Sriharikota: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ತನ್ನ 100ನೇ ಉಡಾವಣೆಯನ್ನು ಆಂಧ್ರಪ್ರದೇಶದ ಶ್ರೀಹರಿಕೋಟಾದಿಂದ ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. ಇಂದು ಬೆಳಿಗ್ಗೆ 6:23ಕ್ಕೆ GSLV-F15 ರಾಕೆಟ್ ಮೂಲಕ NVS-02 ಉಪಗ್ರಹವನ್ನು ನಭಕ್ಕೆ ಕಳಿಸಲಾಗಿದೆ.
NVS-02 ಉಪಗ್ರಹದ ವಿಶೇಷತೆ
- ಇದು ನ್ಯಾವಿಗೇಷನ್ ಸೆಟಲೈಟ್ ಆಗಿದ್ದು, ಭಾರತೀಯ ಪ್ರಾದೇಶಿಕ ಸಂಚರಣೆ ಉಪಗ್ರಹ ವ್ಯವಸ್ಥೆಯ (IRNSS) ಎರಡನೇ ತಲೆಮಾರಿನ ಉಪಗ್ರಹವಾಗಿದೆ.
- ಉಪಗ್ರಹವು ನಿಖರ ಸಮಯ, ಸ್ಥಾನ ಮತ್ತು ವೇಗದ ಮಾಹಿತಿಯನ್ನು ನೀಡಲು ಸಹಾಯ ಮಾಡುತ್ತದೆ.
- 2,250 ಕೆ.ಜಿ. ಭಾರವಿರುವ ಈ ಉಪಗ್ರಹ, ಭೂಮಿ, ವಾಯು, ಸಾಗರ ಸಂಚಾರ, ಕೃಷಿ, ನೌಕೆ ನಿರ್ವಹಣೆ, ಮೊಬೈಲ್ ಲೊಕೇಷನ್ ಸೇವೆ, ತುರ್ತು ಸೇವೆಗಳಿಗೆ ನೆರವಾಗಲಿದೆ.
GSLV-ಎಫ್15 ರಾಕೆಟ್
- ಸ್ವದೇಶಿ ಕ್ರಯೋಜನಿಕ್ ಎಂಜಿನ್ ಹೊಂದಿರುವ GSLV ಉಪಗ್ರಹ ಉಡಾವಣೆ ವಾಹನದ 17ನೇ ಉಡಾವಣೆಯಾಗಿದ್ದು, 50.9 ಮೀಟರ್ ಎತ್ತರವಿದೆ.
- ಈ ಹಿಂದೆ 2023ರ ಮೇ 29ರಂದು GSLV-F12 ಉಪಗ್ರಹ NVS-01 ಅನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿತ್ತು.
NavIC (Navigation with Indian Constellation) ಭಾರತದ ಸ್ವತಂತ್ರ ನ್ಯಾವಿಗೇಷನ್ ವ್ಯವಸ್ಥೆಯಾಗಿದ್ದು, ಭಾರತದೊಳಗೂ ಅದರ ಸುತ್ತಲಿನ 1500 ಕಿ.ಮೀ.ವರೆಗೆ ಸೇವೆ ಒದಗಿಸುತ್ತದೆ. 100ನೇ ಉಡಾವಣೆಯೊಂದಿಗೆ, ಇಸ್ರೋ ಈಗ 7 ಉಪಗ್ರಹಗಳ ಪೈಕಿ 5ನ್ನು ಬಾಹ್ಯಾಕಾಶದಲ್ಲಿ ಸ್ಥಾಪಿಸಿದೆ.
ಈ ಐತಿಹಾಸಿಕ ಸಾಧನೆಯ ಕುರಿತು ವಿಶ್ವದಾದ್ಯಂತ ಮೆಚ್ಚುಗೆ ವ್ಯಕ್ತವಾಗಿದೆ!
