Search
WhatsApp alerts

Home › India

ಭಾರತೀಯ ಕೈಗಾರಿಕಾ ಒಕ್ಕೂಟದ (CII) GST ಸರಳೀಕರಣಕ್ಕೆ ಒತ್ತಾಯ – ಮುಖ್ಯ ಬೇಡಿಕೆಗಳು

administrator · Published

CII President Rajiv Memani

Delhi: ಭಾರತದ ತೆರಿಗೆ ವ್ಯವಸ್ಥೆಯನ್ನು ಸುಧಾರಣೆಗೊಳಿಸಿ, ವ್ಯಾಪಾರದ ಸರಳತೆ ಮತ್ತು ಆರ್ಥಿಕ ಸ್ಪರ್ಧಾತ್ಮಕತೆಯನ್ನು ಹೆಚ್ಚಿಸಲು ಭಾರತೀಯ ಕೈಗಾರಿಕಾ ಒಕ್ಕೂಟ (CII-Confederation of Indian Industry) ಕೆಲವು ಪ್ರಮುಖ ಶಿಫಾರಸುಗಳನ್ನು ಮುಂದಿಟ್ಟಿದೆ.

ಮುಖ್ಯ ಶಿಫಾರಸುಗಳು

ಜಿಎಸ್ಟಿ ದರಗಳು ತರ್ಕಬದ್ಧವಾಗಲಿ: CII ಅಧ್ಯಕ್ಷ ರಾಜೀವ್ ಮೆಮಾನಿ ಹೇಳುವಂತೆ, ಅಗತ್ಯ ವಸ್ತುಗಳಿಗೆ 5% GST ಇರಲಿ, ಐಷಾರಾಮಿ ವಸ್ತುಗಳು ಮತ್ತು ಸಿಂತ್ ಸರಕುಗಳಿಗೆ 28% ಗರಿಷ್ಠ ದರ ಇರಲಿ. ಉಳಿದ ಎಲ್ಲ ವಸ್ತುಗಳಿಗೆ 12% ರಿಂದ 18% ರವರೆಗೆ ಒಂದೇ ಪ್ರಮಾಣಿತ ದರ ಇರಬೇಕು ಎಂದು ಅವರು ಸೂಚಿಸಿದ್ದಾರೆ.

ನೇರ ತೆರಿಗೆ ಸರಳೀಕರಣ: ಆದಾಯ ತೆರಿಗೆ ಕಾನೂನುಗಳನ್ನು ಸುಲಭವಾಗಿ ಅರ್ಥಮಾಡಿಕೊಳ್ಳುವಂತೆ ಸರಳಗೊಳಿಸಬೇಕು. ಹೊಸ ಆದಾಯ ತೆರಿಗೆ ಮಸೂದೆಯನ್ನು ಶೀಘ್ರ ಜಾರಿಗೆ ತರಬೇಕೆಂದು ಒತ್ತಾಯಿಸಿದ್ದಾರೆ.

ಶ್ರೇಣೀಕೃತ ಕಸ್ಟಮ್ಸ್ ಸುಂಕ ರಚನೆ: ದೇಶೀಯ ಉತ್ಪಾದನೆಗೆ ಬೆಂಬಲ ನೀಡುವ ನಿಟ್ಟಿನಲ್ಲಿ ಕಸ್ಟಮ್ಸ್ ಸುಂಕವನ್ನು ಶ್ರೇಣೀಬದ್ಧವಾಗಿ ರೂಪಿಸಬೇಕೆಂದು ಸೂಚನೆ.

ಎಲ್ಲ ರಾಜ್ಯಗಳಿಗೆ ಒಂದೇ ರೀತಿಯ ಲೆಕ್ಕಪತ್ರ ಪರಿಶೀಲನೆ: ಪ್ರತಿ ರಾಜ್ಯದಲ್ಲಿ ಬೇರೆ ಬೇರೆಯಾದ ಜಿಎಸ್ಟಿ ಆಡಿಟ್ ವಿಧಾನ ಬದಲಾಗಿ, ಎಲ್ಲೆಡೆ ಒಂದೇ ರೀತಿಯ ನಿಯಮಗಳು ಇರಬೇಕು. ಇದರಿಂದ ವ್ಯಾಪಾರಿಗಳಿಗೆ ಯಾವುದೇ ಗೊಂದಲವಿಲ್ಲದೆ ನಿರ್ವಹಣೆ ಸುಲಭವಾಗುತ್ತದೆ.

