Delhi : ದೆಹಲಿಯ ವಿಧಾನಸಭಾ ಚುನಾವಣೆ (Delhi assembly elections) ಫೆಬ್ರವರಿ 5ರಂದು ನಡೆಯಿತು. ಮತ ಎಣಿಕೆ ಇಂದು (ಫೆಬ್ರವರಿ 8) ಬೆಳಿಗ್ಗೆ 8 ಗಂಟೆಗೆ ಆರಂಭವಾಗಲಿದೆ. ಈ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷ (ಎಎಪಿ), ಭಾರತೀಯ ಜನತಾ ಪಕ್ಷ (BJP) ಮತ್ತು ಕಾಂಗ್ರೆಸ್ ಮುಖ್ಯ ಸ್ಪರ್ಧಿಗಳಾಗಿವೆ.
ಚುನಾವಣೋತ್ತರ ಸಮೀಕ್ಷೆಗಳ ಪ್ರಕಾರ, ಬಿಜೆಪಿ ಬಹುಮತ ಪಡೆಯಲಿದೆ ಎಂಬ ನಿರೀಕ್ಷೆ ಇದೆ. ಆದರೆ, ಎಎಪಿ ಈ ಸಮೀಕ್ಷೆಗಳನ್ನು ನಿರಾಕರಿಸಿದ್ದು, ತಾವು ಮತ್ತೆ ಅಧಿಕಾರಕ್ಕೆ ಬರುತ್ತೇವೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದೆ.
1998ರ ನಂತರ ದೆಹಲಿಯಲ್ಲಿ ಬಿಜೆಪಿ ಅಧಿಕಾರಕ್ಕೆ ಬರಲಿದೆಯಾ ಎಂಬ ಕುತೂಹಲವೂ ಇದೆ. ಈ ಬಾರಿ ಬಿಜೆಪಿ ಜೆಡಿಯು ಮತ್ತು ಲೋಕ ಜನಶಕ್ತಿ ಪಕ್ಷದೊಂದಿಗೆ ಮೈತ್ರಿ ಮಾಡಿಕೊಂಡು ಸ್ಪರ್ಧಿಸಿದೆ.
ದೆಹಲಿಯಲ್ಲಿ ಒಟ್ಟು 1.55 ಕೋಟಿ ಮತದಾರರಿದ್ದು, ಶೇ. 60.54ರಷ್ಟು ಮತದಾನವಾಗಿದೆ. 2020ರಲ್ಲಿ ಎಎಪಿ 62 ಸ್ಥಾನಗಳನ್ನು ಗೆದ್ದು, ಬಿಜೆಪಿ ಕೇವಲ 5 ಸ್ಥಾನ ಗಳಿಸಿತ್ತು.
ಚುನಾವಣೋತ್ತರ ಸಮೀಕ್ಷೆಗಳ ಅಂದಾಜು
- ಆಕ್ಸಿಸ್ ಮೈ ಇಂಡಿಯಾ: ಬಿಜೆಪಿ 45-55, ಎಎಪಿ 15-25
- CNX: ಬಿಜೆಪಿ 49-61
- ಮ್ಯಾಟ್ರಿಜ್: ಎಎಪಿ 32-37, ಬಿಜೆಪಿ 35-40
- ಪಿ-ಮಾರ್ಕ್: ಎಎಪಿ 39-44, ಬಿಜೆಪಿ 21-31
- ಪೋಲ್ ಡೈರಿ: ಬಿಜೆಪಿ 42-50
- ಜೆವಿಸಿ: 39-45
ಫಲಿತಾಂಶ ಏನಾಗಲಿದೆ? ಎಎಪಿಗೆ ಹ್ಯಾಟ್ರಿಕ್ ಸಿಗುತ್ತಾ? ಅಥವಾ 25 ವರ್ಷಗಳ ನಂತರ ಕಮಲ ಅರಳುತ್ತಾ? ಇನ್ನೂ ಕೆಲವೇ ಗಂಟೆಗಳಲ್ಲಿ ಉತ್ತರ ದೊರೆಯಲಿದೆ.
