ಚಿಪ್ ಡಿಸೈನ್ ಮತ್ತು ಫ್ಯಾಬ್ರಿಕೇಶನ್ (Chip Design And Fabrication) ತಂತ್ರಜ್ಞಾನ ಕ್ಷೇತ್ರದಲ್ಲಿ ಭಾರತೀಯರು ಮಹತ್ವದ ಸಾಧನೆ ಮಾಡಿದ್ದಾರೆ. 2018 ರಿಂದ 2023ರವರೆಗಿನ ಅವಧಿಯಲ್ಲಿ ಈ ಕ್ಷೇತ್ರದಲ್ಲಿ 39,709 ಸಂಶೋಧನಾ ಪ್ರಬಂಧಗಳನ್ನು (Research Papers) ಭಾರತೀಯರು ಸಲ್ಲಿಸಿದ್ದು, ಜಾಗತಿಕವಾಗಿ ಶೇ. 8.4ರಷ್ಟು ಪಾಲು ಭಾರತದದೇ. ಚೀನಾ ಮತ್ತು ಅಮೆರಿಕ ನಂತರ ಮೂರನೇ ಸ್ಥಾನದಲ್ಲಿ ಭಾರತಿದೆ.
ಜಾಗತಿಕ ಹೋಲಿಕೆ
- 2018-2023 ಅವಧಿಯಲ್ಲಿ
- ಚೀನಾ – 1,60,852 ಸಂಶೋಧನಾ ಪ್ರಬಂಧ
- ಅಮೆರಿಕಾ – ಎರಡನೇ ಸ್ಥಾನ
- ಭಾರತ – ಮೂರನೇ ಸ್ಥಾನ
ಜಪಾನ್, ದಕ್ಷಿಣ ಕೊರಿಯಾ ಮತ್ತು ಜರ್ಮನಿಯ ಸಂಶೋಧಕರಿಗಿಂತಲೂ ಹೆಚ್ಚು ಪೇಪರ್ಗಳನ್ನು ಭಾರತೀಯರು ಮಂಡಿಸಿದ್ದಾರೆ, ಇದು ಗಮನಾರ್ಹ ಸಾಧನೆ.
ಭಾರತೀಯ ಸಂಶೋಧನೆಗೆ ಸರ್ಕಾರದ ಬೆಂಬಲ
- ಕೇಂದ್ರ ಸರ್ಕಾರ ಸೆಮಿಕಂಡಕ್ಟರ್ ಸಂಶೋಧನೆಗೆ ₹2,000 ಕೋಟಿ ಹೂಡಿಕೆ ಮಾಡಿದೆ.
- ತಂತ್ರಜ್ಞಾನ ಅಭಿವೃದ್ಧಿಗೆ ಹೆಚ್ಚಿನ ಪ್ರೋತ್ಸಾಹ ನೀಡಲಾಗುತ್ತಿದೆ.
ಸವಾಲುಗಳು ಮತ್ತು ಮುಂದಿನ ದಾರಿ
- ಸಂಶೋಧನಾ ಪ್ರಬಂಧಗಳ ಉಲ್ಲೇಖ (citation) ಪ್ರಮಾಣ ಕಡಿಮೆ.
- ಅಧಿಕ ಪರವಾನಿಗೆ ವೆಚ್ಚದಿಂದ ಪ್ರಭಾವಿ ಡಿಸೈನ್ ಸಾಫ್ಟ್ವೇರ್ಗಳನ್ನು ಪಡೆಯುವುದು ಕಷ್ಟ.
- ಪ್ರಾಡಕ್ಟ್ ಲೆವೆಲ್ ಡಿಸೈನ್ ಸಾಮರ್ಥ್ಯ ಹೆಚ್ಚಿಸಬೇಕಾದ ಅಗತ್ಯ.
- 2027-28ರ ವೇಳೆಗೆ 80 ಲಕ್ಷ ಶಿಕ್ಷಿತ ಸೆಮಿಕಂಡಕ್ಟರ್ ಉದ್ಯೋಗಿಗಳ ಕೊರತೆ ಉಂಟಾಗಬಹುದು.
ಜಾಗತಿಕವಾಗಿ ಸೆಮಿಕಂಡಕ್ಟರ್ ಉದ್ಯೋಗಿಗಳಲ್ಲಿ ಶೇ. 19ರಷ್ಟು ಮಂದಿ ಭಾರತೀಯರು. ಉತ್ತಮ ಸಮರ್ಥಶಾಲಿ ತಂತ್ರಜ್ಞಾನ ಪರಿಣಿತರು ಭಾರತದಲ್ಲಿ ಸಾಕಷ್ಟಿದ್ದರೂ, ಸಂಶೋಧನೆ ಮತ್ತು ಉದ್ಯೋಗ ಸುಧಾರಣೆಗೆ ಇನ್ನಷ್ಟು ಒತ್ತು ನೀಡಬೇಕಿದೆ.
