Search
WhatsApp alerts

Home › Business

Turmeric Export ನಲ್ಲಿ ಭಾರತ ಗುರಿ: 2030ರೊಳಗೆ $1 ಬಿಲಿಯನ್ ಮೌಲ್ಯದ ರಫ್ತು ಯೋಜನೆ

administrator · Published

Amit Shah

Nizamabad (Telangana): 2030ರ ವೇಳೆಗೆ $1 ಬಿಲಿಯನ್ ಮೌಲ್ಯದ ಅರಿಶಿಣವನ್ನು ರಫ್ತು (turmeric export) ಮಾಡುವ ಗುರಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ ಎಂದು ಗೃಹ ಮತ್ತು ಸಹಕಾರ ಸಚಿವ ಅಮಿತ್ ಶಾ ತಿಳಿಸಿದ್ದಾರೆ.

“2023ರ ತೆಲಂಗಾಣ ಚುನಾವಣೆಯ ವೇಳೆ ಪ್ರಧಾನಿ ನರೇಂದ್ರ ಮೋದಿ ಅವರು ಅರಿಶಿಣ ಮಂಡಳಿ ಸ್ಥಾಪನೆಯ ಘೋಷಣೆ ನೀಡಿದ್ದರು. ಇದೀಗ ಅರಿಶಿಣ ಮಂಡಳಿ ರಚನೆಯಾಗಿದೆ. ಇದರಿಂದ ರೈತರು ಪ್ಯಾಕಿಂಗ್, ಬ್ರ್ಯಾಂಡಿಂಗ್, ಮಾರ್ಕೆಟಿಂಗ್ ಹಾಗೂ ರಫ್ತು ಎಲ್ಲವನ್ನು  ಸರ್ಕಾರದ ಸಹಾಯದಿಂದ ನೇರವಾಗಿ ಮಾಡಬಹುದು. ರೈತರು ಮಧ್ಯವರ್ತಿಗಳ ಅವಲಂಬನೆ ಇಲ್ಲದೆ ಲಾಭ ಗಳಿಸಬಹುದು” ಎಂದರು.

ಅರಿಶಿಣದ ಆರೋಗ್ಯ ಲಾಭಗಳ ಕುರಿತು ಅವರು ಹೇಳಿದರು. “ಅರಿಶಿಣದಲ್ಲಿ ವೈರಸ್ ವಿರುದ್ಧ, ಕ್ಯಾನ್ಸರ್ ವಿರುದ್ಧ ಹಾಗೂ ಉರಿಯೂತ ನಿವಾರಣೆಯ ಗುಣಗಳಿವೆ. ಆದ್ದರಿಂದ ಇದನ್ನು ಪ್ರಪಂಚದಲ್ಲಿ ಅದ್ಭುತ ಔಷಧೀಯ ಪದಾರ್ಥವೆಂದು ಪರಿಗಣಿಸಲಾಗುತ್ತಿದೆ.”

ಅಮಿತ್ ಶಾ ಅವರ ಪ್ರಕಾರ, ಭಾರತದಲ್ಲಿ ಬೆಳೆಯುವ ಅರಿಶಿಣದಲ್ಲಿ ಕರ್ಕ್ಯುಮಿನ್ ಅಂಶವು ಹೆಚ್ಚು ಇದೆ, ಇದು ಜಗತ್ತಿನ ಬೇರೆ ಯಾವುದೇ ದೇಶದಲ್ಲಿ ಕಂಡುಬರುವುದಕ್ಕಿಂತ ಉತ್ತಮವಾಗಿದೆ. ಸಾವಯವ ಅರಿಶಿಣ ಕೃಷಿಗೆ ಉತ್ತೇಜನ ನೀಡಲಾಗುತ್ತಿದೆ ಎಂದೂ ಅವರು ಹೇಳಿದರು.

“2030ರೊಳಗೆ $1 ಬಿಲಿಯನ್ ಮೌಲ್ಯದ ಅರಿಶಿಣ ರಫ್ತು ಮಾಡಲು ನಾವು ಉದ್ದೇಶಿಸಿಕೊಂಡಿದ್ದೇವೆ. ಈ ಗುರಿ ಸಾಧಿಸಲು ನಾವು ಸಿದ್ಧರಾಗಿದ್ದೇವೆ,” ಎಂದು ಶಾ ಹೇಳಿದರು. ನಿಜಾಮಾಬಾದ್‌ನ ಅರಿಶಿಣ ಮುಂಬರುವ ದಿನಗಳಲ್ಲಿ ವಿಶ್ವದ ಅನೇಕ ದೇಶಗಳಿಗೆ ರಫ್ತು ಆಗಲಿದೆ ಎಂದು ಅವರು ಭರವಸೆ ನೀಡಿದರು. ವಿಶ್ವ ಅರಿಶಿಣ ಉತ್ಪಾದನೆ, ಬಳಕೆ ಮತ್ತು ರಫ್ತಿನಲ್ಲಿ ಭಾರತ ಶೇ 62ಕ್ಕೂ ಹೆಚ್ಚು ಪಾಲು ಹೊಂದಿದೆ. 2023-24ರಲ್ಲಿ ಭಾರತ 1.62 ಲಕ್ಷ ಟನ್ ಅರಿಶಿಣ ಹಾಗೂ ಅದರ ಉತ್ಪನ್ನಗಳನ್ನು $226.5 ಮಿಲಿಯನ್ ಮೌಲ್ಯದಲ್ಲಿ ರಫ್ತು ಮಾಡಿದೆ.

For Daily Updates WhatsApp ‘HI’ to 7406303366

Read next

ಹೃದಯದ ಆರೋಗ್ಯ ಕಾಪಾಡಿ: ವಿಶ್ವ ಹೃದಯ ದಿನದಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಚೇತನ್ ಕಿವಿಮಾತು

ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ಆಗ್ನೇಯ ಪದವೀಧರ ಕ್ಷೇತ್ರ ಚುನಾವಣೆಗೆ ಸಹಾಯವಾಣಿ ಕೇಂದ್ರ ಸ್ಥಾಪನೆ

ಹಿರಿಯ ನಾಗರಿಕರ ಕುಂದುಕೊರತೆ ಪರಿಹಾರಕ್ಕೆ ಅಧಿಕಾರಿಗಳಿಗೆ ಡಿಸಿ ಕಟ್ಟುನಿಟ್ಟಿನ ಸೂಚನೆ

ಕೆಎಸ್‌ಆರ್‌ಟಿಸಿಯಲ್ಲಿ ಅಪ್ರೆಂಟೀಸ್ ತರಬೇತಿಗೆ ಅರ್ಜಿ ಆಹ್ವಾನ

You cannot copy content of this page

Exit mobile version