Bengaluru: ಸಂವಿಧಾನ ಮತ್ತು ಸಾರ್ವಜನಿಕರ ಹಿತಾಸಕ್ತಿಗೆ ವಿರುದ್ಧವಾಗಿ ಕೆಲಸ ಮಾಡುವ ಶಕ್ತಿಗಳನ್ನು ಖಂಡಿತವಾಗಿ ನಿಯಂತ್ರಿಸಬೇಕು. ಇಲ್ಲದಿದ್ದರೆ ನಾನೇ ನಿಮ್ಮ ವಿರುದ್ಧ ಕ್ರಮ ಕೈಗೊಳ್ಳುತ್ತೇನೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ (CM Siddaramaiah) ಅವರು ಜಿಲ್ಲಾಧಿಕಾರಿಗಳು ಹಾಗೂ ಜಿಲ್ಲಾ ಸಿಇಒಗಳಿಗೆ ಎಚ್ಚರಿಕೆ ನೀಡಿದರು.
ವಿಧಾನಸೌಧದಲ್ಲಿ ನಡೆದ ಅಧಿಕಾರಿಗಳ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಮಾತನಾಡಿದ ಅವರು, “ದೌರ್ಜನ್ಯಪೂರ್ಣ ಮತ್ತು ಜನವಿರೋಧಿ ಶಕ್ತಿಗಳು ಕೆಲವು ಕಡೆ ತಲೆ ಎತ್ತುತ್ತಿವೆ. ಅವರು ಎಷ್ಟೇ ಪ್ರಭಾವಶಾಲಿಯಾಗಿರಲಿ, ಕಾನೂನು ಬಗ್ಗೆಯಾದರೆ ಅವರ ಮೇಲೆ ಕ್ರಮ ಅಗತ್ಯ. ನೀವು ಕ್ರಮ ತೆಗೆದುಕೊಳ್ಳದಿದ್ದರೆ, ನಿಮ್ಮ ಮೇಲೆಯೇ ನಾವು ಕ್ರಮ ಕೈಗೊಳ್ಳುತ್ತೇವೆ” ಎಂದರು.
ರಾಜ್ಯದ ಶಾಂತಿ ಹದಗೆಟ್ಟರೆ ಅಭಿವೃದ್ಧಿ ಸಾಧ್ಯವಿಲ್ಲ. ಈ ಕುರಿತು ಅಧಿಕಾರಿಗಳು ಜವಾಬ್ದಾರಿಯಿಂದ ನಡೆದುಕೊಳ್ಳಬೇಕು. ಜಿಲ್ಲಾಧಿಕಾರಿಗಳು, ಸಿಇಒಗಳು, ರಕ್ಷಣಾಧಿಕಾರಿಗಳು ಶಾಂತಿ ಕಾಪಾಡಲು ಮುಂಜಾಗ್ರತಾ ಕ್ರಮ ಕೈಗೊಳ್ಳಬೇಕು. ಶಾಂತಿಭಂಗವಾದ ನಂತರ ಕ್ರಮವಿಲ್ಲದೇ ನಿಂತರೆ ಪ್ರಯೋಜನವಿಲ್ಲ ಎಂದರು.
ಈ ವರ್ಷ 700 ಬಾಲ್ಯವಿವಾಹಗಳು ನಡೆದಿದ್ದು, ಕೆಲವೆಡೆ FIR ಕೂಡ ದಾಖಲಾಗಿಲ್ಲ. “ಇದು ನಿಮಗೆ ಗೊತ್ತಾಗದಿದ್ದರೆ, ನಿಮ್ಮ ಮೇಲಿನ ನಿಗಾ ಕೊರತೆಯೇ ಸ್ಪಷ್ಟ. ನಿಮ್ಮ ಕೆಳದರ್ಜೆ ಸಿಬ್ಬಂದಿ ವರದಿ ನೀಡದಿದ್ದರೆ, ನಿಮಗೆ ಅವರ ಮೇಲೆ ನಿಯಂತ್ರಣವಿಲ್ಲ ಎಂಬುದನ್ನು ಸೂಚಿಸುತ್ತದೆ” ಎಂದು ಸಿಎಂ ತರಾಟೆಗೆ ತೆಗೆದುಕೊಂಡರು.
ಹಿಂದಿನ ಸಭೆಗಳಲ್ಲಿ ನೀಡಿದ ಸೂಚನೆಗಳಿಗೆ ಕೆಲ ಇಲಾಖೆಗಳು ಶೇ.100 ರಷ್ಟು ಪಾಲನೆ ಮಾಡಿಲ್ಲ. ಇದನ್ನು ಸುಲಭವಾಗಿ ಮನ್ನಿಸಲ್ಲ. “ಜನರ ತೆರಿಗೆ ಹಣದಲ್ಲಿ ಆಡಳಿತ ನಡೆಯುತ್ತಿದೆ. ಅಧಿಕಾರಿಗಳಾಗಿ ನೀವು ಜನಪರ ಧೋರಣೆಯಿಂದ ಕೆಲಸ ಮಾಡಬೇಕು. ಇಲ್ಲವಾದರೆ ನಾನು ನಿರ್ದಾಕ್ಷಿಣ್ಯ ಕ್ರಮ ತೆಗೆದುಕೊಳ್ಳುತ್ತೇನೆ” ಎಂದು ಖಡಕ್ ಸಂದೇಶ ನೀಡಿದರು.
ಅಧಿಕಾರಿಗಳು ತಮ್ಮ ಅಹಂಕಾರವನ್ನು ಬದಿಗೊತ್ತಿ, ಸಮನ್ವಯದೊಂದಿಗೆ ಕೆಲಸ ಮಾಡಿದರೆ ಮಾತ್ರ ಸಮಗ್ರ ಅಭಿವೃದ್ಧಿ ಸಾಧ್ಯ. ಇಲ್ಲವಾದರೆ ದುಷ್ಟ ಶಕ್ತಿಗಳು ಹೊಡೆಯಲು ಮಾತ್ರವಲ್ಲ, ಜನಪ್ರತಿನಿಧಿಗಳಿಗೂ ತೀವ್ರ ಟೀಕೆ ಎದುರಾಗುತ್ತದೆ ಎಂಬುದು ಸಿದ್ದರಾಮಯ್ಯ ಅವರ ಎಚ್ಚರಿಕೆ.
