ಹೋಂಡಾ ಸ್ಕೂಟರ್ (Honda E-Scooter) ಮತ್ತು ಮೋಟಾರ್‌ಸೈಕಲ್ ಇಂಡಿಯಾ, ದೇಶದ ಅತ್ಯುತ್ತಮ ಸ್ಕೂಟರ್ ತಯಾರಕ ಕಂಪನಿಯಾಗಿ ಗುರುತಿಸಲ್ಪಟ್ಟಿದೆ. 2024 ರ ನವೆಂಬರಿನಲ್ಲಿ, ಹೋಂಡಾ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಗಳಾದ ಆಕ್ಟಿವಾ ಇ ಮತ್ತು ಕ್ಯೂಸಿ1 ಅನ್ನು ಅನಾವರಣಗೊಳಿಸಿತು. ಜನವರಿ 1 ರಿಂದ ಇದರ ಬುಕ್ಕಿಂಗ್ ಪ್ರಾರಂಭವಾಗಿದ್ದು, ಗ್ರಾಹಕರು ರೂ. 1,000 ಮುಂಗಡ ಮೊತ್ತ ಪಾವತಿಸಿ ಇವುಗಳನ್ನು ಬುಕ್ ಮಾಡಬಹುದು.
ಹೋಂಡಾ ಆಕ್ಟಿವಾ ಇ (Honda Activa e) ವಿಶೇಷತೆಗಳು
ಹೋಂಡಾ ಆಕ್ಟಿವಾ ಇ ಸ್ಕೂಟರ್ ಆಕರ್ಷಕ ಬೆಲೆಗೆ ಮಾರಾಟಕ್ಕಾಗಿದ್ದು, ರೂ. 1.20 ಲಕ್ಷದಿಂದ ರೂ. 1.30 ಲಕ್ಷ (ಎಕ್ಸ್ ಶೋರೂಂ) ನಡುವಿನ ಬೆಲೆಯಲ್ಲಿ ದೊರಕಬಹುದು. ಈ ಸ್ಕೂಟರ್ 1.5 ಕಿಲೋ ವಾಟ್ಟ್ ಸಾಮರ್ಥ್ಯದ 2 ಬ್ಯಾಟರಿ ಪ್ಯಾಕ್ ಗಳೊಂದಿಗೆ ಬರುತ್ತದೆ ಮತ್ತು ಸಿಂಗಲ್ ಚಾರ್ಜ್‌ನೊಂದಿಗೆ 102 ಕಿಲೋಮೀಟರ್ ಓಡಬಹುದು. ವಿನ್ಯಾಸದಲ್ಲಿ ನವೀನತೆ, ಎಲ್‌ಇಡಿ ಹೆಡ್‌ಲೈಟ್ ಮತ್ತು ಡಿಆರ್‌ಎಲ್‌ಗಳನ್ನು ಒಳಗೊಂಡಿದೆ.
ಹೋಂಡಾ ಕ್ಯೂಸಿ1 (Honda QC1) ವಿಶೇಷತೆಗಳು
ಹೋಂಡಾ ಕ್ಯೂಸಿ1 ಸ್ಕೂಟರ್ ಬಜೆಟ್ ಬೆಲೆಗೆ ಲಭ್ಯವಾಗಲಿದೆ, ರೂ. 1 ಲಕ್ಷ (ಎಕ್ಸ್ ಶೋರೂಂ) ದರದಲ್ಲಿ. ಇದು 1.5 ಕಿಲೋವ್ಯಾಟ್ ಬ್ಯಾಟರಿ ಪ್ಯಾಕ್ನೊಂದಿಗೆ 80 ಕಿಲೋಮೀಟರ್ ಓಡುತ್ತದೆ. 1.8 ಕೆಡಬ್ಲ್ಯೂ ಪೀಕ್ ಪವರ್ ಹಾಗೂ 77 ಎನ್ಎಂ ಟಾರ್ಕ್ ಉತ್ಪಾದಿಸುವ ಎಲೆಕ್ಟ್ರಿಕ್ ಮೋಟಾರ್ ಹೊಂದಿದೆ. ಹೆಚ್ಚಿನ ವೈಶಿಷ್ಟ್ಯಗಳನ್ನು ಒಳಗೊಂಡಿರುವ ಈ ಸ್ಕೂಟರ್ ಹತ್ತಾರು ಆಕರ್ಷಕ ಡಿಸೈನ್‌ಗಳೊಂದಿಗೆ ಬರುತ್ತದೆ.
