ಜನವರಿ 22, 2015 ರಂದು ಪ್ರಾರಂಭಿಸಲಾದ ಬೇಟಿ ಬಚಾವೋ-ಬೇಟಿ ಪಢಾವೋ (BBBP-Beti Bachao Beti Padhao) ಅಭಿಯಾನವು ಈ ವರ್ಷ 10 ವರ್ಷಗಳನ್ನು ಪೂರೈಸಿತು. ಹೆಣ್ಣುಮಕ್ಕಳ ಉಳಿವು, ರಕ್ಷಣೆಯನ್ನು ಖಚಿತಪಡಿಸಿಕೊಳ್ಳುವುದು ಮತ್ತು ಅವರ ಶಿಕ್ಷಣವನ್ನು ಉತ್ತೇಜಿಸುವ ಉದ್ದೇಶದಿಂದ ಪ್ರಧಾನಿ ನರೇಂದ್ರ ಮೋದಿ ಅವರು ಈ ಅಭಿಯಾನವನ್ನು ಹರಿಯಾಣದ ಪಾಣಿಪತ್ನಿನಲ್ಲಿ ಪ್ರಾರಂಭಿಸಿದರು.
ಈ ಯೋಜನೆ ಲಿಂಗ ಅನುಪಾತವನ್ನು ಸುಧಾರಿಸಲು ಮತ್ತು ಹೆಣ್ಣುಮಕ್ಕಳ ಶಿಕ್ಷಣದ ಪ್ರಮಾಣವನ್ನು ಹೆಚ್ಚಿಸಲು ಮಹತ್ವದ ಪಾತ್ರವನ್ನು ವಹಿಸಿದೆ. ಜನಸಾಮಾನ್ಯರ ಸಹಕಾರದಿಂದ ಬೇಟಿ ಬಚಾವೋ ಅಭಿಯಾನವು ದೇಶದ ಹಲವಾರು ಭಾಗಗಳಲ್ಲಿ ದೊಡ್ಡ ಬದಲಾವಣೆ ತಂದಿದೆ.
ಈ ವಿಶೇಷ ಸಂದರ್ಭವನ್ನು ನೆನೆಸಿಕೊಂಡು ಪ್ರಧಾನಿ ಮೋದಿ ‘ಎಕ್ಸ್’ ನಲ್ಲಿ (ಮಾಜಿ ಟ್ವಿಟರ್) ತಮ್ಮ ಸಂದೇಶ ಹಂಚಿಕೊಂಡರು. ಅವರು ಅಭಿಯಾನದಲ್ಲಿ ಪಾಲ್ಗೊಂಡ ಎಲ್ಲರಿಗೂ ಅಭಿನಂದನೆ ಸಲ್ಲಿಸಿದರು ಮತ್ತು ಹೆಣ್ಣುಮಕ್ಕಳ ಹಕ್ಕುಗಳನ್ನು ರಕ್ಷಿಸಲು, ಅವರ ಬೆಳವಣಿಗೆಗೆ ಬದ್ಧರಾಗುವಂತೆ ಪ್ರೇರಣೆ ನೀಡಿದರು.
ಯೋಜನೆಯ ಸಾದನೆಯ ವಿವರ
ಶುರುವಾದ ಸ್ಥಳ: ಹರಿಯಾಣದ ಪಾಣಿಪಟ್
ನಡೆಯುವಿಕೆ: ಮೊದಲ ಹಂತದಲ್ಲಿ 100 ಜಿಲ್ಲೆಗಳಲ್ಲಿ ಪ್ರಾರಂಭ, ನಂತರ 61 ಹೆಚ್ಚುವರಿ ಜಿಲ್ಲೆಗಳಿಗೆ ವಿಸ್ತರಣೆ
ಸಂಚಾಲನೆ: ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ, ಹಾಗೂ ಶಿಕ್ಷಣ ಸಚಿವಾಲಯದ ಸಹಯೋಗದೊಂದಿಗೆ ಕಾರ್ಯಾಚರಣೆ.
ಪ್ರಧಾನಿ ಮೋದಿ ಅವರ ಸಂದೇಶವು, ಮುಂದಿನ ವರ್ಷಗಳು ಹೆಣ್ಣುಮಕ್ಕಳಿಗೆ ಇನ್ನಷ್ಟು ಅವಕಾಶಗಳನ್ನು ನೀಡಲಿವೆ ಎಂದು ಭರವಸೆ ನೀಡುತ್ತದೆ. “ನಮ್ಮ ಹೆಣ್ಣುಮಕ್ಕಳ ಹಕ್ಕುಗಳನ್ನು ಕಾಪಾಡಲು ಮತ್ತು ಶಿಕ್ಷಣದ ಮೂಲಕ ಅವರನ್ನು ಶಕ್ತಿಶಾಲಿಯಾಗಿ ರೂಪಿಸಲು ನಾವು ಬದ್ಧರಾಗಿದ್ದೇವೆ,” ಎಂದು ಪ್ರಧಾನಿ ಹೇಳಿದರು.
ಈ ಅಭಿಯಾನವು ದೇಶದಲ್ಲಿ ಸಮಾನತೆ ಮತ್ತು ಪ್ರಗತಿಯ ದಾರಿಯಲ್ಲಿ ಹೆಣ್ಣುಮಕ್ಕಳಿಗೆ ಹೆಚ್ಚಿನ ಅವಕಾಶಗಳನ್ನು ಒದಗಿಸುವಲ್ಲಿ ಯಶಸ್ವಿಯಾಗಿದೆ.
