ಬ್ಲ್ಯಾಕ್ ಬಾಕ್ಸ್ (black box) ಅಂದರೆ ವಿಮಾನದಲ್ಲಿ ಆಗುವ ಮುಖ್ಯ ಘಟನೆಗಳನ್ನೂ, ಮಾಹಿತಿಯನ್ನೂ ರೆಕಾರ್ಡ್ ಮಾಡುವ ಒಂದು ಸಾಧನ. ಇದನ್ನು ನಿಜವಾಗಿ ಫ್ಲೈಟ್ ರೆಕಾರ್ಡರ್ (Flight Recorder) ಎನ್ನಲಾಗುತ್ತದೆ. ಇದು ಬ್ಲ್ಯಾಕ್ ಬಣ್ಣದಲ್ಲಿರೋದಿಲ್ಲ – ಸ್ಪಷ್ಟವಾಗಿ ಗೋಚರವಾಗುವಂತೆ ಕಿತ್ತಳೆ ಬಣ್ಣದಲ್ಲಿರುತ್ತದೆ.
ಎಲ್ಲಾ ವಿಮಾನಗಳಲ್ಲಿ ಇದಿರಲೇಬೇಕೆ?: ಹೌದು. ಪ್ರತಿಯೊಂದು ದೊಡ್ಡ ವಿಮಾನದಲ್ಲೂ ಬ್ಲ್ಯಾಕ್ ಬಾಕ್ಸ್ ಇರಲೇಬೇಕು. ಏಕೆಂದರೆ, ಯಾವುದೇ ಅಪಘಾತ ನಡೆದರೆ ಅದರ ಕಾರಣವನ್ನು ಪತ್ತೆಹಚ್ಚಲು ಇದು ಸಹಾಯ ಮಾಡುತ್ತದೆ. ಭವಿಷ್ಯದ ವಿಮಾನ ಹಾರಾಟಗಳನ್ನು ಇನ್ನೂ ಸುರಕ್ಷಿತವಾಗಿಸಲು ಸಹ ಈ ಸಾಧನ ಉಪಯೋಗವಾಗುತ್ತದೆ.
ಬ್ಲ್ಯಾಕ್ ಬಾಕ್ಸ್‌ನ ಎರಡು ಮುಖ್ಯ ಭಾಗಗಳು
- ಫ್ಲೈಟ್ ಡೇಟಾ ರೆಕಾರ್ಡರ್ (FDR)
- ಇದು ವಿಮಾನದ ವೇಗ, ಎತ್ತರ, ದಿಕ್ಕು, ಪೈಲಟ್ ನ ನಿಯಂತ್ರಣಗಳ ಮಾಹಿತಿಯನ್ನು ಕಲೆಹಾಕುತ್ತದೆ.
- ಹೊಸ ವಿಮಾನಗಳಲ್ಲಿ ಇದು ನೂರಾರು ಅಂಶಗಳನ್ನು ದಾಖಲಿಸಬಹುದು.
- 6000 ಮೀಟರ್ ಜಲಮಟ್ಟಕ್ಕೂsignals ಕಳುಹಿಸಬಲ್ಲದು.
- ಕಾಕ್ಪಿಟ್ ವಾಯ್ಸ್ ರೆಕಾರ್ಡರ್ (CVR)
- ಪೈಲಟ್ ಗಳು cockpit ನಲ್ಲಿ ಮಾತನಾಡಿದ ಮಾತುಗಳು, ಎಂಜಿನ್ ಶಬ್ದ, ಎಚ್ಚರಿಕೆಗಳು ಇತ್ಯಾದಿಗಳನ್ನು ರೆಕಾರ್ಡ್ ಮಾಡುತ್ತದೆ.
ಇವುಗಳಿಂದ ಅಪಘಾತದ ಹೊತ್ತಿನಲ್ಲಿ ಏನಾಗಿತ್ತೇನೋ ತಿಳಿಯಬಹುದು.
- ಬ್ಲ್ಯಾಕ್ ಬಾಕ್ಸ್ ಹುಟ್ಟುಹೆಸರು ಮತ್ತು ಇತಿಹಾಸ
- 1930ರಲ್ಲಿ ಫ್ರೆಂಚ್ ಎಂಜಿನಿಯರ್ ಫ್ರಾಂಕ್ವಾ ಹುಸ್ಸೆನೋಟ್ ಹಾರಾಟದ ಮಾಹಿತಿಯನ್ನು ಫಿಲ್ಮ್‌ನಲ್ಲಿ ದಾಖಲಿಸುವ ಸಾಧನವನ್ನು ರೂಪಿಸಿದರು.
