ಬೆಂಗಳೂರು: 2026ರ ಎಸ್ಎಸ್ಎಲ್ಸಿ ಪರೀಕ್ಷೆಯಿಂದ ಮೂರನೇ ಭಾಷೆ (ಹಿಂದಿ ಸೇರಿದಂತೆ) ವಿಷಯಕ್ಕೆ ಅಂಕಗಳ ಬದಲು ಗ್ರೇಡ್ ನೀಡಲಾಗುತ್ತದೆ ಎಂದು ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಘೋಷಿಸಿದ್ದಾರೆ.
ಮೂರನೇ ಭಾಷೆಗೆ 100 ಅಂಕಗಳ ಪರೀಕ್ಷೆ ಮುಂದುವರಿಯಲಿದ್ದರೂ, ಅಂಕಪಟ್ಟಿಯಲ್ಲಿ ಅಂಕಗಳ ಬದಲು ಗ್ರೇಡ್ ಮಾತ್ರ ನಮೂದಾಗಲಿದೆ. ಒಟ್ಟು 625 ಅಂಕಗಳ ರಚನೆಯಲ್ಲಿ ಯಾವುದೇ ಬದಲಾವಣೆ ಇಲ್ಲ.
ಮೂರನೇ ಭಾಷೆಯ 100 ಅಂಕಗಳನ್ನು ಅಂಕಪಟ್ಟಿಯಲ್ಲಿ ತೋರಿಸದೆ, ಉಳಿದ 525 ಅಂಕಗಳು ಮಾಮೂಲಿನಂತೆ ಕಾಣಿಸಿಕೊಳ್ಳಲಿವೆ. ಜೊತೆಗೆ, ಮೊದಲ ದರ್ಜೆ ಪ್ರವೇಶಕ್ಕೆ 60 ದಿನಗಳ ವಯೋಮಿತಿ ಸಡಿಲಿಕೆಯನ್ನೂ ಸಚಿವರು ಪ್ರಕಟಿಸಿದ್ದಾರೆ.
