New Delhi: ಭಾರತದಲ್ಲಿ ರಕ್ಷಣಾ ಸ್ವಾವಲಂಬನೆ ದಿನಕ್ಕೂ ದಿನಕ್ಕೆ ಹೆಚ್ಚುತ್ತಿದೆ. ದೇಶೀಯವಾಗಿ ಶಸ್ತ್ರಾಸ್ತ್ರಗಳನ್ನು ತಯಾರಿಸುವ ಕೆಲಸವು ಹೆಚ್ಚುತ್ತಿದೆ. ಈಗ, ಪಾಕಿಸ್ತಾನ ಮತ್ತು ಚೀನಾಗಡಿಭಾಗದಲ್ಲಿ (Pakistan-China) ವಾಯು ರಕ್ಷಣೆಯನ್ನು ಬಲಪಡಿಸಲು ಭಾರತೀಯ ಸೇನೆ ಅನಂತ್ ಶಸ್ತ್ರ ಕ್ಷಿಪಣಿ ಏರ್ ಮಿಸೈಲ್ (Anant Shastra Missile) ಸಿಸ್ಟಂಗಳನ್ನು ಖರೀದಿಸಿದೆ. ಐದು–ಆರು ರೆಜಿಮೆಂಟ್ಗಳಿಗೆ ಈ ಶಸ್ತ್ರ ಕ್ಷಿಪಣಿ ಸಿಸ್ಟಂಗಳ ಖರೀದಿಗೆ ಗುತ್ತಿಗೆ ನೀಡಲಾಗಿದೆ.
ಬೆಂಗಳೂರು ಮೂಲದ ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ ಕಂಪನಿಗೆ ಈ ಗುತ್ತಿಗೆ ಸಿಕ್ಕಿದ್ದು, ಇದು 30,000 ಕೋಟಿ ರೂ. ಮೌಲ್ಯದ ದೊಡ್ಡ ಯೋಜನೆ. ಡಿಆರ್ಡಿಒ ಅಭಿವೃದ್ಧಿಪಡಿಸಿರುವ ಅನಂತ ಶಸ್ತ್ರವು ತ್ವರಿತ ಪ್ರತಿಕ್ರಿಯೆ ನೀಡುವ (Quick Reaction) ಸರ್ಫೇಸ್ ಟು ಏರ್ ಮಿಸೈಲ್ ಸಿಸ್ಟಂ ಆಗಿದೆ.
ಅನಂತ ಶಸ್ತ್ರ ಕ್ಷಿಪಣಿ ಸಿಸ್ಟಂಗಳು ಬಹಳ ನಿಖರವಾಗಿ ಗುರಿಗಳನ್ನು ಹೊಡೆಯಲು ಸಾಧ್ಯವಾಗಿವೆ. ಇವುಗಳ ಶ್ರೇಣಿ 30 ಕಿ.ಮೀ.
ಭಾರತದಲ್ಲಿ ಈಗಾಗಲೇ ಎಂಆರ್ಎಸ್ಎಎಂ, ಆಕಾಶ್, ಸ್ಪೈಡರ್, ಸುದರ್ಶನ್ ಎಸ್-400 ಮುಂತಾದ ದೇಶೀಯ ಶಸ್ತ್ರಾಸ್ತ್ರಗಳು ಕಾರ್ಯ ನಿರ್ವಹಿಸುತ್ತಿವೆ. ಪಾಕಿಸ್ತಾನ ವಿರುದ್ಧ ನಡೆದ ಆಪರೇಷನ್ ಸಿಂಧೂರ್ ನಲ್ಲಿ ಈ ಶಸ್ತ್ರಾಸ್ತ್ರಗಳು ಪ್ರಮುಖ ಪಾತ್ರ ವಹಿಸಿದ್ದವು.
ಎಲ್-70, ಝಡ್ಯು-23 ಏರ್ ಡಿಫೆನ್ಸ್ ಗನ್ ಗಳು ಕೂಡ ಕಾರ್ಯಕ್ಷಮವಾಗಿದ್ದವು. ಈ ಹೊಸ ಅನಂತ ಶಸ್ತ್ರ ಸಿಸ್ಟಮ್ನಿಂದ ಭಾರತ ತನ್ನ ಏರ್ ಡಿಫೆನ್ಸ್ ಶಕ್ತಿ ಮತ್ತಷ್ಟು ಬಲಪಡಿಸಲಿದೆ. ಹೊಸ ರಾಡಾರ್, ಕಿರು ಶ್ರೇಣಿಯ ಏರ್ ಡಿಫೆನ್ಸ್ ಸಿಸ್ಟಂ, ಜಾಮ್ ಸಾಧನಗಳು, ಲೇಸರ್ ಆಧಾರಿತ ಸಿಸ್ಟಂಗಳು ಸೇರಿದಂತೆ ಹಲವು ಹೊಸ ತಂತ್ರಜ್ಞಾನಗಳನ್ನು ಭಾರತ ಸೇನೆಗೆ ಸೇರಿಸಲಿದೆ.