Barabanki (Uttar Pradesh): ದೇಶಾದ್ಯಾಂತ ಅನುವಾದಗೊಂಡಿರುವ ಪ್ರಸಿದ್ಧ ಹಿಂದೂ ಮಹಾಕಾವ್ಯ ‘ರಾಮಾಯಣ’, (Ramayana) ಈಗ ಉರ್ದು ಭಾಷೆಯಲ್ಲಿಯೂ ಲಭ್ಯವಾಗಿದೆ. ಉತ್ತರ ಪ್ರದೇಶದ ಬಾರಾಬಂಕಿಯ ವಿನಯ್ ಬಾಬು ಅವರು 14 ವರ್ಷಗಳ ಪರಿಶ್ರಮದಿಂದ ಈ ಧರ್ಮಗ್ರಂಥವನ್ನು ಉರ್ದುಗೆ ಅನುವಾದಿಸಿದ್ದಾರೆ.
ವಿನಯ್ ಬಾಬು ಅವರ ಈ ಅನುವಾದ ಕೃತಿಗೆ ‘ವಿನಯ್ ರಾಮಾಯಣ’ ಎಂಬ ಹೆಸರಿಡಲಾಗಿದೆ. ಈ ಕೃತಿ 500 ಪುಟಗಳು, 24 ವಿಭಾಗಗಳು ಮತ್ತು 7,000 ದ್ವಿಪದಿಗಳೊಂದಿಗೆ ಇದೆ. ವಿಶೇಷವಾಗಿ, ಈ ಗ್ರಂಥವು ಪದ್ಯಗಳ ಬದಲಿಗೆ ಕಾವ್ಯಾತ್ಮಕವಾಗಿ ರಚಿಸಲಾಗಿದೆ.
ವಿನಯ್ ಬಾಬು ಅವರಿಗೆ 8ನೇ ತರಗತಿಗೆ ಮಾತ್ರ ವಿದ್ಯಾಭ್ಯಾಸ ಇದ್ದರೂ, ಕಾವ್ಯರಚನೆಗೆ ಗಹನ ಆಸಕ್ತಿ ಇತ್ತು. ಅವರು ಗುರುಗಳಿಂದ ಕಾವ್ಯ ರಚನೆಗೆ ಪಾಂಡಿತ್ಯವನ್ನು ಅಳವಡಿಸಿಕೊಂಡು, ಉರ್ದು ಭಾಷೆಯ ಮೇಲೂ ಕೈಪಿಡಿ ಪಡೆದರು. ಉರ್ದು ಭಾಷೆಯಲ್ಲಿ ಧರ್ಮಗ್ರಂಥವೊಂದು ಇಲ್ಲದಿದ್ದರಿಂದ, ಅವರು ರಾಮಾಯಣವನ್ನು ಇತ್ತೀಚೆಗೆ ಉರ್ದು ಭಾಷೆಗೆ ಅನುವಾದಿಸಲು ನಿರ್ಧರಿಸಿದರು.
ವಿನಯ್ ಬಾಬು ಅವರು ರಾಮಾಯಣವನ್ನು ಉರ್ದು ಭಾಷೆಗೆ ಅನುವಾದಿಸಲು ಪ್ರಾರಂಭಿಸಿದಾಗ ಅನೇಕ ಕಷ್ಟಗಳನ್ನು ಎದುರಿಸಬೇಕಾಯಿತು. ಈ ಪ್ರಯತ್ನಕ್ಕೆ ಅವರು 14 ವರ್ಷಗಳನ್ನು ಹಚ್ಚಿದ್ದಾರೆ. ಈ ಅವಧಿಯಲ್ಲಿ, ಅವರು ರಾಮಾಯಣವನ್ನು ಉರ್ದು ಭಾಷೆಯಲ್ಲಿ “ವಿನಯ್ ರಾಮಾಯಣ” ಎಂಬ ಹೆಸರಿನಲ್ಲಿ ಅನುವಾದಿಸಿ ಮುಗಿಸಿದ್ದಾರೆ. ಇದು ರಾಮಾಯಣದ ನಿಖರ ಅನುವಾದವಲ್ಲ, ಆದರೆ ಅದರ ಸಾರವನ್ನು ಸಮರ್ಥವಾಗಿ ವಿವರಿಸುತ್ತದೆ ಎಂದು ಅವರು ಹೇಳಿದ್ದಾರೆ.
ವಿನಯ್ ಅವರು ರಾಮಾಯಣವನ್ನು ಬರೆಯುವಾಗ, ಅಯೋಧ್ಯೆ, ಪ್ರಯಾಗ್ರಾಜ್ ಹೀಗೆ ಹಲವು ಐತಿಹ್ಯ ಸ್ಥಳಗಳಿಗೆ ಭೇಟಿ ನೀಡಿದ್ದರು. ಹಿಮಾಲಯಕ್ಕೂ ತೆರಳಿ, ಉರ್ದು ಗ್ರಂಥವನ್ನು ಮುದ್ರಣಗೊಂಡಿದ್ದು, ಆ ಗ್ರಂಥವನ್ನು ರಾಜ್ಯಪಾಲರಿಂದ ಬಿಡುಗಡೆ ಮಾಡುವ ಉದ್ದೇಶ ಹೊಂದಿದ್ದಾರೆ.
‘ರಾಮಾಯಣ’ ಅನುವಾದಿಸದ ಬಳಿಕ, ತಮ್ಮ ಮುಂದಿನ ಗುರಿಯಾಗಿ ಮಹಾಭಾರತವನ್ನು ಉರ್ದು ಭಾಷೆಗೆ ಅನುವಾದಿಸಲು ನಿರ್ಧರಿಸಿದ್ದಾರೆ. ಈಗಾಗಲೇ ಕೆಲ ಭಾಗಗಳನ್ನು ಬರೆದಿದ್ದಾರೆ ಮತ್ತು ಅವುಗಳನ್ನು ದ್ವಿಪದಗಳಲ್ಲಿ ರಚಿಸುತ್ತಿದ್ದಾರೆ.
