ಮಾಜಿ ಕ್ರಿಕೆಟಿಗ ಅನಿಲ್ ಕುಂಬ್ಳೆ (Former cricketer Anil Kumble) ಅವರನ್ನು ಅರಣ್ಯ ಮತ್ತು ವನ್ಯಜೀವಿ ರಾಯಭಾರಿಯಾಗಿ ನೇಮಕ ಮಾಡಲಾಗುವುದು ಎಂದು ಅರಣ್ಯ ಸಚಿವ ಈಶ್ವರ ಖಂಡ್ರೆ ತಿಳಿಸಿದ್ದಾರೆ. ಅವರು ಹಿಂದೆಯೇ ವನ್ಯಜೀವಿ ಮಂಡಳಿಯ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು. ಅನಿಲ್ ಕುಂಬ್ಳೆಗೆ ಅರಣ್ಯ ಸಂರಕ್ಷಣೆ ಮತ್ತು ವನ್ಯಜೀವಿಗಳ ಬಗ್ಗೆ ಹೆಚ್ಚಿನ ಆಸಕ್ತಿ ಮತ್ತು ಪ್ರೀತಿ ಇದೆ. ಆದರೂ ಅವರು ಯಾವುದೇ ಸಂಭಾವನೆ ಪಡೆಯದೇ ಈ ಕೆಲಸವನ್ನು ಸ್ವೀಕರಿಸಿದ್ದಾರೆ.
ವನ ಮಹೋತ್ಸವ ಮತ್ತು ಸಸ್ಯಾರೋಪಣೆ: ಹವಾಮಾನ ಬದಲಾವಣೆ ಎದುರಿಸಿ, ಕಳೆದ ಎರಡು ವರ್ಷಗಳಲ್ಲಿ 8848 ವನ ಮಹೋತ್ಸವಗಳು ನಡೆಸಲಿದ್ದು, ಸುಮಾರು 8.5 ಕೋಟಿ ಸಸಿಗಳನ್ನು ನೆಟ್ಟಿದ್ದಾರೆ. 2023-24 ಮತ್ತು 2024-25 ರಲ್ಲಿ ಒಟ್ಟು 1,20,975 ಹೆಕ್ಟೇರ್‌ನಲ್ಲಿ ನೆಡುತ್ತೋಪು, 25 ಹೊಸ ವೃಕ್ಷೋದ್ಯಾನಗಳು ಹಾಗೂ 35 ದೇವರ ಕಾಡು ನಿರ್ಮಿಸಲಾಗಿದೆ. ಕೃಷಿಕರಿಗೆ 3.7 ಕೋಟಿ ಸಸಿಗಳನ್ನು ವಿತರಿಸಲಾಗಿದೆ.
ಮಾದಪ್ಪನಹಳ್ಳಿಯಲ್ಲಿ ಬೃಹತ್ ಉದ್ಯಾನ: ಬೆಂಗಳೂರು ನಗರದ ಶ್ವಾಸತತಾಣಗಳನ್ನು ಉಳಿಸಲು, ಯಲಹಂಕದ ಮಾದಪ್ಪನಹಳ್ಳಿಯಲ್ಲಿ 153 ಎಕರೆ ಪ್ರದೇಶದಲ್ಲಿ ದೊಡ್ಡ ಉದ್ಯಾನ ನಿರ್ಮಾಣ ಮಾಡಲು ತೀರ್ಮಾನಿಸಲಾಗಿದೆ. ಈ ಯೋಜನೆ ಶೀಘ್ರದಲ್ಲೇ ಆರಂಭವಾಗಲಿದೆ.
ಅರಣ್ಯ ಒತ್ತುವರಿ ತೆರವು: ಬೆಂಗಳೂರು ಮಹಾನಗರದಲ್ಲಿ 128 ಎಕರೆ ಅರಣ್ಯ ಭೂಮಿ ಒತ್ತುವರಿ ಇದ್ದು, ಅದನ್ನು ತೆರವುಗೊಳಿಸಲಾಗಿದೆ. ಕೇಂದ್ರ ಸರ್ಕಾರದ ಸ್ವಾಮ್ಯದಲ್ಲಿರುವ 444 ಎಕರೆ ಅರಣ್ಯ ಭೂಮಿಯನ್ನು ಮಾರಾಟ ಮಾಡದಂತೆ ನಿಷೇಧಿಸಲಾಗಿದೆ.
ಹಳೆ ಮೈಸೂರು ಭಾಗದ ಗುತ್ತಿಗೆ ಸಮಸ್ಯೆ: ಹಳೆ ಮೈಸೂರಿನಲ್ಲಿ ಬ್ರಿಟಿಷರ ಕಾಲದಲ್ಲಿ ದೀರ್ಘಕಾಲದ ಗುತ್ತಿಗೆ ನೀಡಿದ್ದ 5050 ಎಕರೆ ಅರಣ್ಯ ಭೂಮಿಯನ್ನು 999 ವರ್ಷದಿಂದ 99 ವರ್ಷಕ್ಕೆ ಇಳಿಸಲಾಗಿದೆ. ಈ ಭೂಮಿಗಳನ್ನು ಹಿಂಪಡೆಯಲು ಕಾನೂನು ಹೋರಾಟ ನಡೆಯುತ್ತಿದೆ.
ಹೆಸರುಘಟ್ಟ ಹುಲ್ಲುಗಾವಲು ರಕ್ಷಣೆ: ಬೆಂಗಳೂರು ನಗರದ ಹೆಸರುಘಟ್ಟದ 5678 ಎಕರೆ ಅಪರೂಪದ ಹುಲ್ಲುಗಾವಲು, ಪಕ್ಷಿಗಳ ನೆಲೆಗಾತ್ರವಾಗಿದೆ. ಈ ಪ್ರದೇಶವನ್ನು ಸಂರಕ್ಷಿತ ಹುಲ್ಲುಗಾವಲು ಎಂದು ಘೋಷಿಸಲಾಗಿದೆ.
