Seattle (USA): ಭಾರತೀಯ ಮಾವಿನ ರುಚಿಗೆ ಸಿಯಾಟಲ್‌ನ ಜನರು ಫಿದಾ ಆಗಿದ್ದಾರೆ. ಭಾರತದಲ್ಲಿ ಬೆಳೆದ ಹಲವು ತಳಿಯ ಮಾವಿನ ಹಣ್ಣುಗಳು (Mango Festival) ಇಲ್ಲಿ ಪ್ರದರ್ಶನಕ್ಕಿಟ್ಟಾಗ ಜನರು ಮುಗಿಬಿದ್ದು ಖರೀದಿಸಿದರು.
ಭಾರತದ ಕಾನ್ಸುಲೆಟ್ ಸಹಯೋಗ: ಸಿಯಾಟಲ್ ನಲ್ಲಿರುವ ಭಾರತೀಯ ಕಾನ್ಸುಲೆಟ್ ಮತ್ತು ಕೃಷಿ ರಫ್ತು ಮಂಡಳಿ (APEDA) ಮಾವಿನ ರುಚಿ ಮೇಳವನ್ನು ಏರ್ಪಡಿಸಿದ್ದರು.
ಐದು ತಳಿಯ ಮಾವುಗಳು: ದಸ್ಸೇರಿ, ಚೌಸಾ, ಲಂಗ್ರಾ, ಮಲ್ಲಿಕಾ ಮತ್ತು ತೋತಾಪುರಿ ಎಂಬ ಐದು ಪ್ರಮುಖ ತಳಿಗಳ ಮಾವುಗಳನ್ನು ಪ್ರದರ್ಶನಕ್ಕೆ ಇಡಲಾಗಿತ್ತು.
ಪ್ರಮುಖ ಅತಿಥಿಗಳು: ವಾಷಿಂಗ್ಟನ್‌ ಸ್ಟೇಟ್‌ ಅಟಾರ್ನಿ ಜನರಲ್ ನಿಕ್ ಬ್ರೌನ್, ಸೆನೆಟರ್ ಮನ್ಕಾ ದಿಂಗ್ರಾ ಹಾಗೂ ಪೋರ್ಟ್ ಕಮಿಷನರ್ ಸಾಮ್ ಚೊ ಅವರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾವು ರುಚಿಸಿದರು.
ಸಂಸ್ಕೃತಿ ಮತ್ತು ಹಬ್ಬಗಳ ವಿವರ: ಭಾರತದಲ್ಲಿ ಮಾವು ಹೇಗೆ ಹಬ್ಬಗಳಲ್ಲಿ ಬಳಸಲಾಗುತ್ತದೆ ಎಂಬ ಮಾಹಿತಿಯನ್ನೂ ಈ ವೇಳೆ ಹಂಚಿಕೊಳ್ಳಲಾಯಿತು. ಕುಟುಂಬದ ಅನುಭವಗಳನ್ನು ಉದ್ಯಮ ತಜ್ಞರು ತಿಳಿಸಿದರು.
ಜುಲೈ 9ರಂದು ರೆಡ್ಮಂಡ್‌ನಲ್ಲಿ ಮತ್ತೊಂದು ಆಹಾರ ಮತ್ತು ಮಾವಿನ ಉತ್ಸವ ಆಯೋಜಿಸಲಾಯಿತು. ಭಾರತೀಯ-ಅಮೆರಿಕನ್ ಸಮುದಾಯದ ಪ್ರಮುಖರು, ಸ್ಥಳೀಯ ರಾಜಕಾರಣಿಗಳು ಭಾಗವಹಿಸಿದ್ದರು.
2024ರಲ್ಲಿ ಭಾರತದಿಂದ ಅಮೆರಿಕಕ್ಕೆ ಮಾವಿನ ರಫ್ತು ಶೇ.19ರಷ್ಟು ಹೆಚ್ಚಿದ್ದು, ಅಮೆರಿಕ ಇದೀಗ ಪ್ರಮುಖ ರಫ್ತು ಗಮ್ಯಸ್ಥಾನವಾಗಿದೆ.
