ಭಾರತೀಯ ಮೂಲದ ಅಮೆರಿಕನ್ ವಿಜ್ಞಾನಿ ಅಮಿತ್ ಕ್ಷತ್ರಿಯ (Amit Kshatriya) ಅವರಿಗೆ ನಾಸಾ ಮಹತ್ವದ ಹುದ್ದೆ ನೀಡಿದೆ. ಅವರನ್ನು ನಾಸಾದ (NASA) ಹೊಸ ಸಹಾಯಕ ಆಡಳಿತಾಧಿಕಾರಿಯಾಗಿ ನೇಮಿಸಲಾಗಿದೆ. ಈ ಹುದ್ದೆ ನಾಸಾದಲ್ಲಿನ ಉನ್ನತ ನಾಗರಿಕ ಸೇವಾ ಸ್ಥಾನಗಳಲ್ಲಿ ಒಂದಾಗಿದೆ.
ಅಮಿತ್ ಕ್ಷತ್ರಿಯ ಅವರು ಸುಮಾರು 20 ವರ್ಷಗಳಿಂದ ನಾಸಾದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರು ಮೊದಲು “ಚಂದ್ರನಿಂದ ಮಂಗಳ” ಕಾರ್ಯಕ್ರಮದ ಮುಖ್ಯಸ್ಥರಾಗಿದ್ದರು. ಸಾಫ್ಟ್ವೇರ್ ಮತ್ತು ರೋಬೋಟಿಕ್ ಎಂಜಿನಿಯರ್ ಆಗಿ ಕೆಲಸ ಆರಂಭಿಸಿದ ಅವರು, ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ (ISS) ರೋಬೋಟಿಕ್ ಭಾಗಗಳ ಜೋಡಣೆ ಮಾಡಿದ್ದರು.
ಹೊಸ ಹುದ್ದೆಯಲ್ಲಿ ಕ್ಷತ್ರಿಯ ಅವರು ನಾಸಾದ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿಯಾಗಿ ಕೆಲಸ ಮಾಡುತ್ತಾರೆ. ಏಜೆನ್ಸಿಯ 10 ಕೇಂದ್ರ ನಿರ್ದೇಶಕರು ಹಾಗೂ ವಾಷಿಂಗ್ಟನ್ನಿನ ನಾಸಾ ಪ್ರಧಾನ ಕಚೇರಿಯ ಉನ್ನತ ಅಧಿಕಾರಿಗಳನ್ನು ಮುನ್ನಡೆಸುತ್ತಾರೆ.
ವೃತ್ತಿಜೀವನ
- 2003ರಲ್ಲಿ ನಾಸಾ ಸೇರಿದರು.
- 2014-2017ರ ನಡುವೆ ಬಾಹ್ಯಾಕಾಶ ನಿಲ್ದಾಣದ ಹಾರಾಟ ನಿರ್ದೇಶಕರಾಗಿದ್ದರು.
- 2017-2021 ರಲ್ಲಿ ISS ವಾಹನ ಕಚೇರಿಯಲ್ಲಿ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿದರು.
- 2021 ರಲ್ಲಿ ನಾಸಾ ಪ್ರಧಾನ ಕಚೇರಿಯ ಮಿಷನ್ ನಿರ್ದೇಶನಾಲಯದಲ್ಲಿ ಉಪ ಆಡಳಿತಾಧಿಕಾರಿಯಾದರು.
- ಆರ್ಟೆಮಿಸ್-1 ಮಿಷನ್ನಲ್ಲಿ ಯಶಸ್ವಿಯಾಗಿ ಚಂದ್ರನಿಂದ ಮರಳಿದ ಓರಿಯನ್ ಬಾಹ್ಯಾಕಾಶ ನೌಕೆ ಅಭಿವೃದ್ಧಿ ತಂಡದ ಪ್ರಮುಖ ಸದಸ್ಯರು.
- ಕ್ಯಾಲಿಫೋರ್ನಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಪದವಿ.
- ಟೆಕ್ಸಾಸ್ ವಿಶ್ವವಿದ್ಯಾಲಯದಿಂದ ಗಣಿತಶಾಸ್ತ್ರದಲ್ಲಿ ಸ್ನಾತಕೋತ್ತರ.
ಅಮಿತ್ ಕ್ಷತ್ರಿಯ ಅವರು ತಮ್ಮ ಪತ್ನಿ ಹಾಗೂ ಮೂವರು ಮಕ್ಕಳೊಂದಿಗೆ ಟೆಕ್ಸಾಸ್ನಲ್ಲಿ ವಾಸಿಸುತ್ತಿದ್ದಾರೆ. ಅವರ ಪೋಷಕರು ಭಾರತದಿಂದ ಅಮೆರಿಕಕ್ಕೆ ವಲಸೆ ಹೋದವರು.
- ಪ್ರಶಸ್ತಿಗಳು
- ನಾಸಾದ ಅತ್ಯುತ್ತಮ ನಾಯಕತ್ವ ಪದಕ.
- ಗಗನಯಾತ್ರಿಗಳ ಸುರಕ್ಷಿತ ಮಿಷನ್ಗಾಗಿ ನೀಡುವ ಸಿಲ್ವರ್ ಸ್ನೂಪಿ ಪ್ರಶಸ್ತಿ.
ಭಾರತೀಯ ಮೂಲದ ಅಮಿತ್ ಕ್ಷತ್ರಿಯ ಅವರು ನಾಸಾದಲ್ಲಿ ಉನ್ನತ ಸ್ಥಾನವನ್ನು ಪಡೆದು ಭಾರತಕ್ಕೆ ಹೆಮ್ಮೆ ತಂದಿದ್ದಾರೆ.
