Bengaluru: ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಆನ್‌ಲೈನ್ ಗೇಮಿಂಗ್ ಪ್ರಚಾರ ಮತ್ತು ನಿಯಂತ್ರಣ ಕಾಯಿದೆ-2025 (Online Gaming Act) ವಿರುದ್ಧ ಹೈಕೋರ್ಟಿನಲ್ಲಿ ಅರ್ಜಿ ಸಲ್ಲಿಸಲಾಗಿದೆ. ಈ ಅರ್ಜಿಯ ವಿಚಾರಣೆ ಆಗಸ್ಟ್ 30ರಂದು ನಡೆಯಲಿದೆ.
ಎ23 ರಮ್ಮಿ ಎಂಬ ಆನ್‌ಲೈನ್ ಗೇಮ್ (Online Gaming) ನಡೆಸುವ ಹೆಡ್ ಡಿಜಿಟಲ್ ವರ್ಕ್ಸ್ ಪ್ರೈವೇಟ್ ಲಿಮಿಟೆಡ್ ಕಂಪನಿ ಅರ್ಜಿ ಸಲ್ಲಿಸಿದೆ.
ಕಾಯಿದೆಯ ಮುಖ್ಯ ಅಂಶಗಳು
- ಹಣವನ್ನು ಪಣಕ್ಕಿಟ್ಟು ಆಡುವ ಆನ್‌ಲೈನ್ ಜೂಜಾಟಗಳಿಗೆ ನಿಷೇಧ.
- ಕೌಶಲ್ಯ ಆಧಾರಿತ ಆನ್‌ಲೈನ್ ಕ್ರೀಡೆಗಳನ್ನು ಜೂಜಿನಿಂದ ಪ್ರತ್ಯೇಕ ಗುರುತು.
- ಗ್ರಾಹಕರಿಗೆ ರಕ್ಷಣಾ ವ್ಯವಸ್ಥೆ.
- ನಿಯಂತ್ರಣಕ್ಕಾಗಿ ರಾಷ್ಟ್ರೀಯ ಇ-ಪ್ರಾಧಿಕಾರ ರಚನೆ.
- ಕಂಪನಿಗಳ ನೋಂದಣಿ, ಸುರಕ್ಷತೆ, ದೂರುಗಳ ವಿಚಾರಣೆ.
- ವಾರೆಂಟ್ ಇಲ್ಲದೇ ತನಿಖಾಧಿಕಾರಿಗಳಿಗೆ ಬಂಧನ ಹಾಗೂ ಆಸ್ತಿ ವಶಪಡಿಸಿಕೊಳ್ಳುವ ಅಧಿಕಾರ.
ಶಿಕ್ಷೆ ಮತ್ತು ದಂಡ
- ಕಾನೂನು ಉಲ್ಲಂಘಿಸಿದರೆ 3 ವರ್ಷ ಜೈಲು ಅಥವಾ 1 ಕೋಟಿ ರೂ. ದಂಡ ಅಥವಾ ಎರಡೂ.
- ಗೇಮಿಂಗ್ ಪ್ರಚಾರ ಮಾಡಿದರೆ 2 ವರ್ಷ ಜೈಲು ಅಥವಾ 50 ಲಕ್ಷ ರೂ. ದಂಡ ಅಥವಾ ಎರಡೂ.
ಈ ಮಸೂದೆಗೆ ಲೋಕಸಭೆ ಮತ್ತು ರಾಜ್ಯಸಭೆ ಒಪ್ಪಿಗೆ ನೀಡಿ, ರಾಷ್ಟ್ರಪತಿ ಆಗಸ್ಟ್ 22ರಂದು ಅನುಮತಿ ನೀಡಿದ್ದಾರೆ. ಈಗ ಇದು ಕಾನೂನಾಗಿ ಜಾರಿಗೆ ಬಂದಿದೆ. ಅದನ್ನು ಪ್ರಶ್ನಿಸಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಕೆಯಾಗಿದೆ.
