ದೂರಸಂಪರ್ಕ ಇಲಾಖೆ (DoT) ಪ್ರಿಪೇಯ್ಡ್‌ ಪ್ಲಾನ್ ನಿಂದ ಪೋಸ್ಟ್‌ಪೇಯ್ಡ್ ಅಥವಾ ಪೋಸ್ಟ್‌ಪೇಯ್ಡ್‌ನಿಂದ ಪ್ರಿಪೇಯ್ಡ್‌ಗೆ ಬದಲಾಯಿಸಲು (Switching connections) ಹೊಸ ನಿಯಮವನ್ನು ಪರಿಚಯಿಸಿದೆ. ಈಗ ಜಿಯೋ, ಏರ್ಟೆಲ್, ವೋಡಾಫೋನ್ ಐಡಿಯಾ, BSNL ಸೇರಿದಂತೆ ಎಲ್ಲ ಟೆಲಿಕಾಂ ಬಳಕೆದಾರರು ತಮ್ಮ ಮೊಬೈಲ್ ಪ್ಲಾನ್‌ನ್ನು ಬದಲಾಯಿಸಲು ಕೇವಲ 30 ದಿನಗಳೇ ಕಾಯಬೇಕಾಗುತ್ತದೆ.
ಹೊಸ ನಿಯಮದ ಮುಖ್ಯ ಅಂಶಗಳು
- ಮೊದಲು, ಪ್ಲಾನ್ ಬದಲಾಯಿಸಲು 90 ದಿನಗಳ ಕೂಲಿಂಗ್ ಅವಧಿ ಇತ್ತು.
- ಈಗ, ಈ ಅವಧಿಯನ್ನು 30 ದಿನಗಳಿಗೆ ಇಳಿಸಲಾಗಿದೆ.
- ಬಳಕೆದಾರರು ಟೆಲಿಕಾಂ ಸಂಸ್ಥೆಯ ಸ್ಟೋರ್‌ಗೆ ಹೋಗಿ OTP ಆಧಾರಿತ KYC ಪ್ರಕ್ರಿಯೆ ಪೂರ್ಣಗೊಳಿಸಬೇಕು.
- ಈ ನವೀಕರಣವು DoT ತನ್ನ ಅಧಿಕೃತ ‘X’ (ಹಳೆಯ ಟ್ವಿಟ್ಟರ್) ಖಾತೆಯಲ್ಲಿ ಪ್ರಕಟಿಸಿದ್ದು, ಗ್ರಾಹಕರ ಅನುಕೂಲಕ್ಕಾಗಿ ತರಲಾಗಿದೆ.
ಈ 30 ದಿನಗಳ ನಿಯಮವು, ಪ್ರಿಪೇಯ್ಡ್‌ನಿಂದ ಪೋಸ್ಟ್‌ಪೇಯ್ಡ್ ಅಥವಾ ಪೋಸ್ಟ್‌ಪೇಯ್ಡ್‌ನಿಂದ ಪ್ರಿಪೇಯ್ಡ್‌ಗೆ ಮೊದಲ ಬಾರಿಗೆ ಬದಲಾಯಿಸುವವರಿಗೆ ಮಾತ್ರ ಅನ್ವಯಿಸುತ್ತದೆ.
ಒಮ್ಮೆ ಬದಲಾಯಿಸಿದ ನಂತರ ಮತ್ತೆ ಪ್ಲಾನ್ ಬದಲಾಯಿಸಲು ಗ್ರಾಹಕರು 90 ದಿನಗಳ ನಂತರ ಮಾತ್ರ ಅವಕಾಶ ಪಡೆಯುತ್ತಾರೆ.
ಗ್ರಾಹಕರಿಗೆ ಲಾಭವೇನು?
- ಕಳಪೆ network ಸೇವೆಯಿಂದ ಬೇಸತ್ತ ಗ್ರಾಹಕರಿಗೆ ತಕ್ಷಣವೇ ಬೇರೊಂದು ಪ್ಲಾನ್‌ಗೆ ಬದಲಾಯಿಸುವ ಅವಕಾಶ.
- ಮೊಬೈಲ್ ಸೇವೆ ಬದಲಾವಣೆ ಈಗ ಹೆಚ್ಚು ವೇಗ ಮತ್ತು ಸುಲಭ.
ದೂರಸಂಪರ್ಕ ಇಲಾಖೆಯ ಈ ಹೊಸ ನಿಯಮದಿಂದ ಗ್ರಾಹಕರು ತಮ್ಮ ಬಳಕೆಯ ಆಧಾರವಾಗಿ ಪ್ಲಾನ್‌ಗಳನ್ನು ತ್ವರಿತವಾಗಿ ಬದಲಾಯಿಸಬಹುದು. ಇದು ಗ್ರಾಹಕ ಅನುಕೂಲಕ್ಕೆ ಒಂದು ದಿಕ್ಕು ತೋರಿದ ಉತ್ತಮ ಹೆಜ್ಜೆ.
