Mumbai: ಭಾರತದ ದೊಡ್ಡ ಉದ್ಯಮಿಗಳು ಮುಕೇಶ್ ಅಂಬಾನಿ ಮತ್ತು ಗೌತಮ್ ಅದಾನಿ ಸಹಕಾರದ ಹೊಸ ಹೆಜ್ಜೆ (Ambani-Adani agreement) ಇಟ್ಟಿದ್ದಾರೆ. ರಿಲಾಯನ್ಸ್‌ ಇಂಡಸ್ಟ್ರೀಸ್‌ನ ಜಿಯೋ ಬಿಪಿ (Jio-BP) ಮತ್ತು ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ (ATGL) ಒಬ್ಬರೊಬ್ಬರು ಸೌಲಭ್ಯ ನೀಡುವ ಒಪ್ಪಂದ ಏರ್ಪಟ್ಟಿದೆ.
ಈ ಒಪ್ಪಂದದಂತೆ, ಅದಾನಿ ಕಂಪನಿಯ CNG ಬಂಕ್‌ಗಳಲ್ಲಿ ಜಿಯೋ ಬಿಪಿಯಿಂದ ಪೆಟ್ರೋಲ್ ಮತ್ತು ಡೀಸಲ್ ಸಿಗುತ್ತದೆ. ಅದೇ ರೀತಿ, ಜಿಯೋ ಬಿಪಿಯ ಬಂಕ್‌ಗಳಲ್ಲಿ ಅದಾನಿ CNG ಲಭ್ಯವಾಗಲಿದೆ.
ಈ ಸೇವೆ ಆರಂಭದಲ್ಲಿ ಕೆಲ ಆಯ್ದ ಸ್ಥಳಗಳಲ್ಲಿನ ಬಂಕ್‌ಗಳಿಗೆ ಮಾತ್ರ ಅನ್ವಯಿಸುತ್ತದೆ. ಅಲ್ಲಿ ಪೆಟ್ರೋಲ್, ಡೀಸಲ್ ಮತ್ತು CNG – ಮೂರೂ ಕೂಡ ಲಭ್ಯವಾಗಲಿದೆ.
ಅಂಬಾನಿಯ ರಿಲಾಯನ್ಸ್‌ ಕಂಪನಿ ಟೆಲಿಕಾಂ ಮತ್ತು ರೀಟೇಲ್‌ ಕ್ಷೇತ್ರಗಳಲ್ಲಿ ಪ್ರಮುಖ ಪಾತ್ರವಹಿಸಿಕೊಂಡಿದೆ. ಅದಾನಿಯ ಗ್ರೂಪ್‌ ಸಮುದ್ರ ಬಂದರು, ವಿಮಾನ ನಿಲ್ದಾಣ, ಮೈನಿಂಗ್ ಮತ್ತು ಇನ್ಫ್ರಾಸ್ಟ್ರಕ್ಚರ್‌ನಲ್ಲಿ ಕೆಲಸ ಮಾಡುತ್ತದೆ.
ಇಬ್ಬರೂ ಸದ್ಯಕ್ಕೆ ಸೂರ್ಯಶಕ್ತಿ ಮುಂತಾದ ನವೀಕೃತ ಇಂಧನ ಕ್ಷೇತ್ರದಲ್ಲಿ ಸ್ಪರ್ಧಿಸುತ್ತಿದ್ದಾರೆ. ಆದರೂ, ಅವರು ತಮ್ಮ ತಮ್ಮ ಪ್ರಾಜೆಕ್ಟ್‌ಗಳನ್ನು ವಿಭಿನ್ನ ಪ್ರದೇಶಗಳಲ್ಲಿ ನಡೆಸುತ್ತಿರುವುದರಿಂದ ನೇರ ಪೈಪೋಟಿ ಇಲ್ಲ.
