Downton Abbey ಮತ್ತು Harry Potter ಚಲನಚಿತ್ರಗಳಲ್ಲಿನ ಪಾತ್ರಗಳಿಗಾಗಿ ಪ್ರಶಂಸೆ ಪಡೆದ Oscar ವಿಜೇತ ನಟಿ Maggie Smith, 89 ನೇ ವಯಸ್ಸಿನಲ್ಲಿ ನಿಧನರಾದರು.
ಆಕೆಯ ಪುತ್ರರಾದ ಕ್ರಿಸ್ ಲಾರ್ಕಿನ್ (Chris Larkin) ಮತ್ತು ಟೋಬಿ ಸ್ಟೀಫನ್ಸ್ (Toby Stephens), London ಆಸ್ಪತ್ರೆಯಲ್ಲಿ ಶುಕ್ರವಾರ ಮುಂಜಾನೆ ಸ್ಮಿತ್ ಶಾಂತಿಯುತವಾಗಿ ನಿಧನರಾದರು ಎಂದು ಹೇಳಿಕೆಯಲ್ಲಿ ಹಂಚಿಕೊಂಡಿದ್ದಾರೆ. “ಅವರು ಇಬ್ಬರು ಪುತ್ರರು ಮತ್ತು ಐದು ಮೊಮ್ಮಕ್ಕಳನ್ನು ಅಗಲಿದ್ದಾರೆ, ಅವರೆಲ್ಲರೂ ತಮ್ಮ ಅಸಾಧಾರಣ ತಾಯಿ ಮತ್ತು ಅಜ್ಜಿಯ ನಷ್ಟದಿಂದ ಎದೆಗುಂದಿದ್ದಾರೆ” ಎಂದು ಅವರು ಪ್ರಚಾರಕ ಕ್ಲೇರ್ ಡಾಬ್ಸ್ (Clair Dobbs) ಮೂಲಕ ಹೇಳಿದರು.
ಟಿವಿ ಮಾಧ್ಯಮದ Legend ಎನ್ನಲಾಗುವ ಮ್ಯಾಗಿ ಸ್ಮಿತ್, ಚಲನಚಿತ್ರ ಮತ್ತು ರಂಗಭೂಮಿ ಎರಡರಲ್ಲೂ ಅತ್ಯುನ್ನತ ಸಾಧನೆ ಮಾಡಿದ್ದು, ತನ್ನ ವೃತ್ತಿಜೀವನದ ಅವಧಿಯಲ್ಲಿ ಎರಡು Oscar ಗಳು, ನಾಲ್ಕು Emmy ಗಳು ಮತ್ತು Tony ಪ್ರಶಸ್ತಿಯನ್ನು ಗೆದ್ದಿದ್ದಾರೆ. 1969 ರಲ್ಲಿ ದಿ ಪ್ರೈಮ್ ಆಫ್ ಮಿಸ್ ಜೀನ್ ಬ್ರಾಡಿಯಲ್ಲಿನ (The Prime of Miss Jean Brodie) ಪಾತ್ರಕ್ಕಾಗಿ ಅವರು ಮೊದಲು ಅಂತರರಾಷ್ಟ್ರೀಯ ಮೆಚ್ಚುಗೆಯನ್ನು ಪಡೆದರು, ಇದು ಅವರಿಗೆ ಅತ್ಯುತ್ತಮ ನಟಿಗಾಗಿ Academy Award (Oscar) ಪ್ರಶಸ್ತಿಯನ್ನು ತಂದುಕೊಟ್ಟಿತು. ನಂತರ ಅವರು 1978 ರ ಚಲನಚಿತ್ರ ಕ್ಯಾಲಿಫೋರ್ನಿಯಾ ಸೂಟ್‌ನಲ್ಲಿ (California Suite) ಪೋಷಕ ಪಾತ್ರಕ್ಕಾಗಿ ಎರಡನೇ ಆಸ್ಕರ್ ಪ್ರಶಸ್ತಿಯನ್ನು ಗೆದ್ದರು.
ಕಿರಿಯ ಪ್ರೇಕ್ಷಕರಿಗೆ, ಸ್ಮಿತ್ Downton Abbey ಯಲ್ಲಿನ ತೀಕ್ಷ್ಣವಾದ ನಾಲಿಗೆಯ ಡೋವೆಜರ್ ಕೌಂಟೆಸ್ (Violet Crawley, Dowager Countess of Grantham) ಮತ್ತು Harry Potter ಸರಣಿಯಲ್ಲಿ ಪ್ರೊಫೆಸರ್ ಮೆಕ್ಗೊನಾಗಲ್ (Professor McGonagall) ಅವರ ಪಾತ್ರದಿಂದ ಅಚ್ಚುಮೆಚ್ಚಾಗಿದ್ದರು.
