Mumbai: ಬೆಂಗಳೂರು ನಗರದ ಇಬ್ಬರು ಮಕ್ಕಳಲ್ಲಿ ಹೆಚ್ಎಂಪಿವಿ (HMPV) ವೈರಸ್ ಪತ್ತೆಯಾದುದರಿಂದ ಷೇರು ಮಾರುಕಟ್ಟೆಯಲ್ಲಿ ತಲ್ಲಣದ ವಾತಾವರಣ ಸೃಷ್ಟಿಯಾಗಿದ್ದು, ಸೆನ್ಸೆಕ್ಸ್ 1,100 ಅಂಕಗಳಷ್ಟು ಕುಸಿದಿದೆ. ನಿಫ್ಟಿಯೂ ಶೇ.1 ರಷ್ಟು ಇಳಿಕೆಯಾಗಿರುವುದಾಗಿ ವರದಿಯಾಗಿದೆ.
ಮಧ್ಯಾಹ್ನ 12:30 ರ ವೇಳೆಗೆ ಸೆನ್ಸೆಕ್ಸ್ 78,065 ಅಂಕಗಳವರೆಗೆ ಕುಸಿದು, ನಿಫ್ಟಿ 23,600 ಅಂಕಗಳಿಗೆ ಇಳಿಕೆಯಾಯಿತು. ಲೋಹಗಳು, ಸರ್ಕಾರಿ ಬ್ಯಾಂಕ್ಗಳು, ರಿಯಲ್ ಎಸ್ಟೇಟ್, ತೈಲ ಮತ್ತು ಅನಿಲ, ಹಣಕಾಸು ಸಂಸ್ಥೆಗಳ ಷೇರುಗಳು ಬಹುಮಟ್ಟಿಗೆ ಕುಸಿತ ಕಂಡವು.
ಯಾವೆಲ್ಲ ಷೇರುಗಳು ಕುಸಿದವು
- ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ ಶೇ.7 ರಷ್ಟು ಕುಸಿದಿದೆ.
- ಬ್ಯಾಂಕ್ ಆಫ್ ಬರೋಡಾ, HPCL, BPCL, ಟಾಟಾ ಸ್ಟೀಲ್, ಅದಾನಿ ಎನರ್ಜಿ ಸೊಲ್ಯೂಷನ್ಸ್ ಮತ್ತು PNB ಶೇ.4-5 ರಷ್ಟು ಕುಸಿದಿವೆ.
- HDFC ಬ್ಯಾಂಕ್, ರಿಲಯನ್ಸ್ ಇಂಡಸ್ಟ್ರೀಸ್ ಮತ್ತು ಕೋಟಕ್ ಮಹೀಂದ್ರಾ ಬ್ಯಾಂಕ್ ಮುಖ್ಯ ಷೇರುಗಳು, ಸೆನ್ಸೆಕ್ಸ್ ಕುಸಿತಕ್ಕೆ ಮುಖ್ಯ ಕಾರಣವಾಗಿವೆ.
HMPV ವೈರಸ್ ಎರಡು ಮಕ್ಕಳಲ್ಲಿ ತಪಾಸಣೆಗೊಂಡಿದ್ದು, ಇದು ಚೀನಾದಲ್ಲಿ ಮ್ಯುಟೇಟ್ ಆಗಿರುವ ವೈರಸ್ ಅಲ್ಲ ಎಂದು ಭಾರತೀಯ ಆರೋಗ್ಯ ಇಲಾಖೆ ತಿಳಿಸಿದೆ. ಆದರೂ, ಈ ವಿಚಾರವು ಷೇರು ಮಾರುಕಟ್ಟೆಗೆ ಗಂಭೀರ ಪರಿಣಾಮವನ್ನು ಬೀರಿದೆ.
