Tehran: ಇರಾನ್ ಮೇಲೆ ಅಮೆರಿಕ ಮತ್ತು ಇಸ್ರೇಲ್ ದಾಳಿ ನಡೆಸಿದ ಹಿನ್ನೆಲೆಯಲ್ಲಿ, ಇರಾನ್‌ನ ಶಿಯಾ ಧರ್ಮಗುರು ನಾಸೆರ್ ಮಕರಿಮ್ ಶಿರಾಜಿ ಅವರು ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಮತ್ತು ಇಸ್ರೇಲ್ ಪ್ರಧಾನಮಂತ್ರಿ ಬೆಂಜಮಿನ್ ನೆತನ್ಯಾಹು (Netanyahu) ವಿರುದ್ಧ “ಫತ್ವಾ” (ಧಾರ್ಮಿಕ ತೀರ್ಪು) ಹೊರಡಿಸಿದ್ದಾರೆ.
ಅವರು ಪ್ರಪಂಚದಾದ್ಯಂತದ ಎಲ್ಲ ಮುಸ್ಲಿಮರು ಒಂದಾಗಿ ಈ ನಾಯಕರ ವಿರುದ್ಧ ಶಾಂತಿಯುತ ಪ್ರತಿಕ್ರಿಯೆ ನೀಡಬೇಕೆಂದು ಕರೆ ನೀಡಿದ್ದಾರೆ. ಈ ಫತ್ವಾದ ಪ್ರಕಾರ, ಇಸ್ಲಾಮಿಕ್ ನಾಯಕತ್ವದ ವಿರುದ್ಧ ದ್ವೇಷದ ನಡವಳಿಕೆ ಅಥವಾ ಹತ್ಯೆಗೆ ಯತ್ನ ಮಾಡಿದವರನ್ನು ಅಲ್ಲಾಹನ ವಿರುದ್ಧ ಯುದ್ಧವೆಂದು ಪರಿಗಣಿಸಲಾಗುತ್ತದೆ.
ಫತ್ವಾದ ಮುಖ್ಯ ಅಂಶಗಳು
- ಇರಾನ್ ಸರ್ವೋಚ್ಚ ನಾಯಕನನ್ನು ಹತ್ಯೆ ಮಾಡಲು ಯತ್ನಿಸುವವರು ದೈವದ ಕೋಪಕ್ಕೆ ಗುರಿಯಾಗುತ್ತಾರೆ.
- ಇಂತಹ ಕ್ರೂರ ಕೃತ್ಯಗಳಿಗೆ ಅತ್ಯಂತ ಕಠಿಣ ಶಿಕ್ಷೆ ನೀಡಬೇಕೆಂದು ಕರೆ.
- ಇಸ್ಲಾಮಿಕ್ ಸಮುದಾಯದ ಏಕತೆ ಮತ್ತು ಗೌರವಕ್ಕೆ ಬೆದರಿಕೆ ಒಡ್ಡಿದವರ ವಿರುದ್ಧ ಎಲ್ಲಾ ಮುಸ್ಲಿಮರು ಏಕತೆಯಿಂದ ಪ್ರತಿಕ್ರಿಯಿಸಬೇಕು.
- ಶತ್ರು ರಾಷ್ಟ್ರಗಳಿಗೆ ಸಹಕಾರ ನೀಡುವುದು ನಿಷಿದ್ಧ (ಹರಾಮ್).
- ಇಸ್ರೇಲ್ ಮಾಡಿರುವ ಪರಮಾಣು ದಾಳಿಗೆ ಇರಾನ್ ತೀವ್ರ ಪ್ರತಿಕ್ರಿಯೆ ನೀಡಿದೆ. ಅಮೆರಿಕವೂ ಯುದ್ಧದಲ್ಲಿ ತೊಡಗಿಸಿಕೊಂಡು ಇರಾನ್‌ನ ಪರಮಾಣು ತಾಣಗಳ ಮೇಲೆ ದಾಳಿ ನಡೆಸಿದೆ.
ಫತ್ವಾ ಎಂದರೇನು?: ಫತ್ವಾ ಎಂದರೆ ಧಾರ್ಮಿಕ ತೀರ್ಪು. ಇದು ಸಾಮಾನ್ಯವಾಗಿ ಸಮಾಜ, ರಾಜಕೀಯ ಅಥವಾ ಧರ್ಮ ಸಂಬಂಧಿತ ಗೊಂದಲಗಳಿಗೆ ಸ್ಪಷ್ಟ ಉತ್ತರ ನೀಡಲು ಧರ್ಮಗುರುಗಳಿಂದ ಹೊರಡಿಸಲಾಗುತ್ತದೆ. 1989ರಲ್ಲಿ ಲೇಖಕ ಸಲ್ಮಾನ್ ರಶ್ದಿಯವರ ವಿರುದ್ಧವೂ ಇಂತಹ ಫತ್ವಾ ಹೊರಡಿಸಲಾಗಿತ್ತು.
