New Delhi: ವಿಶ್ವಸಂಸ್ಥೆಯ ಸಭೆಯಲ್ಲಿ ಭಾರತ ಉಕ್ರೇನ್ ಸಂಘರ್ಷದ (Ukraine conflict) ದುಷ್ಪರಿಣಾಮಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ಯುದ್ಧದಿಂದ ಇಂಧನದ ಬೆಲೆ ಏರಿಕೆ ಸೇರಿದಂತೆ ಹಲವು ಸಮಸ್ಯೆಗಳು ಎದುರಾಗಿದೆ. ವಿಶೇಷವಾಗಿ ಜಾಗತಿಕ ದಕ್ಷಿಣ ದೇಶಗಳಿಗೆ ಹೆಚ್ಚಿನ ಹೊಡೆತ ಬಿದ್ದಿದೆ ಎಂದು ಭಾರತ ತಿಳಿಸಿದೆ.
ಭಾರತದ ಶಾಶ್ವತ ಪ್ರತಿನಿಧಿ ಪರ್ವತನೇನಿ ಹರೀಶ್ ಅವರು ಮಾತನಾಡುತ್ತಾ,
- ಯುದ್ಧದಿಂದ ಯಾವುದೇ ಪರಿಹಾರ ಸಾಧ್ಯವಿಲ್ಲ, ಅಮಾಯಕ ಜೀವಹಾನಿ ಸ್ವೀಕಾರಾರ್ಹವಲ್ಲ ಎಂದರು.
- ದಕ್ಷಿಣ ರಾಷ್ಟ್ರಗಳ ಧ್ವನಿಯನ್ನು ಕೇಳಿ, ಅವರ ಕಾಳಜಿಗಳನ್ನು ಸರಿಯಾಗಿ ಪರಿಹರಿಸಬೇಕು ಎಂದು ಒತ್ತಿಹೇಳಿದರು.
- ಶಾಶ್ವತ ಶಾಂತಿಗಾಗಿ ಎಲ್ಲ ಪಾಲುದಾರರು ಬದ್ಧರಾಗಿರಬೇಕು ಎಂದು ಸಲಹೆ ನೀಡಿದರು.
ಅಮೆರಿಕಾ ಅಧ್ಯಕ್ಷ ಟ್ರಂಪ್ ಮತ್ತು ರಷ್ಯಾ ಅಧ್ಯಕ್ಷ ಪುಟಿನ್ ನಡುವಿನ ಅಲಾಸ್ಕಾದ ಶೃಂಗಸಭೆ, ಹಾಗೂ ಅಮೆರಿಕಾ–ಯುರೋಪಿಯನ್ ನಾಯಕರ ಮಾತುಕತೆಗಳ ಮೂಲಕ ರಾಜತಾಂತ್ರಿಕ ಪ್ರಯತ್ನಗಳು ನಡೆಯುತ್ತಿವೆ ಎಂದು ಭಾರತ ಗಮನಿಸಿದೆ.
ಪ್ರಧಾನಿ ಮೋದಿ ಅವರ ಸಂದೇಶವನ್ನೂ ಹರೀಶ್ ಹಂಚಿಕೊಂಡರು, “ಇದು ಯುದ್ಧದ ಯುಗವಲ್ಲ. ಸಂಘರ್ಷವನ್ನು ಬೇಗನೆ ಕೊನೆಗೊಳಿಸಲು ಭಾರತ ರಾಜತಾಂತ್ರಿಕ ಪ್ರಯತ್ನಗಳನ್ನು ಬೆಂಬಲಿಸುತ್ತದೆ.”
