Kolar: ಕೋಲಾರ ಹಾಲು ಒಕ್ಕೂಟದಲ್ಲಿ (Kolar Milk Union) ನೂರಾರು ಕೋಟಿ ರೂಪಾಯಿ ಡೀಸೆಲ್ ಅವ್ಯವಹಾರ ನಡೆದಿರುವ ಕುರಿತು ಗಂಭೀರ ಆರೋಪಗಳು ಕೇಳಿಬಂದಿವೆ. ಮಾಲೂರು ಶಾಸಕ ಕೆ.ವೈ. ನಂಜೇಗೌಡ ವಿರುದ್ಧ, ಬಂಗಾರಪೇಟೆ ಶಾಸಕ ಎಸ್.ಎನ್. ನಾರಾಯಣಸ್ವಾಮಿ ದಾಖಲೆ ಬಿಡುಗಡೆ ಮಾಡಿ ಈ ಕುರಿತು ಆರೋಪಿಸಿದ್ದಾರೆ.
ಹಾಲು ಒಕ್ಕೂಟದ ಅಧ್ಯಕ್ಷರು ಹಾಗೂ ನಿರ್ದೇಶಕರು ಹಾಲು ಸಾಗಾಟದ ಹೆಸರಲ್ಲಿ ಕೋಟ್ಯಂತರ ರೂಪಾಯಿ ವೆಚ್ಚ ಮಾಡಿದ್ದಾರೆ. ಕೇವಲ ಐದು ವರ್ಷಗಳಲ್ಲಿ 239 ಕೋಟಿ ರೂಪಾಯಿ ಡೀಸೆಲ್ ಖರ್ಚು ಮಾಡಲಾಗಿದೆ.
- ಅಧ್ಯಕ್ಷರ ವಾಹನ: ₹20,56,193
- ವ್ಯವಸ್ಥಾಪಕರ ವಾಹನ: ₹8,56,210
- ಟ್ಯಾಂಕರ್ ಹಾಲು ಸರಬರಾಜಿಗೆ: ₹13,22,98,336
- ಗುತ್ತಿಗೆ ವಾಹನಗಳಿಗೆ: ₹5,88,25,425
- ಇತರೆ ವ್ಯಯಗಳು
- ಗುಡ್ ಲೈಫ್ ಹಾಲು ಸಾಗಾಟ: ₹79,58,72,865
- ಪಶು ವೈದ್ಯರ ವಾಹನ: ₹7,69,84,680
- ಮುಖ್ಯ ಡೈರಿಯಿಂದ ಹಾಲು ಸಾಗಾಟ: ₹73,01,12,608
- ಬಿಎಂಸಿ ಕೇಂದ್ರಗಳಿಂದ ಕಚ್ಚಾ ಹಾಲು ಸಾಗಾಟ: ₹60,05,94,883
ಈ ಎಲ್ಲಾ ವೆಚ್ಚಗಳಿಗೆ ಸಂಬಂಧಿಸಿದ ಯಾವುದೇ ಲಾಗ್ ಬುಕ್ ಇಲ್ಲ ಎಂದು ನಾರಾಯಣಸ್ವಾಮಿ ಆರೋಪಿಸಿದ್ದಾರೆ.
