಲ್ (black hole) ಸುತ್ತಲೂ ಇರುವ ದೊಡ್ಡ ಗ್ಯಾಸಿನ ಗೋಳಗಳಾಗಿರಬಹುದು. ಇದು ಹೊಸ ರೀತಿಯ ಬ್ಲ್ಯಾಕ್ ಹೋಲ್ ನಕ್ಷತ್ರವಾಗಿರಬಹುದು. ಹೀಗಿದ್ದರೆ, ಆರಂಭಿಕ ಬ್ರಹ್ಮಾಂಡದಲ್ಲಿ ಬ್ಲ್ಯಾಕ್ ಹೋಲ್ಗಳು ಹೇಗೆ ವೇಗವಾಗಿ ಬೆಳೆದವು ಎಂಬುದರ ಕುರಿತಂತೆ ವಿವರ ನೀಡಬಹುದು.
ಖಗೋಳವಿಜ್ಞಾನ ಮತ್ತು ಭೌತಶಾಸ್ತ್ರ ಜರ್ನಲ್ನಲ್ಲಿ ಹೊಸ ಅಧ್ಯಯನ ಪ್ರಕಟವಾಗಿದೆ. ಖಗೋಳಶಾಸ್ತ್ರಜ್ಞ ಜೋಯಲ್ ಲೆಜಾ ನೇತೃತ್ವದ ತಂಡವು 2024 ರಲ್ಲಿ ಜೇಮ್ಸ್ ವೆಬ್ ದೂರದರ್ಶಕದ ಸ್ಪೆಕ್ಟ್ರೋಗ್ರಾಫ್ ಮೂಲಕ 60 ಗಂಟೆಗಳ ಅವಧಿಯಲ್ಲಿ ಸುಮಾರು 4,500 ಗೆಲಕ್ಸಿಗಳ ವರ್ಣಪಟಲವನ್ನು ಸಂಗ್ರಹಿಸಿತು. “ದಿ ಕ್ಲಿಫ್” ಎಂಬ ವಸ್ತುವಿನ ವಿಶಿಷ್ಟ ವರ್ಣಪಟಲವು ಯಾವ ನಕ್ಷತ್ರಗಳಿಂದ ಬಂದಿಲ್ಲ, ಬದಲಿಗೆ ಸುಮಾರು 12 ಶತಕೋಟಿ ಬೆಳಕಿನ ವರ್ಷಗಳ ದೂರದಲ್ಲಿರುವ ಬೃಹತ್ ಮೂಲದಿಂದ ಬಂದಿದೆ ಎಂದು ಕಂಡುಬಂದಿದೆ.
ಬ್ಲ್ಯಾಕ್ ಹೋಲ್ ಸ್ಟಾರ್ ಮಾದರಿಯ ಪ್ರಕಾರ, ಪ್ರತಿಯೊಂದು ಗೋಚರ ಕೆಂಪು ಚುಕ್ಕೆ ಪರಿಣಾಮಕಾರಿಯಾಗಿ ಬೃಹತ್ ಕಪ್ಪು ಕುಳಿಯಿಂದ ನಡೆಸಲ್ಪಡುವ ದೈತ್ಯ ಕೋಲ್ಡ್ ಗ್ಯಾಸ್ ಪ್ರಕಾರವಾಗಿದೆ. ಆದರೆ ಈ ಊಹೆ ಇನ್ನೂ ಖಚಿತವಾಗಿಲ್ಲ.
ಇತರ ವಿಜ್ಞಾನಿಗಳು ವಿಭಿನ್ನ ವ್ಯಾಖ್ಯಾನ ನೀಡುತ್ತಾರೆ. ಉದಾಹರಣೆಗೆ, ಪಕುಚಿ ಮತ್ತು ಲೋಬ್ ಈ ಚುಕ್ಕೆಗಳು ನಿಧಾನವಾಗಿ ತಿರುಗುವ ಡಾರ್ಕ್ ಮ್ಯಾಟರ್ ಹಾಲೋಗಳೊಳಗಿನ ಹೊಸ ಶಿಶು ಗೆಲಕ್ಸಿಗಳಾಗಿರಬಹುದು ಎಂದು ನಂಬುತ್ತಾರೆ.
ಜೇಮ್ಸ್ ವೆಬ್ ದೂರದರ್ಶಕದಿಂದ ಹೆಚ್ಚಿನ ಅಧ್ಯಯನಗಳನ್ನು ಮಾಡಿದರೆ ಮಾತ್ರ ನಿಖರ ವಿವರಣೆ ಸಿಗಲಿದೆ. ಆದರೂ ಈ ಸಣ್ಣ ಕೆಂಪು ಚುಕ್ಕೆಗಳು ಬಾಹ್ಯಾಕಾಶದ ಒಂದು ದೊಡ್ಡ ರಹಸ್ಯವಾಗಿ ಉಳಿದಿವೆ.
