Pune: ನ್ಯೂಜಿಲ್ಯಾಂಡ್ (New Zealand) ವಿರುದ್ಧ ತವರಿನಲ್ಲಿ ನಡೆದ 2ನೇ ಟೆಸ್ಟ್ (2nd Test) ಪಂದ್ಯವನ್ನ ಸೋಲುವ ಮೂಲಕ ಭಾರತ ಬರೋಬ್ಬರಿ 11 ವರ್ಷಗಳ ಬಳಿಕ ತವರಿನಲ್ಲಿ ಟೆಸ್ಟ್ ಸರಣಿ ಕಳೆದುಕೊಂಡಿದೆ.
]ಪುಣೆಯಲ್ಲಿ ನಡೆದ ಪಂದ್ಯದಲ್ಲಿ ಭಾರತ 113ರನ್ಗಳ ಸೋಲು ಕಂಡಿದೆ.
ಬೆಂಗಳೂರಿನಲ್ಕಿ ಟೆಸ್ಟ್ ಸೋತಿದ್ದ ಭಾರತ ತಂಡ ಪುಣೆಯಲ್ಲಿ ಟೆಸ್ಟ್ ಪಂದ್ಯವನ್ನ ಗೆದ್ದು ಸರಣಿಯನ್ನ ಸಮಬಲ ಸಾಧಿಸುವ ಇರಾದೆಯಲ್ಲಿತ್ತು. ಅದಕ್ಕಾಗಿ ತಮ್ಮ ಸ್ಪಿನ್ ಅಸ್ತ್ರವನ್ನ ಬಳಸಿಕೊಂಡಿತ್ತು.
ಮಿಚೆಲ್ ಸ್ಯಾಂಟ್ನರ್ ಸ್ಪಿನ್ ದಾಳಿಯನ್ನ ಎದುರಿಸಲಾಗಿ ಭಾರತಿಯ ಬ್ಯಾಟರ್ಗಳು ಪರದಾಡಿದರು. ಮೊದಲ ಇನ್ನಿಂಗ್ಸ್ನಲ್ಲಿ 7 ವಿಕೆಟ್ ಪಡೆದಿದ್ದ ಸ್ಯಾಂಟ್ನರ್ 2ನೇ ಇನ್ನಿಂಗ್ಸ್ನಲ್ಲೂ 5 ವಿಕೆಟ್ ಪಡೆದು ಕಮಾಲ್ ಮಾಡಿದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
ಬೌಲರ್ಗಳು ಉತ್ತಮ ಪ್ರದರ್ಶನ ತೋರಿದರೂ ಬ್ಯಾಟರ್ಗಳು ಈ ಪಂದ್ಯದಲ್ಲಿ ದಯನೀಯ ವೈಫಲ್ಯ ಅನುಭವಿಸಿ 156ಕ್ಕೆ ಆಲೌಟ್ ಆಯಿತು. ಇಡೀ ಇನ್ನಿಂಗ್ಸ್ನಲ್ಲಿ ಒಬ್ಬ ಬ್ಯಾಟ್ಸ್ಮನ್ ಕೂಡ ಅರ್ಧಶತಕ ಸಿಡಿಸಲಿಲ್ಲ.
38ರನ್ಗಳಿಸಿದ ರವೀಂದ್ರ ಜಡೇಜಾ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಜೈಸ್ವಾಲ್ 30, ಗಿಲ್ ಕೂಡ 30 ರನ್ಗಳಿಸಿದರು.
359ರನ್ಗಳ ಗುರಿ ಬೆನ್ನಟ್ಟಿದ ಟೀಮ್ ಇಂಡಿಯಾ, ಇಂದೂ ಕೂಡ ಉತ್ತಮ ಆರಂಭ ಪಡೆಯಲಿಲ್ಲ. ರೋಹಿತ್ ಶರ್ಮಾ ಕೇವಲ 8 ರನ್ಗಳಿಸಿ ಸ್ಯಾಂಟ್ನರ್ ಬೌಲಿಂಗ್ನಲ್ಲಿ ವಿಲ್ಯಂಗ್ಗೆ ಕ್ಯಾಚ್ ನೀಡಿ ವಿಕೆಟ್ ಒಪ್ಪಿಸಿದರು.
ಆದರೆ 2ನೆ ವಿಕೆಟ್ಗೆ ಗಿಲ್ ಹಾಗೂ ಜೈಸ್ವಾಲ್ 62ರನ್ಗಳ ಜೊತೆಯಾಟ ನೀಡಿ ತಂಡಕ್ಕೆ ಚೇತರಿಕೆ ನೀಡಿದರು. ತಂಡದ ಮೊತ್ತ 100ರ ಸನಿಗವಿದ್ದಾಗ 23 ರನ್ಗಳಿಸಿದ್ದ ವೇಳೆ ಗಿಲ್ ಸ್ಯಾಂಟ್ನರ್ ಬೌಲಿಂಗ್ನಲ್ಲಿ ಡೆರಿಲ್ ಮಿಚೆಲ್ಗೆ ಕ್ಯಾಚ್ ನೀಡಿ ಔಟಾದರು.
ಗಿಲ್ ಔಟಾದ 30 ರನ್ಗಳ ಅಂತರದಲ್ಲಿ ಅರ್ಧಶತಕ ಸಿಡಿಸಿ ಉತ್ತಮವಾಗಿ ಆಡುತ್ತಿದ್ದ ಯಶಸ್ವಿ ಜೈಸ್ವಾಲ್ ಕೂಡ ಸ್ಯಾಂಟ್ನರ್ ಬೌಲಿಂಗ್ನಲ್ಲಿ ಡೇರಿಲ್ ಮಿಚೆಲ್ಗೆ ಕ್ಯಾಚ್ ನೀಡಿದ ಔಟಾದರು.
ಜೈಸ್ವಾಲ್ 65 ಎಸೆತಗಳಲ್ಲಿ 9 ಬೌಂಡರಿಮ 3 ಸಿಕ್ಸರ್ಗಳ ಸಹಿತ 77 ರನ್ಗಳಿಸಿ ಔಟಾದರು.
ಯಶಸ್ವಿ ಜೈಸ್ವಾಲ್ ವಿಕೆಟ್ ಬೀಳುತ್ತಿದ್ದಂತೆ ಭಾರತದ ಪತನ ಆರಂಭವಾಯಿತು. ಇಲ್ಲದ ರನ್ ಕದಿಯಲು ಹೋಗಿ ರಿಷಭ್ ಪಂತ್ ರನ್ಔಟ್ ಆಗಿ ಶೂನ್ಯ ಪೆವಿಲಿಯನ್ಗೆ ಮರಳಿದರು.
ಇದರ ಬೆನ್ನಲ್ಲೇ ವಿರಾಟ್ ಕೊಹ್ಲಿ ಕೂಡ 17 ರನ್ಗಳಿಸಿ ಸ್ಯಾಂಟ್ನರ್ ಬೌಲಿಂಗ್ನಲ್ಲಿ ಎಲ್ಬಿ ಬಲೆಗೆ ಬಿದ್ದರು. ಸರ್ಫರಾಜ್ ಆಟ 9ಕ್ಕೆ ಅಂತ್ಯವಾಯಿತು. ವಾಷಿಂಗ್ಟನ್ ಸುಂದರ್ 21ರನ್ಗಳಿಸಿ ಔಟಾದರು.
