Bengaluru: ಬಜಾಜ್ ಮತ್ತು ಟ್ರಯಂಫ್ ಕಂಪನಿಗಳು ಜಂಟಿಯಾಗಿ (Bajaj-Triumph Joint Venture) ಹೊಸ “Thruxton 400” ಬೈಕ್ ಅನ್ನು ಭಾರತದಲ್ಲಿ ಶೀಘ್ರ ಬಿಡುಗಡೆ ಮಾಡಲು ಸಿದ್ಧವಾಗಿವೆ. ಇದರ ವಿನ್ಯಾಸ ಕೆಫೆ ರೇಸರ್ ಶೈಲಿಯಲ್ಲಿದ್ದು, ಹೆಚ್ಚು ಆಕರ್ಷಕವಾಗಿರುವ 400 ಸಿಸಿ ವಿಭಾಗದ ಬೈಕ್ ಆಗಿದೆ.
ಆಕರ್ಷಕ ವಿನ್ಯಾಸ: Thruxton 400 ಬೈಕ್‌ನ ವಿನ್ಯಾಸ ಬೃಹತ್ Thruxton ಮಾದರಿಯಿಂದ ಪ್ರೇರಿತವಾಗಿದೆ. ರೌಂಡ್ ಎಲ್‌ಇಡಿ ಹೆಡ್‌ಲೈಟ್, ಬಾರ್ ಎಂಡ್ ಮಿರರ್‌ಗಳು ಮತ್ತು ಫೇರಿಂಗ್ ಜೊತೆಗೆ ಇದೊಂದು ರೆಟ್ರೋ ಹಾಗೂ ಮಾರ್ಡನ್ ನೋಟದ ಸಂಯೋಜನೆಯಾಗಿದೆ.
ಪ್ರಬಲ ಎಂಜಿನ್ ಹಾಗೂ ಪರ್ಫಾರ್ಮೆನ್ಸ್: ಈ ಬೈಕ್‌ನಲ್ಲಿ 399 ಸಿಸಿ ಲಿಕ್ವಿಡ್-ಕೂಲ್ಡ್ ಎಂಜಿನ್ ನೀಡಲಾಗಿದ್ದು, ಇದನ್ನು ಈಗಾಗಲೇ ಸ್ಪೀಡ್ 400 ಮತ್ತು ಸ್ಕ್ರ್ಯಾಂಬ್ಲರ್ 400X ಮಾದರಿಗಳಲ್ಲಿ ಬಳಸಲಾಗಿದೆ. ಇದು 39.5 bhp ಶಕ್ತಿಯನ್ನು ಮತ್ತು 37.5 Nm ಟಾರ್ಕ್ ಉತ್ಪತ್ತಿ ಮಾಡುತ್ತದೆ. 6-ಸ್ಪೀಡ್ ಗೇರ್ಬಾಕ್ಸ್ ಇದಕ್ಕೆ ಶಾಮಿಲಾಗಿದ್ದು, ಸವಾರಿ ನಿಖರವಾಗಿರುತ್ತದೆ.
ಹೆಚ್ಚಿನ ಫೀಚರ್ಸ್: Thruxton 400 ಹಲವು ಪ್ರೀಮಿಯಂ ವೈಶಿಷ್ಟ್ಯಗಳೊಂದಿಗೆ ಬರಲಿದೆ – ಪೂರ್ಣ ಎಲ್‌ಇಡಿ ಲೈಟಿಂಗ್, ಟ್ರಾಕ್ಷನ್ ಕಂಟ್ರೋಲ್, ಡ್ಯುಯಲ್ ಚಾನೆಲ್ ಎಬಿಎಸ್ ಮತ್ತು ಸೆಮಿ-ಡಿಜಿಟಲ್ ಡ್ಯಾಶ್‌ಬೋರ್ಡ್ ಇವು ಪ್ರಮುಖವಾಗಿವೆ.
ಈಗಾಗಲೇ ಜಗತ್ತಿನಲ್ಲಿ 65,000ಕ್ಕೂ ಹೆಚ್ಚು ಬೈಕ್‌ಗಳನ್ನು ಬಜಾಜ್ ಮತ್ತು Triumph ಒಟ್ಟಿಗೆ ಮಾರಾಟ ಮಾಡಿವೆ. Thruxton 400 ಮೂಲಕ ಅವರು ಭಾರತೀಯ ಮಾರುಕಟ್ಟೆ ಮಾತ್ರವಲ್ಲದೆ ಅಂತರರಾಷ್ಟ್ರೀಯ ಮಾರುಕಟ್ಟೆಯನ್ನೂ ಗುರಿಯಾಗಿಸುತ್ತಿದ್ದಾರೆ.
ಬೆಲೆ: ಈ ಬೈಕ್ ಬೆಲೆ ₹2.55 ರಿಂದ ₹2.65 ಲಕ್ಷದ ನಡುವೆ (ಎಕ್ಸ್-ಶೋ ರೂಂ) ಇರಬಹುದು ಎನ್ನಲಾಗಿದೆ.
