ಮಹಾರಾಷ್ಟ್ರ ವಿಧಾನಸಭಾ ಚುನಾವಣೆಯ (Maharashtra assembly election) ನಡುವೆ, ಬಿಟ್‌ಕಾಯಿನ್ ಹಗರಣ (Bitcoin Scam) ಸಂಚಲನ ಮೂಡಿಸಿದೆ.
ಪುಣೆಯ ಮಾಜಿ IPS ಅಧಿಕಾರಿ ರವೀಂದ್ರನಾಥ ಪಾಟೀಲ್ ಅವರು NCP ನಾಯಕಿ ಮತ್ತು ಬಾರಾಮತಿ ಸಂಸದೆ ಸುಪ್ರಿಯಾ ಸುಳೆ ಹಾಗೂ ಮಹಾರಾಷ್ಟ್ರ ಕಾಂಗ್ರೆಸ್ ಅಧ್ಯಕ್ಷ ನಾನಾ ಪಟೋಲೆ ವಿರುದ್ಧ ಗಂಭೀರ ಆರೋಪ ಮಾಡಿದ್ದು, 2018 ರ ಕ್ರಿಪ್ಟೋಕರೆನ್ಸಿ ವಂಚನೆ (cryptocurrency scam) ಪ್ರಕರಣದಲ್ಲಿ ಅವರೊಬ್ಬರು ಭಾಗಿಯಾಗಿದ್ದಾರೆಂದು ಹೇಳಿದ್ದಾರೆ.
ಈ ಕುರಿತು BJP ಆಡಿಯೋ ಕ್ಲಿಪ್ ಬಿಡುಗಡೆ ಮಾಡಿ ಪಟೋಲೆ ಮತ್ತು ಸುಪ್ರಿಯಾ ಸುಳೆಗೆ ಆರೋಪ ಕೇಳಿಸಿತು. ಆದರೆ ಸುಪ್ರಿಯಾ ಸುಳೆ ಈ ಆಡಿಯೋ ಕ್ಲಿಪ್ ಅನ್ನು ತಳ್ಳಿ ಹಾಕಿದ್ದಾರೆ.
ಅವರು ಈ ಕುರಿತು ಪುಣೆಯ ಸೈಬರ್ ಸೆಲ್‌ಗೆ ದೂರು ನೀಡಿದ್ದು, ಅವಮಾನಕಾರಿ ಮಾಹಿತಿಗಳನ್ನು ಹರಡುವವರ ವಿರುದ್ಧ ಕ್ರಮ ಜರುಗಿಸಬೇಕು ಎಂದು ಒತ್ತಾಯಿಸಿದ್ದಾರೆ.
ಆಡಿಯೋ ಕ್ಲಿಪ್ ನಲ್ಲಿನ ಧ್ವನಿಯನ್ನು ಅಜಿತ್ ಪವಾರ್ ದೃಢಪಡಿಸಿದ್ದಾರೆ ಮತ್ತು ತನಿಖೆ ನಡೆಯುತ್ತಾ ಇದೆ ಎಂದು ಹೇಳಿದ್ದಾರೆ. NCP ಅಧ್ಯಕ್ಷ ಶರದ್ ಪವಾರ್ ಈ ಆರೋಪಗಳನ್ನು ರಾಜಕೀಯ ಎಂದು ಖಂಡಿಸಿದ್ದಾರೆ.
