ಟಾಟಾ ಮೋಟಾರ್ಸ್ (Tata Motors) ಜನವರಿ 2025ರಿಂದ ಎಲ್ಲಾ ಕಾರುಗಳ ಬೆಲೆಗಳನ್ನು ಶೇಕಡಾ 3 ರಷ್ಟು ಹೆಚ್ಚಿಸಲಿದೆ. ಇದರಲ್ಲಿ ಎಲೆಕ್ಟ್ರಿಕ್ ಕಾರುಗಳು ಕೂಡ ಸೇರಿವೆ. ಹೆಚ್ಚಿನ ಬೆಲೆ ಏರಿಕೆಗೆ ಕಾರಣವಾಗಿ, ಹಣದುಬ್ಬರ ಮತ್ತು ಹೆಚ್ಚುತ್ತಿರುವ ಇನ್‌ಪುಟ್ ವೆಚ್ಚಗಳನ್ನು ಸರಿದೂಗಿಸಲು ಈ ಅವಶ್ಯಕತೆ ಹುಟ್ಟಿದೆಯೆಂದು ಕಂಪನಿ ಹೇಳಿದೆ.
ಹೊಸ ವರ್ಷದಂದು ನೀವು ಟಾಟಾ ನೆಕ್ಸಾನ್ ಅಥವಾ ಇನ್ನಾವುದೇ ಟಾಟಾ ಕಾರನ್ನು ಖರೀದಿಸಲು ಯೋಚಿಸುತ್ತಿದ್ದರೆ, ಈಗಿರುವುದಕ್ಕಿಂತ ಹೆಚ್ಚಿನ ಹಣವನ್ನು ನೀಡಬೇಕಾಗುತ್ತದೆ.
- ಮಾರುತಿ ಸುಜುಕಿ: ಮಾರುತಿ, ತನ್ನ ಕಾರುಗಳ ಬೆಲೆಯನ್ನು ಜನವರಿ 2025 ರಿಂದ ಶೇಕಡಾ 4 ರಷ್ಟು ಹೆಚ್ಚಿಸಲಿದೆ.
- ಹುಂಡೈ: ಹುಂಡೈ 2025 ರಿಂದ 25,000 ರೂಪಾಯಿ ಹೆಚ್ಚಳವನ್ನು ಘೋಷಿಸಿದೆ, ದಕ್ಷಿಣ ಕೊರಿಯಾದ ಕಾರು ಕಂಪನಿಯು ನಿಗದಿತ ಮೊತ್ತ ಅಥವಾ ಶೇಕಡಾವಾರು ಬಗ್ಗೆ ಸ್ಪಷ್ಟಪಡಿಸಿಲ್ಲ.
- ಮಹೀಂದ್ರ: ಮಹೀಂದ್ರ ತನ್ನ ಎಸ್‌ಯುವಿಗಳ ಬೆಲೆಯನ್ನು 2025 ರಲ್ಲಿ 3% ಹೆಚ್ಚಿಸಲಿದೆ. ಥಾರ್, XUV700, ಸ್ಕಾರ್ಪಿಯೋ ಮತ್ತು ಇತರ ಮಾದರಿಗಳ ಬೆಲೆ ಏರಿಕೆ ಆಗಲಿದೆ.
- JSW MG ಮೋಟಾರ್: JSW MG ಮೋಟಾರ್ 2025ರಿಂದ ತನ್ನ ಕಾರುಗಳ ಬೆಲೆಯನ್ನು ಶೇಕಡಾ 3 ರಷ್ಟು ಹೆಚ್ಚಿಸಲಿದೆ.
- ಐಷಾರಾಮಿ ಕಾರುಗಳ ಬೆಲೆ ಏರಿಕೆ: ಮರ್ಸಿಡೀಸ್-ಬೆನ್ಜ್, BMW ಮತ್ತು ಆಡೀ (Mercedes-Benz, BMW and Audi) ಕಾರುಗಳು 2025ರಿಂದ ಶೇಕಡಾ 3 ರಷ್ಟು ದುಬಾರಿ ಆಗಲಿವೆ.
