Bengaluru: ಬೆಂಗಳೂರು ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ಇರುವ ಸಾದಹಳ್ಳಿ ಟೋಲ್ ಪ್ಲಾಜಾ, (Bengaluru Airport Toll Plaza) 2023-24ರಲ್ಲಿ ₹308.01 ಕೋಟಿ ಟೋಲ್ ಸಂಗ್ರಹಿಸಿ ದಶಕದ ಅತ್ಯಧಿಕ ದಾಖಲೆಯನ್ನು ಬರೆದಿದೆ. ಕರ್ನಾಟಕದ 42 ಟೋಲ್ ಪ್ಲಾಜಾಗಳಲ್ಲಿ ಇದು ಅತೀ ಹೆಚ್ಚು ಆದಾಯವನ್ನು ಗಳಿಸಿದೆ. 2014-15ರಲ್ಲಿ ಈ ಪ್ಲಾಜಾದಲ್ಲಿ ₹125.75 ಕೋಟಿ ಸಂಗ್ರಹವಾಗಿದ್ದರೆ, 10 ವರ್ಷಗಳಲ್ಲಿ ಇದು ಗಮನಾರ್ಹವಾಗಿ ಹೆಚ್ಚಾಗಿದೆ.
ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯದ ಮಾಹಿತಿಯ ಪ್ರಕಾರ, 2023-24ರಲ್ಲಿ ಕರ್ನಾಟಕದ 40 ಟೋಲ್ ಪ್ಲಾಜಾಗಳಿಂದ ₹2,859.90 ಕೋಟಿ ಸಂಗ್ರಹವಾಗಿದೆ. ಬೆಂಗಳೂರು-ನೆಲಮಂಗಲ ಮತ್ತು ದೇವನಹಳ್ಳಿ ಪ್ಲಾಜಾಗಳಲ್ಲಿ ಟೋಲ್ ಹೆಚ್ಚಳವು ನಗರ ವಿಸ್ತರಣೆ, ಆರ್ಥಿಕ ಬೆಳವಣಿಗೆ, ಹಾಗೂ ಪ್ರಯಾಣಿಕರ ದಟ್ಟಣೆಯ ಹೆಚ್ಚಳವನ್ನು ತೋರಿಸುತ್ತದೆ. ಸಾರಿಗೆ ತಜ್ಞರು ಸಂಚಾರ ತಜ್ಞ ಎಂಎನ್ ಶ್ರೀಹರಿ, ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಸಂಪರ್ಕಿಸಲು ಪರ್ಯಾಯ ಮಾರ್ಗಗಳ ಅಗತ್ಯವಿದೆ ಎಂದು ತಿಳಿಸಿದ್ದಾರೆ.
ಅತಿ ಹೆಚ್ಚು ಮೊತ್ತದ ಟೋಲ್ ಹಾಗೂ ಅದರ ಬಳಕೆಯ ಬಗ್ಗೆ ಪಾರದರ್ಶಕತೆಯ ಕೊರತೆ ಕುರಿತು ಸಾರ್ವಜನಿಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಪರ್ಯಾಯ ರಸ್ತೆಗಳನ್ನು ಅಭಿವೃದ್ಧಿಪಡಿಸುವ ಹಾಗೂ ಆರ್ಥಿಕ ಖರ್ಚಿನ ವಿವರಗಳನ್ನು ಬಹಿರಂಗಗೊಳಿಸುವ ಅಗತ್ಯವಿದೆ ಎಂದು ಕೆಎಸ್ಟಿಒಎ ಅಧ್ಯಕ್ಷರು ತಿಳಿಸಿದ್ದಾರೆ.
