Tehran: ಇರಾನ್ (Iran) ತನ್ನ ರಾಷ್ಟ್ರೀಯ ಬಾಹ್ಯಾಕಾಶ ತಂತ್ರಜ್ಞಾನ ದಿನಾಚರಣೆಯ ಪ್ರಯುಕ್ತ, ರಾಜಧಾನಿ ಟೆಹ್ರಾನ್‌ನಲ್ಲಿ ಭಾನುವಾರ ತನ್ನ ದೇಶೀಯವಾಗಿ ಅಭಿವೃದ್ಧಿಪಡಿಸಿದ ಮೂರು ಹೊಸ ಉಪಗ್ರಹಗಳನ್ನು (satellites) ಅನಾವರಣಗೊಳಿಸಿದೆ. ಈ ಸಂದರ್ಭ ಅಧ್ಯಕ್ಷ ಮಸೂದ್ ಪೆಜೆಶ್ಕಿಯಾನ್, ಮಾಹಿತಿ ಮತ್ತು ಸಂವಹನ ತಂತ್ರಜ್ಞಾನ ಸಚಿವ ಸೈಯದ್ ಸತ್ತಾರ್ ಹಶೆಮಿ ಮತ್ತು ಹಲವಾರು ಕ್ಯಾಬಿನೆಟ್ ಸದಸ್ಯರು, ಅಧಿಕಾರಿಗಳು ಮತ್ತು ಮಿಲಿಟರಿ ಕಮಾಂಡರ್‌ಗಳು ಭಾಗವಹಿಸಿದ್ದರು. ಅನಾವರಣಗೊಳಿಸಿದ ಉಪಗ್ರಹಗಳು ನವಕ್ -1, ಪಾರ್ಸ್ -2 ಮತ್ತು ಪಾರ್ಸ್ -1 ಹೊಸ ಮಾದರಿಗಳುವು.
ಇರಾನಿನ ಬಾಹ್ಯಾಕಾಶ ಸಂಶೋಧನಾ ಕೇಂದ್ರವು ಅಭಿವೃದ್ಧಿಪಡಿಸಿದ ನವಕ್ -1 ಸಂವಹನ ಉಪಗ್ರಹವು ಶೀಘ್ರದಲ್ಲೇ ಸ್ವದೇಶಿ ಸಿಮೊರ್ಗ್ ಉಡಾವಣಾ ವಾಹನದ ಸುಧಾರಿತ ಆವೃತ್ತಿಯನ್ನು ಪರೀಕ್ಷಿಸಲು ವಿನ್ಯಾಸಗೊಳಿಸಲಾಗಿದೆ. ಈ ಉಪಗ್ರಹವನ್ನು ದೀರ್ಘಾಕಾರದ ಕಕ್ಷೆಗೆ ಸೇರಿಸುವ ನಿರೀಕ್ಷೆ ಇದೆ. ನವಕ್ -1 ಉಪಗ್ರಹವು 34 ಕೆಜಿ ತೂಕವನ್ನು ಹೊಂದಿದ್ದು, ಕಾಸ್ಮಿಕ್ ಕಿರಣಗಳನ್ನು ಅಳೆಯಲು ಡೋಸಿಮೆಟ್ರಿ ಪೇಲೋಡ್ ಮತ್ತು ಭೂಮಿಯ ವಿದ್ಯುತ್ಕಾಂತೀಯ ಕ್ಷೇತ್ರವನ್ನು ಅಳೆಯಲು ಮ್ಯಾಗ್ನೆಟೋಮೀಟರ್ ಸಂವೇದಕವನ್ನು ಹೊಂದಿದೆ.
IRNA ಪ್ರಕಾರ, ಪಾರ್ಸ್ -2 ರಿಮೋಟ್ ಸೆನ್ಸಿಂಗ್ ಉಪಗ್ರಹವು 150 ಕೆಜಿ ತೂಕವನ್ನು ಹೊಂದಿದ್ದು, ಎರಡು ವಿಭಿನ್ನ ದೇಶೀಯ ರೇಖೀಯ ಸ್ಥಾನ ಸಂವೇದಕಗಳೊಂದಿಗೆ ಎರಡು ಇಮೇಜಿಂಗ್ ಪೇಲೋಡ್ ಗಳನ್ನು ಹೊಂದಿದೆ. ಈ ಉಪಗ್ರಹವು ಪರಿಸರ ಮೇಲ್ವಿಚಾರಣೆ, ಅರಣ್ಯ, ನೈಸರ್ಗಿಕ ವಿಪತ್ತು ಪ್ರತಿಕ್ರಿಯೆ ಮತ್ತು ನಗರ ನಿರ್ವಹಣೆ ಕಾರ್ಯಾಚರಣೆಗಳಲ್ಲಿ ಪರಿಣಾಮಕಾರಿಯಾಗಿದೆ.
ಪಾರ್ಸ್ -1 ರಿಮೋಟ್ ಸೆನ್ಸಿಂಗ್ ಉಪಗ್ರಹವು 150 ಕೆಜಿಗಿಂತ ಕಡಿಮೆ ತೂಕವನ್ನು ಹೊಂದಿದ್ದು, ಮೂರು ಇಮೇಜಿಂಗ್ ಪೇಲೋಡ್ ಗಳನ್ನು ಹೊಂದಿದೆ. ಮಲ್ಟಿಸ್ಪೆಕ್ಟ್ರಲ್, ಶಾರ್ಟ್-ವೇವ್ ಇನ್ಫ್ರಾರೆಡ್ ಮತ್ತು ಥರ್ಮಲ್ ಇನ್ಫ್ರಾರೆಡ್. ಈ ಉಪಗ್ರಹವು ಗ್ಯಾಲಿಯಂ ಆರ್ಸೆನೈಡ್ ಸೌರ ಕೋಶಗಳಿಂದ ಶಕ್ತಿ ಪಡೆಯುತ್ತದೆ.
