Thiruvananthapuram: ತಂದೆ ಮುಸ್ಲಿಂ (Muslim) ಮತ್ತು ತಾಯಿ ಹಿಂದೂ ಆಗಿದ್ದರೂ, ಮಗನಿಗೆ ಇಸ್ಲಾಂ ಧರ್ಮ ಇಷ್ಟವಾಗದೆ ಹಿಂದೂ ಧರ್ಮಕ್ಕೆ ಮರಳಿದ ಘಟನೆ ಕೇರಳದಲ್ಲಿ ನಡೆದಿದೆ. ಧರ್ಮ ಬದಲಾಯಿಸಲು ದಾಖಲೆಗಳಲ್ಲಿ ಹಲವಾರು ತಡೆಗಳಿದ್ದರೂ, ಕೊನೆಗೆ ಈ ಪ್ರಕರಣ ಕೇರಳ ಹೈಕೋರ್ಟ್ ತನಿಖೆಗೆ ಬಂತು.
ನ್ಯಾಯಾಲಯ ತೀರ್ಪಿನಲ್ಲಿ, ತನ್ನ ಧರ್ಮವನ್ನು ಸ್ವತಃ ಇಚ್ಛೆಯಿಂದ ಬದಲಾಯಿಸುವವರು ಭಾರತದ ಸಂವಿಧಾನದ 25ನೇ ವಿಧಿಯ ಅಡಿಯಲ್ಲಿ ತಮ್ಮ ಧಾರ್ಮಿಕ ಮತಾಂತರವನ್ನು ಅಧಿಕೃತವಾಗಿ ದಾಖಲೆಗಳಲ್ಲಿ ದಾಖಲಿಸಿಕೊಳ್ಳುವ ಹಕ್ಕು ಹೊಂದಿದ್ದಾರೆ ಎಂದು ಸ್ಪಷ್ಟಪಡಿಸಿದೆ.
ಯಾವುದೇ ಒತ್ತಡ ಅಥವಾ ಪ್ರಭಾವ ಇಲ್ಲದೆ ಧರ್ಮ ಬದಲಾಯಿಸಿದರೆ, ಅದು ಸಂವಿಧಾನದ ಮೂಲಕ ರಕ್ಷಣೆ ಪಡೆಯುತ್ತದೆ. ಪ್ರತಿ ವ್ಯಕ್ತಿಗೂ ತನ್ನ ಧಾರ್ಮಿಕ ನಂಬಿಕೆ ಮತ್ತು ಅದನ್ನು ಪ್ರದರ್ಶಿಸುವ ಸ್ವಾತಂತ್ರ್ಯ ಮೂಲಭೂತ ಹಕ್ಕಾಗಿದೆ.
ಈ ಪ್ರಕರಣದಲ್ಲಿ, ಮಗ ತನ್ನ ಹೆಸರನ್ನು ಮೊಹಮ್ಮದ್ ರಿಯಾಜುದ್ದೀನ್ ಸಿಎಸ್ ಇಂದ ಸುಧೀನ್ ಕೃಷ್ಣ ಸಿಎಸ್ ಎಂದು ಬದಲಿಸಿ, ಅಧಿಕೃತವಾಗಿ ಹಿಂದೂ ಧರ್ಮಕ್ಕೆ ಪರಿವರ್ತನೆ ಮಾಡಿಕೊಂಡು ಶಾಲಾ ದಾಖಲೆಗಳನ್ನು ನವೀಕರಿಸುವಂತೆ ಹೈಕೋರ್ಟ್ ಆದೇಶಿಸಿತು.
ಶಾಲೆಯು ಕೇರಳ ಶಿಕ್ಷಣ ಕಾಯ್ದೆ ಮತ್ತು ನಿಯಮಗಳ ಪ್ರಕಾರ ಧರ್ಮ ಬದಲಾವಣೆಗೆ ಅವಕಾಶ ಇಲ್ಲವೆಂದು ವಾದಿಸಿದ್ದರೂ, ಹೈಕೋರ್ಟ್ ತೀರ್ಪು ಮಗನ ಪರವಾಗಿದ್ದು, ತನ್ನ ಹಕ್ಕನ್ನು ರಕ್ಷಿಸಿದೆ.
