Bengaluru: ರಾಜ್ಯ ಸರ್ಕಾರ ರೈತರಿಗೆ ಸಂತೋಷದ ಸುದ್ದಿಯನ್ನು ನೀಡಿದೆ. ಕೃಷಿ ಮತ್ತು ತೋಟಗಾರಿಕೆಯ 18 ಉತ್ಪನ್ನಗಳಿಗೆ ಬೆಂಬಲ ಬೆಲೆ ನೀಡುವ ನಿರ್ಧಾರ ಕೈಗೊಂಡಿದೆ.
ಕೃಷಿ ಸಚಿವ ಎನ್. ಚಲುವರಾಯಸ್ವಾಮಿ ಹೇಳಿದರು, ಈ ಉತ್ಪನ್ನಗಳಿಗೆ ಬೆಂಬಲ ಬೆಲೆ ನೀಡಲು ಸರ್ಕಾರದ ಸಂಪುಟ ಉಪ ಸಮಿತಿಯ ಸಭೆಯಲ್ಲಿ ತೀರ್ಮಾನವಾಗಿದ್ದು, ಕಳೆದ ವರ್ಷ 6.11 ಲಕ್ಷ ರೈತರಿಗೆ 7,135 ಕೋಟಿ ರೂ. ಪಾವತಿಸಲಾಗಿತ್ತು. ಈ ಬಾರಿ 7 ಲಕ್ಷ ರೈತರಿಂದ ಉತ್ಪನ್ನ ಖರೀದಿ ಮಾಡಲಾಗುವುದು.
- ಸೆಪ್ಟೆಂಬರ್ ತಿಂಗಳಿನಿಂದ ನೋಂದಣಿ ಕಾರ್ಯ ಆರಂಭವಾಗಲಿದೆ, ಜನವರಿಯಿಂದ ಖರೀದಿ ಪ್ರಕ್ರಿಯೆ ಪ್ರಾರಂಭ ಆಗುತ್ತದೆ. ಮಾರ್ಚ್ ವರೆಗೆ ಖರೀದಿ ನಡೆಯಲಿದೆ.
- ರಾಗಿ ಕ್ವಿಂಟಾಲ್‌ಗೆ 4,846 ರೂ. ನೀಡಲಾಗುವುದು, ಇದರಲ್ಲಿ 596 ರೂ. ಹೆಚ್ಚಳವಾಗಿದೆ.
- ಒಬ್ಬ ರೈತರಿಂದ 50 ಕ್ವಿಂಟಾಲ್‌ವರೆಗೆ ಖರೀದಿ ಮಾಡಲಾಗುವುದು.
- ಜೋಳ 3 ಲಕ್ಷ ಮೆಟ್ರಿಕ್ ಟನ್‌ ಖರೀದಿ ಮಾಡುವ ಯೋಜನೆ ಇದೆ.
- ಜೋಳಕ್ಕೆ ಈ ವರ್ಷ 2,369 ರೂ. ಬೆಂಬಲ ಬೆಲೆ ನೀಡಲಾಗುವುದು, 69 ರೂ. ಹೆಚ್ಚಳವಾಗಿದೆ.
- ಭತ್ತಕ್ಕೂ ಬೆಂಬಲ ಬೆಲೆ ಕೊಟ್ಟು ಖರೀದಿ ಮಾಡಲಾಗುತ್ತದೆ.
ರೈತರಿಗೆ ನೇರ ಅನುಕೂಲವಾಗುವಂತೆ ಬೇಗ ಖರೀದಿ ಪ್ರಾರಂಭಿಸುವ ಯೋಜನೆ ರೂಪಿಸಲಾಗಿದೆ. ಸಿರಿಧಾನ್ಯಗಳಿಗೆ ಸಹ ಬೆಂಬಲ ಬೆಲೆ ನೀಡಲಾಗುವುದು. ಸಿರಿಧಾನ್ಯಗಳಿಗೆ 114 ರೂ. ಹೆಚ್ಚುವರಿ ಬೆಲೆ ನೀಡುವ ಬಗ್ಗೆ ಆರ್ಥಿಕ ಇಲಾಖೆಗೆ ಮನವಿ ಸಲ್ಲಿಸಲಾಗಿದೆ.
ಡಿಜಿಟಲ್ ಮೂಲಕ ಬೆಳೆ ಸರ್ವೇ ಮಾಡಿ ಬೆಂಬಲ ಬೆಲೆ ನೀಡಲಾಗುತ್ತದೆ ಎಂದು ಸಚಿವರು ತಿಳಿಸಿದ್ದಾರೆ.
