ವೈದ್ಯರು ಮಾತ್ರವಲ್ಲ, ದಾದಿಯರೂ(Nurses Day) ಕೂಡಾ ಜನರ ಜೀವ ಉಳಿಸುವ ದೇವರುಗಳಂತೆ ಕೆಲಸ ಮಾಡುತ್ತಾರೆ. ಅವರು ರೋಗಿಗಳನ್ನು ಹಗಲಿರುಳು ಎಣೆಯಿಲ್ಲದೆ ಆರೈಕೆ ಮಾಡುತ್ತಾರೆ, ಚಿಕಿತ್ಸೆ ನೀಡುತ್ತಾರೆ. ಬಹುಶಃ, ವೈದ್ಯರಿಗಿಂತ ಮೊದಲು ರೋಗಿಯೊಡನೆ ಸಂಪರ್ಕ ಹೊಂದುವವರು ದಾದಿಯರೇ.
ಕಳೆದ ಕೊರೋನಾ ಸಮಯದಲ್ಲಿ, ತಮ್ಮ ಜೀವದ ತಾಕತ್ತು ಪರೀಕ್ಷೆಗೆ ಗುರಿಯಾಗಿದ್ರೂ, ದಾದಿಯರು ಧೈರ್ಯದಿಂದ ಮುನ್ನಡೆದು ಜನರ ಸೇವೆ ಮಾಡಿದರು. ಇಂದು ಜಗತ್ತಿನಾದ್ಯಂತ ಜನರ ಆರೋಗ್ಯ ಸುಧಾರಣೆಗಾಗಿ ಅವರು ನಿರಂತರ ದುಡಿಯುತ್ತಿದ್ದಾರೆ. ದಾದಿಯರು ಆರೋಗ್ಯ ವ್ಯವಸ್ಥೆಯ ಬೆನ್ನೆಲುಬು ಎಂದು ಹೇಳುವುದು ತಪ್ಪಲ್ಲ.
ದಾದಿಯರ ಸೇವೆಗಾಗಿ ಗೌರವ ಸೂಚಿಸಲು ಪ್ರತಿ ವರ್ಷ ಮೇ 12 ರಂದು ಅಂತಾರಾಷ್ಟ್ರೀಯ ದಾದಿಯರ ದಿನವನ್ನು ಆಚರಿಸಲಾಗುತ್ತದೆ.
ಮೇ 12 ರಂದು ಆಧುನಿಕ ನರ್ಸಿಂಗ್ ವೃತ್ತಿಯ ಸ್ಥಾಪಕೆಯಾಗಿರುವ ಫ್ಲಾರೆನ್ಸ್ ನೈಟಿಂಗೇಲ್ ಅವರು 1820 ರಲ್ಲಿ ಜನಿಸಿದರು. ಅವರ ಜನ್ಮದಿನವನ್ನು ಸ್ಮರಿಸಿ, 1974 ರಿಂದ ಈ ದಿನವನ್ನು ಅಂತಾರಾಷ್ಟ್ರೀಯ ದಾದಿಯರ ದಿನವಾಗಿ ಆಚರಿಸಲಾಗುತ್ತಿದೆ.
ಅಮೆರಿಕದ ಆರೋಗ್ಯ, ಶಿಕ್ಷಣ ಮತ್ತು ಕಲ್ಯಾಣ ಇಲಾಖೆಯ ಡೊರೊಥಿ ಸದರ್ಲ್ಯಾಂಡ್ ಈ ದಿನದ ಆಲೋಚನೆಯನ್ನು ಮೊದಲು ತಂದರು. ನಂತರ ಅಂತಾರಾಷ್ಟ್ರೀಯ ದಾದಿಯರ ಮಂಡಳಿ (International Council of Nurses) ಈ ದಿನವನ್ನು ಅಧಿಕೃತವಾಗಿ ಆರಂಭಿಸಿತು.
ಈ ದಿನದ ಉದ್ದೇಶ
- ದಾದಿಯರ ಸೇವೆಗೆ ಗೌರವ ಸಲ್ಲಿಸುವುದು
- ದಾದಿಯರ ವೃತ್ತಿಯ ಮಹತ್ವವನ್ನು ತಿಳಿಸುವುದು
- ಅವರ ಪರಿಶ್ರಮ ಮತ್ತು ಸಮರ್ಪಣೆಗೆ ಧನ್ಯವಾದ ಹೇಳುವುದು
ಈ ವಿಶೇಷ ದಿನ ಪ್ರಪಂಚದಾದ್ಯಂತ ಆಸ್ಪತ್ರೆಗಳು ಮತ್ತು ಆರೋಗ್ಯ ಸಂಸ್ಥೆಗಳು ದಾದಿಯರನ್ನು ಅಥವಾ ನರ್ಸಿಂಗ್ ವೃತ್ತಿಪರರನ್ನು ಗೌರವಿಸಲು ಹಲವಾರು ಸನ್ಮಾನ ಕಾರ್ಯಕ್ರಮಗಳು, ಸೆಮಿನಾರ್‌ಗಳು, ಅಭಿಯಾನಗಳನ್ನು ಆಯೋಜಿಸುತ್ತವೆ.
