New Delhi: ದೆಹಲಿ ಮುಖ್ಯಮಂತ್ರಿ ರೇಖಾ ಗುಪ್ತಾ (Delhi Chief Minister Rekha Gupta) ಅವರಿಗೆ ನೀಡಲಾಗಿದ್ದ CRPF Z ಶ್ರೇಣಿ ಭದ್ರತೆ ಹಿಂತೆಗೆದುಕೊಳ್ಳಲಾಗಿದೆ. ಇದೀಗ ಮತ್ತೆ ದೆಹಲಿ ಪೊಲೀಸರು ಭದ್ರತೆ ನೀಡಲಿದ್ದಾರೆ ಎಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿವೆ.
ಆಗಸ್ಟ್ 20ರಂದು ಸಿಎಂ ನಿವಾಸದಲ್ಲಿ ನಡೆದ ಸಾರ್ವಜನಿಕ ಸಭೆಯಲ್ಲಿ, 35 ವರ್ಷದ ವ್ಯಕ್ತಿ ದಾಖಲೆಗಳ ಹೆಸರಿನಲ್ಲಿ ಒಳಗೆ ಬಂದು ಕಪಾಳಕ್ಕೆ ಹೊಡೆದಿದ್ದ. ಈ ದಾಳಿಯನ್ನು ಅಧಿಕಾರಿಗಳು “ಕೊಲೆ ಪ್ರಯತ್ನದ ಪಿತೂರಿ” ಎಂದು ಹೇಳಿದರು.
ದಾಳಿಯ ನಂತರ ಕೇಂದ್ರ ಗೃಹ ಸಚಿವಾಲಯ ಸಿಎಂಗೆ Z ಶ್ರೇಣಿ ಸಿಆರ್ಪಿಎಫ್ ಭದ್ರತೆ ನೀಡಿತ್ತು. ಆದರೆ ವಾರದೊಳಗೆ ಅದನ್ನು ಹಿಂತೆಗೆದು ದೆಹಲಿ ಪೊಲೀಸರಿಗೇ ಭದ್ರತಾ ಜವಾಬ್ದಾರಿ ಹಿಂತಿರುಗಿಸಲಾಗಿದೆ.
- ಹಲ್ಲೆ ನಡೆಸಿದ ಪ್ರಮುಖ ಆರೋಪಿ: ರಾಜೇಶ್ ಖಿಮ್ಜಿಭಾಯಿ (ರಾಜ್ಕೋಟ್ ನಿವಾಸಿ)
- ಹಣ ಸಹಾಯ ಮಾಡಿದ ಆರೋಪ: ತಹ್ಸೀನ್ ಸೈಯದ್, ಇವನು ಸಹ ಬಂಧನಕ್ಕೊಳಗಾಗಿದ್ದಾನೆ.
ಪೊಲೀಸರು ಈಗಾಗಲೇ ಆರೋಪಿಗಳ ವೈಯಕ್ತಿಕ ಮಾಹಿತಿ ಹಾಗೂ ಭದ್ರತೆಯಲ್ಲಿನ ಲೋಪಗಳನ್ನು ಪರಿಶೀಲಿಸುತ್ತಿದ್ದಾರೆ. ಸಂದರ್ಶಕರ ದಾಖಲೆ, ಭದ್ರತಾ ದಾಖಲೆ ಮತ್ತು ತಾಂತ್ರಿಕ ಮಾಹಿತಿಗಳ ಪರಿಶೀಲನೆ ನಡೆಯುತ್ತಿದೆ.