- 1950ರ ದಶಕದಲ್ಲಿ ಆಸ್ಟ್ರೇಲಿಯಾದ ಡಾ. ಡೇವಿಡ್ ವಾರೆನ್ ವಿಮಾನದ ಶಬ್ದಗಳು ಹಾಗೂ ಡೇಟಾ ಉಳಿಸಬಹುದಾದ ಸಾಧನ ರೂಪಿಸಿದರು.
- ಇಂದಿಗೆ ಎಲ್ಲಾ ವಿಮಾನಗಳಲ್ಲಿ ಇದನ್ನು ಕಡ್ಡಾಯವಾಗಿ ಬಳಸಲಾಗುತ್ತಿದೆ.
- ಅಪಘಾತದ ನಂತರ ಬ್ಲ್ಯಾಕ್ ಬಾಕ್ಸ್ ಹುಡುಕುವುದೇಕೆ?
- ವಿಮಾನ ಅಪಘಾತವಾದ ಮೇಲೆ ಎಲ್ಲರಿಗೂ ಮೊದಲನೇ ಕಾಳಜಿ ಬ್ಲ್ಯಾಕ್ ಬಾಕ್ಸ್ ಹುಡುಕುವುದು.
- ಅದರ ಒಳಗಿನ ಡೇಟಾ ಮತ್ತು ಶಬ್ದಗಳು ಇಡೀ ಅಪಘಾತದ ಹಿನ್ನಲೆಯಲ್ಲಿ ಏನು ನಡೆದಿತ್ತು ಎಂಬುದನ್ನು ಹೇಳುತ್ತವೆ.
- ಪೈಲಟ್ ತಪ್ಪು, ತಾಂತ್ರಿಕ ದೋಷ, ಹಕ್ಕಿ ಡಿಕ್ಕಿ, ಎಂಜಿನ್ ದೋಷ – ಎಲ್ಲವನ್ನೂ ಅದು ಬಹಿರಂಗಪಡಿಸಬಹುದು.
- ಅದರ ಪರಿಶೀಲನೆ ಯಾರು ಮಾಡುತ್ತಾರೆ?
- ಅಪಘಾತದ ನಂತರ ಬ್ಲ್ಯಾಕ್ ಬಾಕ್ಸ್ ಅನ್ನು DGCA ಅಥವಾ AAIB ತನಿಖಾ ಸಂಸ್ಥೆಗಳಿಗೆ ಕಳುಹಿಸಲಾಗುತ್ತದೆ.
- ಅಲ್ಲಿ ತಜ್ಞರು ಅದರಲ್ಲಿ ದಾಖಲಾದ ಡೇಟಾವನ್ನು ಡಿಕೋಡ್ ಮಾಡುತ್ತಾರೆ ಮತ್ತು ವಿಮಾನದ ಕೊನೆಯ ಕ್ಷಣಗಳ ವಿವರಗಳನ್ನು ತಿಳಿಯುತ್ತಾರೆ.
- ಈ ತನಿಖೆಗೆ ಕೆಲ ದಿನಗಳಿಂದ ವರೆಗೆ ವಾರಗಳವರೆಗೆ ಸಮಯ ಹಿಡಿಯಬಹುದು.
ಬ್ಲ್ಯಾಕ್ ಬಾಕ್ಸ್ ಇಲ್ಲದಿದ್ದರೆ ಅಪಘಾತದ ನಿಜ ಕಾರಣಗಳು ಗೊತ್ತಾಗಲು ಸಾಧ್ಯವಿಲ್ಲ. ಇದು ನಾನಾ ಮಾಹಿತಿ ಕೊಡುವ ಮೂಲಕ ತನಿಖೆಗೆ ದಿಕ್ಕು ತೋರಿಸುತ್ತದೆ ಮತ್ತು ಭವಿಷ್ಯದ ವಿಮಾನಗಳ ಸುರಕ್ಷತೆಗೆ ಮಾರ್ಗದರ್ಶಿಯಾಗಿ ಕಾರ್ಯನಿರ್ವಹಿಸುತ್ತದೆ.
ಬ್ಲ್ಯಾಕ್ ಬಾಕ್ಸ್ ಹುಡುಕುವುದು ವಿಮಾನ ಅಪಘಾತದ ನಂತರದ ಮೊದಲ ಹಂತ! ಇದರಿಂದಾಗಿ ಎಲ್ಲರ ಜೀವ ರಕ್ಷಣೆಗೂ, ಭವಿಷ್ಯದ ವಿಮಾನ ಹಾರಾಟಕ್ಕೂ ಈ ಸಾಧನ ಅತ್ಯಂತ ಅಗತ್ಯ.