ರಾಷ್ಟ್ರೀಯ ಮೇಲ್ಮನವಿ ಪ್ರಾಧಿಕಾರ ಸ್ಥಾಪನೆ: GST ಗೆ ಸಂಬಂಧಿಸಿದ ವಾದ-ವಿವಾದಗಳನ್ನು ಬಗೆಹರಿಸಲು ‘ನ್ಯಾಷನಲ್ ಅಪೀಲೆಟ್ ಅಥಾರಿಟಿ’ ಎಂಬ ಉನ್ನತ ಪ್ರಾಧಿಕಾರವನ್ನು ತಕ್ಷಣ ಸ್ಥಾಪಿಸಬೇಕು.

ಪೆಟ್ರೋಲಿಯಂ, ವಿದ್ಯುತ್, ರಿಯಲ್ ಎಸ್ಟೇಟ್ ಜಿಎಸ್ಟಿ ವ್ಯಾಪ್ತಿಗೆ: ಈ ಕ್ಷೇತ್ರಗಳನ್ನೂ ಜಿಎಸ್ಟಿ ವ್ಯಾಪ್ತಿಗೆ ತರಬೇಕೆಂದು CII ಒತ್ತಾಯಿಸಿದೆ.

ಕ್ಯಾಸ್ಕೇಡಿಂಗ್ ತೆರಿಗೆ ತೆಗೆದುಹಾಕುವ ಸಲಹೆ: ಒಂದೇ ವಸ್ತು ಮೇಲೆ ಅನೇಕ ಹಂತಗಳಲ್ಲಿ ತೆರಿಗೆ ವಿಧಿಸಬಾರದು. ಇದರಿಂದ ಗ್ರಾಹಕರಿಗೆ ಹೆಚ್ಚುವರಿ ಬೆಲೆ ತೀರಿಸುವ ಅವಶ್ಯಕತೆ ಬರುತ್ತದೆ. ಹಾಗಾಗಿ, ಎಲ್ಲ ಹಂತಗಳನ್ನು ಜಿಎಸ್ಟಿ ಅಡಿಯಲ್ಲಿ ತರಬೇಕು ಎಂದು ಸಲಹೆ ನೀಡಲಾಗಿದೆ.

CII ಪ್ರಸ್ತಾಪಿಸಿದ ಈ ಮಾರ್ಗಸೂಚಿಗಳು ಜಾರಿಗೆ ಬಂದರೆ, ತೆರಿಗೆ ವ್ಯವಸ್ಥೆ ಹೆಚ್ಚು ಸರಳವಾಗುತ್ತೆ, ವ್ಯಾಪಾರ ಸುಲಭವಾಗುತ್ತೆ ಮತ್ತು ಭಾರತದಲ್ಲಿ ಆರ್ಥಿಕ ಪರಿಸ್ಥಿತಿ ಮತ್ತಷ್ಟು ಸ್ಪರ್ಧಾತ್ಮಕವಾಗುತ್ತದೆ ಎನ್ನಲಾಗಿದೆ.

For Daily Updates WhatsApp ‘HI’ to 7406303366

Read next

ಹೃದಯದ ಆರೋಗ್ಯ ಕಾಪಾಡಿ: ವಿಶ್ವ ಹೃದಯ ದಿನದಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಚೇತನ್ ಕಿವಿಮಾತು

ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ಆಗ್ನೇಯ ಪದವೀಧರ ಕ್ಷೇತ್ರ ಚುನಾವಣೆಗೆ ಸಹಾಯವಾಣಿ ಕೇಂದ್ರ ಸ್ಥಾಪನೆ

ಹಿರಿಯ ನಾಗರಿಕರ ಕುಂದುಕೊರತೆ ಪರಿಹಾರಕ್ಕೆ ಅಧಿಕಾರಿಗಳಿಗೆ ಡಿಸಿ ಕಟ್ಟುನಿಟ್ಟಿನ ಸೂಚನೆ

ಕೆಎಸ್‌ಆರ್‌ಟಿಸಿಯಲ್ಲಿ ಅಪ್ರೆಂಟೀಸ್ ತರಬೇತಿಗೆ ಅರ್ಜಿ ಆಹ್ವಾನ

You cannot copy content of this page