ಯೂಟ್ಯೂಬ್ (YouTube) ತನ್ನ ನಿಯಮಗಳನ್ನು ಮತ್ತಷ್ಟು ಕಠಿಣಗೊಳಿಸಿದ್ದು, ಅಕ್ಟೋಬರ್-ಡಿಸೆಂಬರ್ 2024 ನಡುವೆ ಭಾರತದಲ್ಲಿ 29 ಲಕ್ಷ ವಿಡಿಯೋಗಳನ್ನು ತೆಗೆದುಹಾಕಿದೆ. ದ್ವೇಷ ಭಾಷಣ, ವದಂತಿಗಳು, ಕಿರುಕುಳದ ವಿಷಯವಿರುವ ವಿಡಿಯೋಗಳು ಇದರಲ್ಲಿ ಒಳಗೊಂಡಿವೆ.
ಕೇವಲ ವಿಡಿಯೋಗಳಷ್ಟೇ ಅಲ್ಲ, 48 ಲಕ್ಷ ಯೂಟ್ಯೂಬ್ ಚಾನೆಲ್‌ಗಳನ್ನು ಕೂಡ ಸ್ಪ್ಯಾಮ್ ಅಥವಾ ವಂಚನೆಗೈದ ಕಾರಣದಿಂದ ಬ್ಲಾಕ್ ಮಾಡಲಾಗಿದೆ. ಒಂದು ಚಾನೆಲ್ ಅಳಿಸಲಾದರೆ, ಅದರಲ್ಲಿ ಅಪ್ಲೋಡ್ ಮಾಡಲಾದ ಎಲ್ಲಾ ವಿಡಿಯೋಗಳು ಸಹ ಸ್ವಯಂಚಾಲಿತವಾಗಿ ಡಿಲೀಟ್ ಆಗುತ್ತವೆ.
ಯೂಟ್ಯೂಬ್ ಪ್ರಮಾಣೀಕರಿಸದ ಜೂಜಿನ ಅಪ್ಲಿಕೇಶನ್‌ಗಳು ಅಥವಾ ವೆಬ್‌ಸೈಟ್‌ಗಳನ್ನು ಪ್ರಚಾರ ಮಾಡುವ ವಿಡಿಯೋಗಳ ವಿರುದ್ಧ ಮಾರ್ಚ್ 19ರಿಂದ ಹೊಸ ನಿಯಮಗಳನ್ನು ಜಾರಿಗೆ ತರಲಿದೆ. 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಬಳಕೆದಾರರು ಜೂಜಾಟ ಸಂಬಂಧಿತ ವಿಡಿಯೋಗಳನ್ನು ವೀಕ್ಷಿಸಲು ಸಾಧ್ಯವಾಗದು.
ಯೂಟ್ಯೂಬ್ AI-ಆಧಾರಿತ ಪತ್ತೆ ವ್ಯವಸ್ಥೆಯನ್ನು ಬಳಸಿಕೊಂಡು ಮಾರ್ಗಸೂಚಿಗಳನ್ನು ಉಲ್ಲಂಘಿಸುವ ವಿಷಯವನ್ನು ಗುರುತಿಸಿ, ಅವುಗಳನ್ನು ಡಿಲೀಟ್ ಮಾಡುತ್ತದೆ. ಸಾಮಾನ್ಯವಾಗಿ, ಸಾಹಸ ಮತ್ತು ಅಪಾಯಕಾರಿ ವಿಷಯದ ವಿಡಿಯೋಗಳು ಹೆಚ್ಚಿನ ಸಂಖ್ಯೆಯಲ್ಲಿ ತೆಗೆದುಹಾಕಲ್ಪಟ್ಟಿವೆ.
ಈ ಕ್ರಮಗಳಿಂದ ಯೂಟ್ಯೂಬ್ ತನ್ನ ವೇದಿಕೆಯನ್ನು ಸುರಕ್ಷಿತವಾಗಿ ಕಾಯ್ದುಕೊಳ್ಳಲು ಪ್ರಯತ್ನಿಸುತ್ತಿದೆ.
